1986 жылғы 17-18 желтоқсандағы Қазақстандағы оқиғаларға қатысқаны үшін жауапкершілікке тартылған азаматтарды оңалту туралы

Қазақстан Республикасы Президентінің 1991 жылғы 12 желтоқсандағы N 540 Жарлығы

17-18 желтоқсанда Алматы қаласында және жекелеген облыс орталықтарында жұмысшы, оқушы және Студент жастардың демократиялық көзқарасы бар бөлігі орталықтың диктатына наразылық білдіру үшін демонстрацияға шықты, ол өз өкілін Республика басшысы етіп тағайындады және сол арқылы азаматтардың қарсылығы мен теріс реакциясын тудырды. Осы оқиғалардың көптеген қатысушылары негізсіз қылмыстық, әкімшілік және тәртіптік жауапкершілікке тартылды.    

Гуманизм, объективтілік және әділеттілік принциптерін басшылыққа ала отырып, мен:  

1. 1986 жылғы 17-18 желтоқсандағы Қазақстандағы оқиғаларға қатысқаны үшін қылмыстық, әкімшілік және тәртіптік жауаптылыққа тартылған адамдар ақталды деп есептелсін.    

2. Осы Жарлық қасақана кісі өлтіргені және милиция қызметкерінің, халықтық жасақтың өміріне қол сұғушылық жасағаны үшін сотталған, оларға қатысты қылмыстық істерді қайта қараудың қолданыстағы тәртібі сақталатын адамдарға қолданылмайды.    

3. Қазақстан Республикасының Жоғарғы Кеңесі 1986 жылғы желтоқсандағы Алматы қаласындағы оқиғаларға байланысты республиканың Ішкі әскерлерінің әскери қызметшілерін және құқық қорғау органдарының қызметкерлерін мемлекеттік наградалармен наградтау туралы Қазақ КСР Жоғарғы Кеңесі Төралқасының жарлықтарын қате қабылданған деп жою туралы мәселені қарауды ұсынсын.    

КСРО Жоғарғы Кеңесіне КСРО Жоғарғы Кеңесі Президиумының КСРО ордендерімен және медальдарымен наградаға ұсынылған барлық лауазымды тұлғаларды осы себептерге сүйене отырып марапаттау туралы Жарлықтарын жою туралы ұсыныспен кіру.    

4. 17 желтоқсан Қазақстан Республикасының Демократиялық жаңару күні деп жариялансын.    

Осы Жарлық қол қойылған сәттен бастап күшіне енеді.      

Президент  

Қазақстан Республикасының

 Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы