Арыз оқудан шығару туралы қабылданған шешімнің заңдылығы мен негізділігіне қатысты 

 

Қазақстан Республикасы

Денсаулық сақтау министрлігіне

Ғылым және адами ресурстар департаментіне

БСН 170340000915

Астана қ., Мәңгілік ел даңғылы, 8, Министрлiктер үйі, 5 кіреберіс.

8 (7172) 74-37-27.

 

Арызданушы: СТ Қарабекқызы

ЖСН .....

Сенімхат бойынша өкілі:

«Заң және Құқық» адвокаттық кеңсесі

ЖСН 201240021767.

Қазахстан Республикасы, 050002, Алматы қаласы, 

Алмалы  ауданы, Абылай Хана даңғылы, 79/71 үй, 304 кеңсе.

info@zakonpravo.kz    www.zakonpravo.kz

тел.: +7 708 971 78 58 / 8 727 971 78 58.

 

 

АРЫЗ

 

 «Астана медицина университеті» ҚеАҚ-тің (әрі қарай – Университет) тарапынан СТ Қарабекқызын (әрі қарай – студент) оқудан шығару туралы қабылданған шешімнің заңдылығы мен негізділігіне қатысты келесіні хабарлаймын.

2025 жылғы 31 наурызда иммунология пәні бойынша емтихан тапсыру барысында студент шпаргалка қолданғаны үшін ұсталған. Аталған факт студенттің тарапынан жоққа шығарылмайды. Алайда университетте қалыптасқан тәжірибеге сәйкес мұндай жағдайларда студенттер, әдетте, пәнді жазғы семестрде қайта оқуға жіберіледі.

2025 жылғы 10 сәуірде Университетінің тәртіптік кеңестің отырысы өткізіліп, №6 хаттама рәсімделген. Аталған отырыста медицина мектебінің 4-курс студентіне қатысты мәселе қаралған. Тәртіптік кеңес отырысының нәтижелері бойынша студентке тек академиялық адалдық қағидаларын бұзу ғана емес, сонымен қатар сыбайлас жемқорлық құқық бұзушылық жасады деген айып тағылып, оны университеттен оқудан шығару туралы ұсыныс енгізілген.

Осы ұсыныстың негізінде Университетінің Басқарма төрағасы – Ректордың 2025 жылғы 15 сәуірдегі №489-с/жс бұйрығы шығарылып, студентті университеттен оқудан шығарылған.

Алайда аталған шешімнің заңдылығы мен негізділігіне қатысты бірқатар күмәнді мән-жайлар бар.

Біріншіден, студент сыбайлас жемқорлық құқық бұзушылық жасады деген айып тағылғанымен, нақты қандай материалдық құндылықтар немесе ақша қаражаты берілгені туралы дәлелдер ұсынылмаған. Студенттің тарапынан университет қызметкерлеріне ақша қаражатын, сыйлық немесе өзге де материалдық құндылықтарды беру фактісі болмаған.

Екіншіден, университет тарапынан көрсетілді делінген аудиожазба мен өзге де дәлелдемелер білім алушыға таныстырылмаған. Бұл университеттің өз ішкі нормативтік актілерінің талаптарына және академиялық адалдық қағидаларына қайшы келеді.

Үшіншіден, Университеттің Академиялық адалдық кодексіне сәйкес академиялық адалдықты бұзу жағдайларын тіркеу және қарау тәртібі нақты регламенттелген. Атап айтқанда, емтихан немесе аралық бақылау барысында бұзушылық анықталған жағдайда тиісті акт жасалып, мәселе белгіленген рәсімдерге сәйкес қаралуы тиіс. Алайда осы рәсімдердің толық сақталғаны туралы мәліметтер студентке ұсынылмаған.т

Төртіншіден, тәртіптік жаза қолдану кезінде пропорционалдылық қағидаты сақталуы тиіс. Университеттің тәртіптік кеңесінің 2025 жылғы қаңтар–сәуір айлары аралығындағы тәжірибесіне сәйкес шпаргалка қолданған 80-нен астам студент пәнді жазғы семестрде қайта оқуға жіберілген және оқудан шығарылмаған. Осыған қарамастан, студентке қатысты ең қатаң жаза – оқудан шығару қолданылған.

Бесіншіден, Университеттің Әдеп кодексінің 10-тармағына сәйкес білім алушылардың жауапкершілігі көзделген. Аталған тармақта білім алушылар оқу жоспарларын, Университет жарғысында көзделген міндеттерін орындамағаны және тиісінше орындамағаны үшін, сондай-ақ осы Кодексті, Академиялық адалдық кодексін, шарттық міндеттемелерді, жатақханада тұру ережелерін бұзғаны үшін тәртіптік жауапкершілікке тартылатыны және оларға тәртіптік жазалар қолданылуы мүмкін екені көрсетілген.

Алайда, көрсетілген нормада білім алушыға тікелей оқудан шығару түріндегі ең қатаң тәртіптік жаза қолдану көзделмеген. Бұл өз кезегінде Университет тарапынан қолданылған жаза түрі ішкі нормативтік актілерде нақты бекітілген жауапкершілік шегінен шығып кеткенін және қабылданған шешімнің шамадан тыс қатаң екенін көрсетеді.

Қазақстан Республикасының «Білім туралы» Заңының 43-бабына сәйкес білім беру ұйымдары білім алушылардың құқықтарын сақтау және білім беру процесінің заңдылығын қамтамасыз етуге міндетті.

Сонымен қатар, білім алушыларды оқудан шығару мәселесі Қазақстан Республикасы Ғылым және жоғары білім министрінің 2018 жылғы 30 қазандағы №595 бұйрығымен бекітілген Жоғары және (немесе) жоғары оқу орнынан кейінгі білім беру ұйымдары қызметінің үлгілік қағидаларының 41-тармағымен реттеледі. Аталған тармаққа сәйкес білім алушы тек нақты көрсетілген негіздер бойынша, атап айтқанда академиялық үлгермеушілік, академиялық адалдық қағидаттарын бұзу, ішкі тәртіп қағидаларын бұзу, шарт талаптарын бұзу немесе өз еркімен ғана оқудан шығарылуы мүмкін.

Осыған байланысты, студентке «сыбайлас жемқорлық құқық бұзушылық жасады» деген негіз бойынша оқудан шығару аталған 41-тармақта көзделмеген, ал мұндай ауыр айыптың дәлелденбеуі жағдайында оқудан шығару туралы бұйрықтың заңдылығы күмән тудырады.

Жоғарыда көрсетілгенге байланысты,

Сізден:

 

·         «Астана медицина университеті» ҚеАҚ-тің тарапынан СТ Қарабекқызын оқудан шығару туралы 2025 жылғы 15 сәуірдегі №489-с/жс бұйрығының заңдылығы мен негізділігіне қатысты жоспардан тыс тексеру жүргізуді;

·         Жоғарыда көрсетілген мән-жайлар бойынша заңнама талаптарының сақталуына құқықтық баға беруді сұраймын.

 

 

Құрметпен,

Сенімхат бойынша өкілі:                                                                                         И.М. Кеңесбек

  

Назар аударыңыз!  

«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.  

Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.    

Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы