Халықаралық отбасы жылына байланысты рақымшылық жасау туралы Заңы

Басты бет / Заңдар / Халықаралық отбасы жылына байланысты рақымшылық жасау туралы Заңы

Қазақстан Республикасының Заңы. 1994 жылғы 5 қазан N 174-ХIII

      1994 жылы Халықаралық отбасы жылының өткiзiлуiне байланысты және адамгершiлiк қағидаттарын басшылыққа ала отырып, Қазақстан Республикасының Жоғарғы Кеңесi қаулы етедi:   

    1. Бас бостандығынан айыру түрiндегi жазадан немесе бас бостандығынан айырумен байланысты емес жазадан:       а) бұрын еңбекпен тәрбиелеу колонияларында ұсталмаған тағайындалған жаза мерзiмiне қарамастан, кәмелетке толмағандар;       б) үш жылға дейiнгi мерзiмдi қоса бас бостандығынан айыруға сотталған осы баптың "а" тармағының күшi қолданылмайтын кәмелетке толмағандар босатылсын.     

2. Бас бостандығынан айыру түрiндегi жазадан немесе бас бостандығынан айырумен байланысты емес жазадан тағайындалған жаза мерзiмiне қарамастан:       а) 16 жасқа дейiнгi балалары, I және II топтағы мүгедек балалары бар, сондай-ақ жүктi әйелдер;       б) әскери және интернационалдық борышын орындау кезiнде қаза тапқан әскери қызметшiлердiң жесiрлерi; соғыс мүгедектерiнiң және соларға теңестiрiлген адамдардың әйелдерi босатылсын.      

3. Бас бостандығынан айыру түрiндегi жазадан немесе бас бостандығынан айырумен байланысты емес жазадан және тағайындалған жазалау шарасына қарамастан:       а) 1941-1945 жылдардағы Ұлы Отан соғысының қатысушылары мен мүгедектерi, сондай-ақ соларға теңестiрiлген адамдар;       б) 60 жастан асқан еркектер, 55 жастан асқан әйелдер;       в) I және II топтағы мүгедектер;       г) балаларының анасы қайтыс болған немесе ата-аналық құқықтан айырылған, 16 жасқа дейiнгi балалары бар еркектер босатылсын.      

4. Осы заңның 1-3-баптарының күшi қолданылмайтын, жазалау мерзiмiнiң алты айға жетпейтiн бөлiгi өтелмеген сотталғандар бас бостандығынан айыру орындарынан босатылсын.      

5. Осы Заңның 1-3-баптарының күшi қолданылмайтын, түзелу жолына бекем түскен адамдарға арналған колония-қоныстарға көшiрiлген сотталғандар, егер осы Заң күшiне енген күнi олар жазалау мерзiмiнiң тең жартысын өтеген болса, жазадан босатылсын.       6. Жер айдау және жер аудару негiзгi немесе қосымша жаза түрiнде қолданылып сотталғандар осындай түрдегi жазадан босатылсын.       7. Бас бостандығынан айырумен байланысты емес жазалау шараларына сотталған адамдар, егер бұл жаза негiзгi жаза түрiнде қолданылса және бас бостандығынан айырумен алмастырылмаса, жазадан босатылсын.     

  8. Осы Заңның 1-3-баптарының күшi қолданылмайтын, абайсыздықтан жасалған қылмыс үшiн сотталған адамдардың жаза мерзiмiнiң өтелмеген бөлiгiнiң тең жартысы қысқартылсын.      

9. Үш жылға дейiнгi мерзiмдi қоса алғаш рет сотталған және осы Заңның 1-3-баптарының негiзiнде босатылуға жатпайтын адамдардың жаза мерзiмiнiң өтелмеген бөлiгiнiң тең жартысы қысқартылсын.     

  10. Еңбекпен түзеу мекемелерiнде жаза мерзiмiнiң үштен бiр бөлiгiн өтеген, бұрын бас бостандығынан айыруға әрi кеткенде бiр-ақ рет сотталған және осы Заңның - 1-3-баптарының күшi қолданылмайтын сотталғандарға жаза мерзiмiнiң өтелмеген бөлiгiнiң үштен бiрi қысқартылсын.      

11. Осы Заңның 1-бабының күшi қолданылмайтын, Қылмыстық кодекстiң 132, 133, 200-баптарында көзделген қылмыстар үшiн сотталған 14 жастан 16 жасқа дейiнгi кәмелетке толмағандардың жаза мерзiмiнiң өтелмеген бөлiгiнiң тең жартысы қысқартылсын.      

12. Заңның 1-3-баптарында аталған адамдардың осы заң күшiне енгенге дейiн жасаған қылмыстары туралы барлық тергеу iстерiн және соттар қарамаған iстердi жүргiзу тоқтатылсын.      

13. Осы Заңның 1-10, 12-баптарының күшi:       а) Қазақ КСР Қылмыстық кодексiнiң 50-75-1-баптарында, 76-бабының 3,4-бөлiктерiнде, 76-1-бабының 2, 3, 4-бөлiктерiнде, 76-2, 76-5, 76-7, 88, 93, 101-баптарында, 132-бабының 3, 4-бөлiктерiнде, 133-бабының 2, 3, 4-бөлiктерiнде, 134, 135, 146, 146-1, 147, 173-1-баптарында, 183-бабының 2-бөлiгiнде, 200-бабының 2-бөлiгiнде, 203-бабында, 212-1-бабының 2-бөлiгiнде, 213, 213-1, 213-2-баптарында, 214-бабының 2, 3, 4-бөлiктерiнде, 214-1, 221-баптарында, 227-бабының "б" және "в" тармақтарында, 229-бабында, 231-бабының "б" және "в" тармақтарында, 234-бабында, 238-бабының "б" тармағында, 244-бабының "в" тармағында аталған қылмыстар үшiн сотталғандарға және қылмыстық жауапқа тартылғандарға;       б) ерекше қауiптi қайталап қылмыс жасаушылар деп танылғандарға;       в) бұрын қасақана қылмыс жасағаны үшiн екi реттен көп сотталғандарға;       г) бұрын кешiрiм беру немесе рақымшылық жасау тәртiбiмен жазадан босатылып, қайтадан қасақана қылмыс жасағандарға;       д) маскүнемдiктен, нашақорлықтан немесе соз ауруларынан толық емделмегендерге;       е) жаза мерзiмiн өтеу кезiнде қасақана тәртiп бұзушыларға қолданылмайды.      

14. Осы Заңның күшi республика аумағында жасалған қылмыстар үшiн Қазақстан Республикасының соттары және КСРО Одағының әскери трибуналдары сотталған адамдарға қолданылмайды.    

   15. Осы Заң жарияланған күннен бастап күшiне енедi де, алты айдың iшiнде орындалады.

Қазақстан Республикасының

Президенті

Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы

Мүлікті жария етуге байланысты рақымшылық жасау туралы

Мүлікті жария етуге байланысты рақымшылық жасау туралыҚазақстан Республикасының 2006 жылғы 5 шілдедегі N 157 Заңы.      Мүлікті жария етуге байланысты рақымшылық жасау туралы ...