Талдықорған - Өскемен республикалық маңызы бар жалпыға ортақ пайдаланылатын автомобиль жолының учаскесін ақылы негізде пайдалану туралы

Қазақстан Республикасы Көлік министрінің м.а. 2026 жылғы 23 маусымдағы № 158 бұйрығы. Қазақстан Республикасының Әділет министрлігінде 2026 жылғы 24 маусымда № 39071 болып тіркелді

   "Автомобиль жолдары туралы" Қазақстан Республикасы Заңының 12-бабы 2-тармағының 29) тармақшасына сәйкес БҰЙЫРАМЫН:

      1. Мыналар:

      1) I-б және II санаттағы Алматы – Талдықорған – Өскемен – Шемонаиха – РФ шекарасы (Үбе ө/п) (Сарқанд, Аягөз айналма жолымен және Мұқры шатқалына кіреберіс жолымен) (KAZ08) республикалық маңызы бар жалпыға ортақ пайдаланылатын автомобиль жолының Талдықорған – Өскемен 287+000 – 1073+000 километр (бұдан әрі – км) учаскесі (бұдан әрі – ақылы жол (учаске) ақылы негізде қолданылады;

      2) жол жүру облыстық маңызы бар "Талдықорған – Үштөбе – Молалы - Лепсі – Ақтоғай - Тансық – Аягөз – Қарауыл – Семей" және республикалық маңызы бар "Семей – Өскемен" баламалы автомобиль жолдары арқылы жүзеге асырылуы мүмкін;

      3) ақылы жолдың (учаскенің) бастапқы пункті – 287+000 км, ақылы жолдың (учаскенің) соңғы пункті – 1073+000 км;

      4) осы бұйрыққа 1-қосымшаға сәйкес ақылы жолдың (учаскенің) басқа автомобиль жолдарымен қиылысулар және басқа автомобиль жолдарына қосылулар тізбесі;

      5) ақылы жолдың (учаскенің) техникалық сыныптамасы – I-б және II санаты, ақылы жолдың (учаскенің) негізгі параметрлері:

      автомобиль жолымен жүріп өту жолағының ені – кемінде 3,75 метр;

      автомобиль жолындағы қозғалыс жолақтың саны – 2 және 1 екі бағытта жолақ;

      6) ақылы жолдың (учаскенің) ұзақтығы – 772,955 км;

      7) осы бұйрыққа 2-қосымшаға сәйкес ақылы автомобиль жолы арқылы жүріп өту үшін төлем мөлшерлемелері айқындалады;

      8) осы бұйрыққа 3-қосымшаға сәйкес басқа автомобиль жолымен баламалы түрде жүре алмайтын, іргелес елді мекендердің тізбесі;

      9) ақылы жолды (учаскені) ақылы негізде пайдалану мерзімі – 20 жыл деп белгіленсін.

      2. Қазақстан Республикасы Көлік министрлігінің Автомобиль жолдары комитеті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты ресми жарияланғаннан кейін Қазақстан Республикасы Көлік министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Көлік вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"Қазақстан РеспубликасыҚаржы министрлігі"___" __________ 2026 жыл

Ақылы жолдың (учаскенің) басқа автомобиль жолдарымен қиылыстарының және басқа автомобиль жолдарымен түйісулерінің тізбесі

Жүктеу

Ақылы автомобиль жолы (учаскесі) бойынша жүріп өту үшін төлем мөлшерлемелері

      I-б және II санаттағы Алматы – Талдықорған – Өскемен – Шемонаиха – РФ шекарасы (Үбе ө/п) (Сарқанд, Аягөз айналма жолымен және Мұқры шатқалына кіреберіс жолымен) (KAZ08) республикалық маңызы бар жалпыға ортақ пайдаланылатын автомобиль жолының Талдықорған – Өскемен 287+000 – 1073+000 километр учаскесі:

      АЕК:

Жүктеу

      1) абоненттік төлем – абоненттік төлем – бұл жергілікті автокөлік үшін абонемент түріндегі белгілі бір уақыт кезеңіне автомобиль жолдары жөніндегі уәкілетті мемлекеттік орган белгілеген ақылы учаскелер бойынша жол жүру ақысы;

      2) абоненттік төлем жергілікті көлік үшін көлік құралының түріне және жүк көтергіштігіне қарай белгіленеді:

      бір айға (күнтізбелік 30 күн):

Жүктеу

      бір жылға (күнтізбелік 365 күн):

Жүктеу

      3) аймақ – жүк көтергіштігі мен көлік құралының түріне байланысты өзінің ұзақтығы мен жол ақысының белгілі бір мөлшері бар ақылы учаскенің жол сегменті;

      4) алдын ала төлеу – ақылы учаскеге кіргенге дейін пайдаланушы дербес шотқа және/немесе мемлекеттік тіркеу нөмірлік белгісінің шотына есептеген ақшалай қаражат, оның сомасы жол ақысын төлеу үшін жеткілікті;

      5) жергілікті автокөлік – ақылы учаскеге іргелес әкімшілік-аумақтық бірлікте белгіленген тәртіппен бір ауданнан тысқары жерлерге көшкен кезде тіркелген автокөлік құралы.

      Ескертпе: аббревиатуралардың толық жазылуы:

      АЕК – айлық есептік көрсеткіш;

      км – километр;

      м – метр;

      т – тонна.

Басқа автомобиль жолымен баламалы түрде жүре алмайтын, іргелес елді мекендердің тізбесі

Жүктеу

 Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер орғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы Декларация Жарлық Бұйрық Қаулы Шешім Баяндама Қорытынды Өтініш Конвенция Келісімшарт Меморандум Әдістеме Нормалар Нота Ережелер Бағдарлама Жарғы Мақала Түсініктеме Қарар Регламент Хаттама Жоба Жолдау