Қазақ КСР-нің сыртқы экономикалық қызметінің дербестігін қамтамасыз ету туралы
Қазақ Кеңестік Социалистік Республикасы Президентінің 1991 жылғы 31 тамыздағы N 411 Жарлығы
Республиканың сыртқы экономикалық қызметтегі дербестігін қамтамасыз ету мақсатында:
1. Республика аумағында сыртқы экономикалық байланыстар субъектілерінің қызметі Қазақ КСР заңдарымен және нормативтік актілерімен айқындалады және реттеледі деп белгіленсін.
2. Қазақ КСР сыртқы экономикалық байланыстар министрлігіне 1991 жылғы 1 қарашаға дейін республиканың сыртқы экономикалық қызметіне кеңестік және шетелдік қатысушыларды қайта тіркеу.
3. 1991 жылғы 1 қыркүйектен бастап республика аумағында бартерлік операцияларды қоса алғанда, өнімнің (жұмыстардың, көрсетілетін қызметтердің) экспорты мен импортын квоталау және лицензиялау Қазақ КСР-нің айрықша құзыреті болып табылатыны белгіленсін.
5. Қазақ КСР-нің шетелдегі сауда-экономикалық және өзге де өкілдіктерін және республикадағы шетелдік өкілдіктерді ашу және олардың жұмыс істеуі жөніндегі шешімдерді Қазақ КСР Министрлер Кабинеті қабылдайтыны айқындалсын.
6. КСРО Внешэкономбанкінің Қазақ республикалық банкі Қазақ КСР Акционерлік-Коммерциялық Внешэкономбанкі (Қазвнешэкономбанк) болып қайта құрылсын.
Қазвнешэкономбанкке және облыстық және Алматы қалалық халық депутаттары Кеңестерінің атқару комитеттеріне 1992 жылғы 1 қаңтарға дейін Қазвнешэкономбанк мекемелерінің желісі құрылсын.
7. Қазақ КСР сыртқы экономикалық байланыстарына қатысушыларға 1991 жылғы 1 қазанға дейін: - қазвнешэкономбанкте немесе валюталық шоттар жүргізуге уәкілетті республиканың басқа банктерінде валюталық шоттар ашу;
- Республика Үкіметі рұқсат берген жағдайларды қоспағанда, көрсетілген шоттарға республикадан тыс, сондай-ақ шетелдегі банктердегі барлық валюта қаражатын аударуға міндетті.
8. Қазақ КСР-де бірыңғай республикалық валюта нарығы жұмыс істейтіні айқындалсын. Валюта нарығындағы жұмыс тәртібін Қазақ КСР Ұлттық мемлекеттік Банкі белгілейді.
9. Қазақ КСР аумағында 1991 жылғы 1 қазаннан бастап "1991 жылы валюталық ресурстарды пайдаланудың ерекше тәртібі туралы"КСРО Президентінің 1990 жылғы 2 қарашадағы Жарлығының қолданылуы тоқтатылсын. Қазақ КСР Министрлер Кабинеті Қазақ КСР Ұлттық мемлекеттік банкімен және Қазақ КСР Бас мемлекеттік салық инспекциясымен бірлесіп, көрсетілген мерзімге дейін республиканың валюталық қорларына, халық депутаттарының, кәсіпорындардың, ұйымдардың жергілікті кеңестеріне және сыртқы экономикалық қызметтің өзге де қатысушыларына қаражатты қалыптастыру және аудару нормативтерін, тәртібін белгілесін.
10. Қазақ КСР Министрлер Кабинетіне 1992 жылғы 1 қаңтарға дейін:
- Қазақ КСР Мемлекеттік кеден қызметін құру;
-республикалармен және мемлекеттермен экспорттық-импорттық салықтардан, кедендік алымдар мен баждардан, жоспардан тыс кедендік кірістерден түсетін түсімдерді бөлу тетігін, сондай-ақ сыртқы экономикалық байланыстарды қамтамасыз ететін көлік схемасын келісу;
- көршілес шет мемлекеттермен немесе олардың жекелеген өңірлерімен сауда жасау кезінде қосарланған салық салуды болдырмау шараларын қабылдау. Осы Жарлық жарияланған күнінен бастап күшіне енеді.
Қазақ Кеңестік Социалистік Республикасының Президенті
Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
