Кәмелетке толмаған ортақ балалары және ортақ мүлкі жоқ некені бұзу туралы
2003 жылғы 5 сәуірде К.Ж.К. Қазақстан Республикасының азаматы К.К.Е.-мен ресми түрде тіркелген некеге тұрған, бұл 2003 жылғы 5 сәуірдегі № 56-39-16-542740 неке қию туралы куәлікпен расталады. Ортақ некеден балалары жоқ, сондай-ақ ерлі-зайыптылардың бір-біріне қатысты мүліктік және өзге де талаптары жоқ. Тараптардың ерлі-зайыптылық қатынастары 2010 жылы мінездерінің үйлеспеуіне байланысты тоқтатылған.
К.К.Е.-нің тұрғылықты жері және байланыс деректері белгісіз.
Қазақстан Республикасының «Неке (ерлі-зайыптылық) және отбасы туралы» кодексінің 19-бабына сәйкес некені (ерлі-зайыптылықты) сот тәртібімен бұзу көзделген.
19-бап. Некені (ерлі-зайыптылықты) сот тәртібімен бұзу
- Егер сот ерлі-зайыптылардың бұдан әрі бірге тұруы және отбасын сақтауы мүмкін емес деп белгілесе, неке (ерлі-зайыптылық) сот тәртібімен бұзылады.
- Некені (ерлі-зайыптылықты) сот тәртібімен бұзу мынадай жағдайларда жүргізіледі:
- ерлі-зайыптылардың ортақ кәмелетке толмаған балалары болған кезде, осы Кодекстің 17-бабының 2-тармағында көзделген жағдайларды қоспағанда;
- ерлі-зайыптылардың біреуінің некені (ерлі-зайыптылықты) бұзуға келісімі болмаған кезде және тағы басқа жағдайларда.
Кодекстің 22-бабында некені (ерлі-зайыптылықты) өзге де негіздер бойынша сот тәртібімен бұзу көзделген.
- Ортақ кәмелетке толмаған балалары бар ерлі-зайыптылардың некені (ерлі-зайыптылықты) бұзуға өзара келісімі болған және ерлі-зайыптылардың бір-біріне мүліктік және өзге де талаптары болмаған кезде сот некені (ерлі-зайыптылықты) бұзу себептерін анықтамай-ақ некені (ерлі-зайыптылықты) бұзуы мүмкін.
Қазақстан Республикасы Азаматтық процестік кодексінің 30-бабының 7-тармағына сәйкес, некені бұзу туралы талап қоюлар талап қоюшының тұрғылықты жері бойынша, егер оның қарауында кәмелетке толмаған балалар бірге тұратын болса, берілуі мүмкін.
Азаматтық процестік кодекстің 103-бабына сәйкес мемлекеттік бажды төлеу тәртібі мен мөлшері, сондай-ақ оны төлеуден босату негіздері Қазақстан Республикасының «Салық және бюджетке төленетін басқа да міндетті төлемдер туралы» кодексімен айқындалады.
Қазақстан Республикасы Салық кодексінің 610-бабы 1-тармағының 5) тармақшасына сәйкес некені бұзу туралы талап қою арыздарынан мемлекеттік баж 0,3 АЕК мөлшерінде алынады.
Жоғарыда баяндалғандардың негізінде, Қазақстан Республикасының «Неке (ерлі-зайыптылық) және отбасы туралы» кодексінің 19-22-баптарын және Қазақстан Республикасы Азаматтық процестік кодексінің 30, 148-149-баптарын басшылыққа ала отырып, соттан:
К.Ж.К. мен К.К.Е. арасында 2003 жылғы 5 сәуірде № 56-39-16-542740 болып тіркелген некені бұзуды сұрады.
2026 жылғы 2 ақпанда Алматы облысының Талғар аудандық соты төрағалық етуші судья Қойшыбаев Д.Т., сот отырысының хатшысы Михайлова Р.В. құрамында ашық сот отырысында электрондық азаматтық істі қарап,
Қазақстан Республикасы Азаматтық процестік кодексінің 223-226-баптарын басшылыққа ала отырып, сот:
К.Ж.К.-нің некені бұзу туралы талап қоюын қанағаттандыру туралы шешім қабылдады.
К.Ж.К. мен К.К.Е. арасында 2003 жылғы 5 сәуірде неке қию туралы актілерді тіркеу кітабына № 56-39-16-542740 болып тіркелген, тіркеуші орган – «Талғар ауданы әкімінің аппараты» мемлекеттік мекемесі – тіркеген неке бұзылсын.
Неке сот шешімі заңды күшіне енген сәттен бастап тоқтатылды деп есептелсін.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
