Қазақстан Республикасының әуе көлігінің қауіпсіздігін қамтамасыз ету жөніндегі шаралар туралы

Қазақстан Республикасы Президентінің 1992 жылғы 31 тамыздағы N 899 Жарлығы

 Қазақстан Республикасының аумағында азаматтық авиация және әуе кеңістігін пайдалану туралы мемлекетаралық келісімді іске асыру, әуе көлігінің қауіпсіздігін қамтамасыз ету, авиациялық техниканың сенімділігін және оның халықаралық нарықтағы бәсекеге қабілеттілігін одан әрі арттыру мақсатында ҚАУЛЫ ЕТЕМІН:      

1. Авиациялық оқиғаларды тексеру, әуе кемелерін, халықаралық және санатталған әуеайлақтарды, олардың жабдықтарын сертификаттау мәселелері бойынша авиациялық техниканы пайдаланушылар, әзірлеушілер мен жасаушылар, сондай - ақ азаматтық авиация мен өнеркәсіптің мемлекеттік органдары Азаматтық авиация туралы және әуе кеңістігін пайдалану туралы Келісімге қатысушы мемлекеттер Кеңесі қолданысқа енгізетін қағидаларды басшылыққа алатыны белгіленсін.      

2. Екі және одан да көп мемлекеттің мүдделері қозғалатын авиациялық оқиғаларды аудиторлық тексеруді, әуе кемелерін, авиациялық техниканы әзірлеушілер мен дайындаушыларды, халықаралық тасымалдарды жүзеге асыратын пайдаланушыларды, сондай-ақ халықаралық және санатталған әуеайлақтар мен олардың жабдықтарын тиісті құжаттарды бере отырып сертификаттауды Халықаралық Азаматтық авиация ұйымының (ИКАО) ұсынымдарын ескере отырып, мемлекетаралық авиация комитеті Қазақстан Республикасының аумағында жүргізеді) және Қазақстан Республикасының заңнамасын сақтау.      

3. 1991 жылғы желтоқсанда Минск қаласында қабылданған Азаматтық авиация және әуе кеңістігін пайдалану туралы Келісімге қатысушы мемлекеттер Кеңесінде Қазақстан Республикасының өкілетті өкілдері бекітілсін:      

- Қазақ азаматтық авиация басқармасының бастығы;      

- Қазақстан Республикасы Әскери-әуе күштерінің қолбасшысы.      

4. Қазақстан Республикасының Үкіметі, облыстық, қалалық және аудандық әкімшіліктердің басшылары, кәсіпорындар мен ұйымдар авиациялық оқиғаларды тергеу және олардың зардаптарын жою кезінде мемлекетаралық авиация комитетіне қажетті көмек пен жәрдем көрсетсін.

Қазақстан Республикасының  

Президенті  

 Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы