2-бап. Осы Заңның негізгі мақсаттары, міндеттері және қағидаттары Дене шынықтыру және спорт туралы Заңы 

      1. Осы Заңның негізгі мақсаттары дене шынықтыру мен спортты дамыту, спортпен айналысатын салауатты және бәсекеге қабілетті ұлт қалыптастыру болып табылады.

      2. Осы Заңның негізгі міндеттері мыналар болып табылады:

      1) дене шынықтырумен және спортпен айналысатын адамдардың, сондай-ақ дене шынықтыру-сауықтыру және спорттық іс-шаралардың қатысушылары мен көрермендерінің өмірі мен денсаулығының қауіпсіздігін қамтамасыз ету және спорттық-бұқаралық іс-шараларды өткізу орындарында қоғамдық тәртіпті сақтау;

      2) дене шынықтыру мен бұқаралық спортты дамыту;

      3) ұлттық, олимпиадалық, олимпиадалық емес, паралимпиадалық, паралимпиадалық емес және сурдлимпиадалық спорт түрлерін дамыту;

      4) дене шынықтыру мен спортты, бейімдік дене шынықтыру мен спортты, спорттық медицинаны қолдау және ынталандыру;

      5) дене шынықтыру мен спорт саласындағы жеке және заңды тұлғалармен өзара іс-қимылды қамтамасыз ету;

      6) дене шынықтыру мен спортты дамыту үшін ұйымдық-құқықтық жағдайлар жасау;

      7) дене шынықтыру, спорт және спорттық медицина саласындағы зерттеулер үшін ғылыми базаны дамыту;

      8) мектеп спортын, студенттік спортты және еңбек ұжымдарында дене шынықтыруды дамыту.

      3. Осы Заңның негізгі қағидаттары мыналар болып табылады:

      1) барлық жеке адамдар үшін дене шынықтырумен және спортпен айналысудың теңдігі мен жалпыға бірдей қолжетімділігі;

      2) халықтың әртүрлі жас топтарына дене тәрбиесін берудің үзіліссіздігі мен сабақтастығы;

      3) дене шынықтырумен және спортпен айналысудың еріктілігі;

      4) дене шынықтыру-спорттық іс-шаралардың сауықтыруға бағытталуы;

      5) дене шынықтырумен және спортпен айналысуға тең құрмет көрсету;

      6) кемсітушілікке тыйым салу және қатігездікті, зорлық-зомбылықты және адамның қадір-қасиетін қорлауды насихаттауға жол бермеу;

      7) халықаралық спорттық жарыстарда Қазақстан Республикасының намысын қорғайтын жоғары жетістіктер спортының басымдығы;

      8) бейімдік дене шынықтыру мен спортты дамытуға жәрдемдесу.

Қазақстан Республикасының Заңы 2014 жылғы 3 шілдедегі № 228-V ҚРЗ. 

      Осы Заң Қазақстан Республикасында дене шынықтыру және спорт саласындағы қоғамдық қатынастарды реттейдi, бұқаралық дене шынықтыру, әуесқой және кәсiпқой спорт қызметiн қамтамасыз етудiң және оларды дамытудың құқықтық, ұйымдық, экономикалық және әлеуметтiк негiздерiн айқындайды. 

Қазақстан Республикасының  

Президенті   

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК  

      Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы