Арналы мұнай өнiмдерi құбырларын пайдалану кезiндегi өзара iс-қимыл туралы Қазақстан Республикасының Үкiметi мен Россия Федерациясының Үкiметi арасындағы Келiсiмдi бекiту туралы
Қазақстан Республикасы Президентiнiң Жарлығы 20 сәуiр 1995 ж. N 2214
"Қазақстан Республикасының Президентіне және жергілікті әкімшіліктердің басшыларына қосымша өкілеттіктерді уақытша беру туралы" 1993 жылғы 10 желтоқсандағы Қазақстан Республикасы Заңының 2-бабына сәйкес ҚАУЛЫ ЕТЕМІН:
1. 1995 жылғы 20 қаңтарда Мәскеуде қол қойылған Қазақстан Республикасының Үкіметі мен Ресей Федерациясының Үкіметі арасындағы магистральдық мұнай өнімдері құбырларын пайдалану кезіндегі өзара іс-қимыл туралы келісім ратификациялансын.
2. Осы Жарлық жарияланған күнінен бастап күшіне енеді.
Қазақстан Республикасының Президенті
Ресей Федерациясының Үкіметі мен Қазақстан Республикасының Үкіметі арасындағы өзара іс қимыл туралы келісім
магистральдық мұнай өнімдері құбырларын пайдалану кезінде
(ҚР СІМ ресми сайты - 1995 жылғы 14 маусымда күшіне енді.)
1992 жылғы 25 мамырдағы Ресей Федерациясы мен Қазақстан Республикасы арасындағы достық, ынтымақтастық және өзара көмек туралы шарттың ережелеріне сүйене отырып, Тараптардың әрқайсысы диспетчерлеудің бірыңғай жүйесіне енгізілген мұнай өнімдері құбырларын екінші Тараптың аумағында пайдаланатынын ескере отырып, бұдан әрі Тараптар деп аталатын Ресей Федерациясының Үкіметі мен Қазақстан Республикасының Үкіметі, осы магистральдық мұнай өнімдері құбырлары арқылы мұнай өнімдерін Ресей Федерациясының ресурстарынан Ресей Федерациясындағы, Қазақстан Республикасындағы және үшінші елдердегі тұтынушыларға тасымалдау жүзеге асырылатындығы төмендегілер туралы келісті:
1-бап Тараптардың әрқайсысы өз аумағында қызмет көрсетуші персонал үшін тұрғын үй берілетін құбырлар, байланыс желілері, станциялық құрылыстар, әлеуметтік-тұрмыстық мақсаттағы объектілер және тұрғын үй қоры (бұдан әрі - магистральдық мұнай өнімдері құбырлары және байланыс жүйелері), атап айтқанда: магистральдық мұнай өнімдері құбырлары және байланыс жүйелері түрінде екінші Тараптың меншігінің болуын таниды Ресей Федерациясының меншігіндегі Уфа - Омбы (842-ден 1027-ші километрге дейін) және Уфа - Петропавл (840-тан 912-ші километрге дейін); Қазақстан Республикасының меншігіндегі Қостанай (нөлден 144-ші километрге дейін), Самара - Орал (нөлден 200-ші километрге дейін) Магистральдық мұнай өнімдері құбырлары және байланыс жүйелері.
2-бап магистральдық мұнай өнімдері құбырлары мен байланыс жүйелерін пайдалануды олардың заңды тұлғалары болып табылатын Тараптардың әрқайсысының кәсіпорындары жүзеге асырады.
3-бап Тараптардың әрқайсысының кәсіпорындары шаруашылық жүргізуші субъектілер ретінде және осы Келісімнің 1-бабында көрсетілген меншік екінші Тараптың аумағында шаруашылық жүргізуші субъектілер және екінші Тараптың меншігі ретінде толық құқықтық қорғауды пайдаланады; бұл кәсіпорындарға аумағында магистральдық мұнай өнімдері құбырлары мен байланыс жүйелері орналасқан Тараптың заңнамасының күші қолданылады. Екінші Тараптың аумағында магистральдық мұнай өнімдері құбырлары мен байланыс жүйелеріне қызмет көрсететін аталған кәсіпорындардың қызметкерлеріне аумағында магистральдық мұнай өнімдері құбырлары мен байланыс жүйелері орналасқан Тараптың заңнамасында көзделген құқықтар мен міндеттер қолданылады.
4-бап Тараптардың әрқайсысының кәсіпорындары қолданыстағы басқару схемаларын сақтай отырып, магистральдық мұнай өнімдері құбырларын және байланыс жүйелерін пайдалануды жүзеге асыратын болады.
5-бап Тараптардың әрқайсысының кәсіпорындары магистральдық мұнай өнімдері құбырлары мен байланыс жүйелері орналасқан жерді, су мен электр энергиясын пайдаланғаны үшін төлемді магистральдық мұнай өнімдері құбырлары мен байланыс жүйелері орналасқан Тараптың аумағында қолданылатын ставкалар мен тарифтер бойынша екінші Тарапқа аударуға міндеттенеді.
6-бап Тараптар аумақтарында магистральдық мұнай өнімдері құбырлары мен байланыс жүйелері орналасқан Тараптардың заңнамасында белгіленген салықтар мен алымдарды кәсіпорындар төлегеннен кейін магистральдық мұнай өнімдері құбырлары мен байланыс жүйелерін пайдаланудан алынған қаражаттың кедергісіз аударылуын қамтамасыз етеді.
7-бап магистральдық мұнай өнімдері құбырлары мен байланыс жүйелерін иеленуге және пайдалануға қатысты Тараптар арасындағы даулар өзара консультациялар мен келіссөздер жолымен шешілетін болады.
Егер келісімге қол жеткізілмеген жағдайда, дау Тараптардың шешімі бойынша төрелік сотта қаралуға тиіс.
8-бап магистральдық мұнай өнімдері құбырлары мен байланыс жүйелерінің объектілерінде форс-мажорлық жағдайлар (дүлей зілзалалар, өрттер, авариялар, зақымданулар) туындаған және құтқару және шұғыл авариялық-қалпына келтіру жұмыстарын жүргізу кезінде, сондай-ақ диагностикалық және профилактикалық жұмыстарды жүргізу кезінде Тараптардың кәсіпорындары мамандармен, материалдық-техникалық ресурстармен және арнайы техникамен өзара көмек көрсететін болады.
Мұндай жағдайларда Тараптардың әрқайсысы екінші Тараптың арнайы авариялық-қалпына келтіру бөлімшелеріне шекарадан кедергісіз өтуге және кедендік баждар мен алымдарды алмастан қажетті материалдар мен жабдықтарды әкелуге және әкетуге құқық береді.
9-бап Тараптар осы Келісімге тиісті хаттамалармен ресімделетін және осы Келісімнің ажырамас бөлігі болып табылатын қажетті толықтырулар мен өзгерістер енгізуге уағдаласты.
10-бап
Осы Келісім Тараптардың оның күшіне енуі үшін қажетті мемлекетішілік рәсімдерді орындағаны туралы соңғы хабарлама жасалған күннен бастап күшіне енеді.
1995 жылғы 20 қаңтарда Мәскеу қаласында орыс және қазақ тілдерінде екі түпнұсқа данада жасалды, әрі екі мәтіннің де күші бірдей.
Қазақстан Республикасының
Президенті
Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
