Алматы қаласы ПД Алмалы ауданы ПБ ТБ анықтаушысының әрекетіне/әрекетсіздігіне шағым

Алматы қаласы Алмалы ауданының прокуратурасына

адвокаттан: Саржанов Ғалымжан Тұрлыбекұлы

«Заң және Құқық» адвокаттық кеңсесі

БСН 201240021767

Алматы қ., Абылай хан даңғылы, 79 үй, 304 кеңсе.

info@zakonpravo.kz / www.zakonpravo.kz

+7 708 971 78 58.

Мүддесінде: ГА

ЖСН 040520501362

Шағым

Алматы қаласы ПД Алмалы ауданы ПБ ТБ анықтаушысы Назир У.Б.-ның әрекетіне/әрекетсіздігіне

Алмалы ауданы ПБ ТБ өндірісінде Оой А.Т.-ның В А.А. және Г А.А.-ға қатысты берген арызы бойынша ҚР ҚК-нің 317-бабының 1-бөлігімен тіркелген №257511031000798 СДТБТ-дағы қылмыстық іс бар.

Бұған дейін Алматы қаласы Алмалы ауданы ПБ ТБ аға анықтаушысы, полиция капитаны Назир У.Б. (бұдан әрі – анықтаушы) аталған қылмыстық іс бойынша ҚР Қылмыстық-процестік кодексінің (бұдан әрі – ҚПК) 270, 272-баптарын басшылыққа ала отырып, комиссиялық сот-медициналық сараптаманы тағайындау туралы қаулы шығарған. Қаулымен бізді 2025 жылғы 24 маусымда таныстырды.

ҚПК-нің 272-бабының 5-бөлігіне сәйкес, өз құқықтары мен мүдделерін немесе өздері өкілдік ететін адамдардың құқықтары мен мүдделерін қорғайтын процеске қатысушылар жазбаша түрде қылмыстық процесті жүргізетін органға, сарапшының қорытындысы берілуге тиіс мәселелерді ұсынады, зерттеу объектілерін көрсетеді, сондай-ақ сарапшы ретінде шақырылуы мүмкін адамды атайды. Қылмыстық процесті жүргізетін орган, оның шешуіне ұсынылған мәселелер қылмыстық іске немесе сот сараптамасының нысанасына жатпайтын жағдайларды қоспағанда, сараптаманы тағайындаудан бас тартуға құқылы емес. Өтінішхатты қанағаттандырудан бас тарту туралы сотқа дейінгі тергеп-тексеруді жүзеге асыратын адам өтінішхат келіп түскен кезден бастап үш тәулік ішінде уәжді қаулы шығарады.

2025 жылғы 27 маусымда мен сарапшының алдына қосымша сұрақтар қою туралы өтінішхат бердім, онда сарапшыға қосымша сұрақтар көрсетіліп, атап айтқанда, Алматы қаласының №5 Қалалық клиникалық ауруханасының (ЧЛХ) дәрігері Т Р.Е.-ге қатысты да сот-медициналық сараптама тағайындауды сұрадым.

Алайда анықтаушы ҚПК-нің 99-бабының 4-бөлігінде көзделген өтінішхаттарды қарау мерзімдерін бұза отырып, өтінішхатқа 2025 жылғы 7 шілдеде жауап берді.

Сонымен қатар, анықтаушы қылмыстық іс бойынша медициналық құжаттар бойынша комиссиялық сот-медициналық сараптама тағайындалып қойғанын, оған №5 «ЧЛХ» ҚАА-дан алынған құжаттар ұсынылғанын негізге алып, өтінішхатты қанағаттандырудан бас тарту туралы заңсыз қаулы шығарды.

Анықтаушының 2025 жылғы 7 шілдедегі өтінішхатты қанағаттандырудан бас тарту туралы қаулысымен келіспейміз, аталған қаулыны төмендегі негіздер бойынша негізсіз және уәжделмеген деп санаймыз:

Біріншіден: Өз өтінішхатымызда біз қосымша сұрақтарды енгізуді сұрадық;

Екіншіден: Қылмыстық іс материалдарына сәйкес, 17.10.2024 жылы Алматы қаласының №5 ҚАА ЧЛХ-да пациент Оой А.Т.-ға дәрігер Тым Р.Е. тарапынан хирургиялық араласу жүргізіліп, оның ішінде 2.7 (27) тісін алып тастау, гаймор қуысының ішінен пломбалау материалын шығару, тіс ұяшығын кюретаждау және гемостаз жүргізілген.

Аталған араласудың сипаты бойынша хирургиялық болып табылатынын және Гусейнов А.А. көрсеткен стоматологиялық емдеуден кейін жүргізілгенін ескере отырып, ол өз кезегінде асқынуларға әкелуі, патология көрінісін бұрмалауы немесе жәбірленуші Оой А.Т.-ның денсаулық жағдайына одан әрі әсер етуі мүмкін.

Істің мән-жайларын жан-жақты, толық және объективті зерттеуді қамтамасыз ету қажеттілігіне байланысты, ҚР ҚПК-нің 24, 270 және 272-баптарының негізінде, жағымсыз салдардың туындау себептерін саралау, сондай-ақ №5 ЧЛХ дәрігерлерінің әрекеттерімен ықтимал себеп-салдарлық байланысты анықтау мақсатында, біз Алматы қаласының №5 ҚАА ЧЛХ дәрігері Та Р.Е.-ге қатысты да сот-медициналық сараптама тағайындауды сұрадық.

ҚР Қылмыстық-процестік кодексінің (бұдан әрі – ҚПК) 10-бабына сәйкес, анықтаушы қылмыстық істер бойынша іс жүргізу кезінде Қазақстан Республикасының Конституциясының, осы Кодекстің, осы Кодекстің 1-бабында көрсетілген өзге де нормативтік құқықтық актілердің талаптарын дәл сақтауға міндетті.

Осыған байланысты біз ҚР ҚПК-нің 100-бабында көзделген құқықты пайдалана отырып, Сізге жүгінеміз, онда сотқа дейінгі тергеп-тексеруді жүзеге асыратын адамның, прокурордың, соттың немесе судьяның шешімдері мен әрекеттеріне процеске қатысушылар, сондай-ақ жүргізіліп жатқан процестік әрекеттер олардың мүдделерін қозғайтын болса, жеке және заңды тұлғалар осы Кодексте белгіленген тәртіппен шағым бере алатыны көрсетілген.

ҚР ҚПК-нің 99-бабының 4-бөлігіне сәйкес, өтінішхат ол мәлімделгеннен кейін тікелей қаралуға және шешілуге жатады. Өтінішхат бойынша шешімді дереу қабылдау мүмкін болмаған жағдайларда, ол мәлімделген күннен бастап үш тәуліктен кешіктірілмей шешілуге тиіс.

ҚПК-нің 105-бабына сәйкес, өздерінің немесе өздері өкілдік ететін адамдардың құқықтары мен мүдделерін қорғайтын адамдар сотқа дейінгі тергеп-тексеруді жүзеге асыратын адамдардың әрекеттеріне (әрекетсіздігіне) және шешімдеріне беретін шағымдарын тергеу бөлімінің бастығына, анықтау органының бастығына, прокурорға немесе сотқа береді.

«Прокуратура туралы» ҚР Заңының 1-бабына сәйкес, прокуратура мемлекет атынан Қазақстан Республикасының аумағында заңдылықтың сақталуына заңда белгіленген шектерде және нысандарда жоғары қадағалауды жүзеге асырады. Заңның 5-бабына сәйкес, Прокуратура заңдылықтың сақталуына жоғары қадағалауды (бұдан әрі – қадағалау) жүзеге асырады.

ҚР ҚПК-нің 58-бабының 3-тармағына сәйкес, негіздер болған кезде және осы Кодексте көзделген тәртіппен прокурор өзінің қаулысымен істерді өз өндірісіне қабылдауға және тергеушінің өкілеттіктерін пайдалана отырып, тергеуді жеке өзі жүргізуге құқылы. Сотқа дейінгі тергеп-тексерудің заңдылығына қадағалауды осыған уәкілетті прокурор жүзеге асырады.

Жоғарыда баяндалғандардың негізінде және ҚР ҚПК-нің 105-бабына сәйкес,

Сұраймын:

· Алматы қаласы ПД Алмалы ауданы ПБ аға анықтаушысы, полиция капитаны Назир У.Б.-ның 2025 жылғы 28 маусымдағы өтінішхатты қанағаттандырудан бас тарту туралы қабылдаған шешімінің күшін жою;

· Адвокаттың сарапшының алдына қосымша сұрақтар қою туралы өтінішхатын қанағаттандыру.

Адвокат / қорғаушы:

** Саржанов Ғ.Т.**

Назар аударыңыз!  

«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.  

Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.    

Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы