Бұрынғы КСРО шарттарына қатысты құқықтық мирасқорлық мәселелері бойынша өзара мүдделілік білдіретін 1992 жылғы 6 шілдедегі өзара түсіністік туралы меморандум
Меморандум, Мәскеу қаласы, 1992 жылғы 6 шілде
- Тәуелсіз Мемлекеттер Достастығына қатысушы мемлекеттер Достастыққа қатысушы мемлекеттер арасындағы қатынастардың үйлесімді дамуына үлкен мән бере отырып,
- Бұрынғы КСРО-ның халықаралық шарттарының басқа мемлекеттермен қатынастарды тұрақтандыру және одан әрі дамыту ісіндегі рөлін мойындай отырып,
- Өзара мүдделілік білдіретін бұрынғы КСРО шарттарына қатысты құқықтық мирасқорлық мәселесін шешудің ортақ тәсілін айқындау қажеттігін негізге ала отырып,
- Төмендегі мәселелер бойынша өзара түсіністікке қол жеткізді:
1. Бұрынғы КСРО-ның көпжақты халықаралық шарттарының іс жүзінде барлығы Достастыққа қатысушы мемлекеттердің ортақ мүддесін білдіреді. Сонымен бірге, бұл шарттар Достастыққа қатысушы мемлекеттердің қандай да бір бірлескен шешімдер қабылдауын немесе іс-қимылдар жасауын талап етпейді. Бұл шарттарға қатысу мәселесін Достастыққа қатысушы әрбір мемлекет халықаралық құқықтың қағидаттары мен нормаларына сәйкес, әрбір нақты жағдайдың ерекшелігіне, сол немесе өзге шарттың сипаты мен мазмұнына қарай дербес шешеді.
2. Бұрынғы КСРО-ның екі немесе одан да көп (бірақ барлығына бірдей емес) Достастыққа қатысушы мемлекеттердің мүдделерін қозғайтын бірқатар екіжақты халықаралық шарттары бар. Бұл шарттар өздеріне қатысты қолданылатын Достастыққа қатысушы мемлекеттердің шешімдер қабылдауын немесе іс-қимылдар жасауын талап етеді. Осы жұмысты жүргізу кезінде халықаралық-құқықтық практикада қабылданған келіссөздер жүргізу және өзара қолайлы шешімдерді іздеу әдісі негізге алынуға тиіс.
3. Бірқатар екіжақты шарттар Достастыққа қатысушы барлық мемлекеттердің мүдделерін қозғайды. Оларға, мысалы, шекаралар және олардың режимі туралы шарттар жатады. Мұндай шарттар халықаралық құқыққа сәйкес күшінде қалуға тиіс және оларға Достастыққа мүше болып табылмайтын елдермен шектесетін ортақ шекарасы бар Достастыққа қатысушы мемлекеттер ғана қатыса алады.
Осыны ескере отырып, тиісті Достастыққа қатысушы мемлекеттердің аталған шарттарға қатысуын растауы маңызды болып табылады.
4. Бұрынғы КСРО шарттарына қатысты құқықтық мирасқорлыққа байланысты қандай да бір мәселелер туындаған жағдайда, мүдделі мемлекеттер арасында консультациялар жүргізілетін болады. Мұндай консультацияларды жүргізу немесе қандай да бір өзге де әрекеттер жасау мүдделі Достастыққа қатысушы мемлекеттердің әрқайсысының халықаралық құқықтың жалпыға бірдей танылған қағидаттары мен нормаларына сәйкес келетін жағдайда сол немесе өзге шарттарға қатысу туралы шешімді дербес қабылдау мүмкіндігіне күмән келтірмеуге тиіс.
1992 жылғы 6 шілдеде Мәскеу қаласында орыс тілінде бір түпнұсқа данада жасалды. Түпнұсқа Беларусь Республикасы Үкіметінің Мұрағатында сақталады, ол осы Шешімге қол қойған мемлекеттерге оның куәландырылған көшірмесін жібереді.
Әзербайжан Республикасы үшін Ресей Федерациясы үшін (қолы)
Армения Республикасы үшін Тәжікстан Республикасы үшін (қолы)
Беларусь Республикасы үшін Түрікменстан үшін (қолы)
Қазақстан Республикасы үшін Өзбекстан Республикасы үшін (қолы)
Қырғыз Республикасы үшін Украина үшін (қолы)
1992 жылғы 20 наурызда
Киев қаласында құқықтық
Молдова Республикасы үшін мирасқорлық мәселесіне
(қолы) қатысты қабылданған
шешімді ескере отырып
Конституция Заң Кодекс Нормативтік акт Указ Бұйрық Шешім Қаулы Адвокат Алматы Заңгер Заңгерлік қызмет Заңгерлік кеңес Азаматтық Қылмыстық Әкімшілік істер мен даулар Қорғау Арбитраждық Қазақстан заң компаниясы Адвокаттық кеңсе Сот істері Декларация Жарлық Бұйрық Қаулы Шешім Баяндама Қорытынды Өтініш Қорытынды Конвенция Шарт Меморандум Әдістеме Нормалар Нота Ережелер Бағдарлама Жарғы Хартия Бап Түсініктеме Резолюция Регламент Хаттама Жоба Бағдарлама Ережелер Жолдаулар