Сот дінтану сараптамасын жүргізу туралы сарапшыға сұрау

«SOT SARAPTAMASY» ЖК,

Алматы қ., Абай даңғылы, 76, 519-кеңсе

Адвокат Саржанов Ғалымжан Тұрлыбекұлынан

ЖСН 850722301036

«Заң және Құқық» адвокаттық кеңсесі

БСН 201240021767

Алматы қ., Абылай хан даңғылы, 79 үй, 304-кеңсе.

info@zakonpravo.kz / www.zakonpravo.kz

+7 708 578 57 58; +7 727 971 78 58

Күдікті Эа Ша Чамшедовичтің мүддесінде

ЖСН ....

Түркістан облысы, Мақтаарал ауданы, Мақтаарал ауылдық округі, ... ауылы

Сұрау

сот дінтану сараптамасын жүргізу туралы

Қазақстан Республикасы Қылмыстық-процестік кодексінің 272-1-бабына сәйкес, Сізден 2026 жылғы 23 сәуірде Алматы қаласында сот дінтану сараптамасын жүргізуді сұраймын.

Істің мән-жайы: Мақтаарал ауданы полиция бөлімінің Түркістан облысы Полиция департаментінің өндірісінде Эа Ш.Ч.-ға қатысты Қазақстан Республикасы Қылмыстық кодексінің 174-бабының 1-бөлігінде көзделген қылмыстық құқық бұзушылық құрамының белгілері бойынша № 255143031000127 қылмыстық іс бар (бұдан әрі – күдікті).

Эа Ш.Ч.-ның Қазақстан Республикасы ҚК-нің 174-бабы 1-бөлігінде көзделген әрекетті жасағандығына қатысты күдікке тергеу барысында алынған және күдікті «WhatsApp» қосымшасындағы топтық чатқа жіберген мәтіндік хабарламалар мен бейнежазбалар негіз болған, оларға қатысты сот дінтану сараптамасы жүргізілген. Аталған сараптаманың қорытындыларында менің қорғауымдағы адамға қатысты толық әрі жан-жақты жауаптар қамтылмаған.

Қазіргі уақытта сараптама жүргізу қажеттілігі туындап отыр, себебі осыған ұқсас қылмыстық құқық бұзушылық бойынша бұған дейін қылмыстық жауаптылыққа тартылған «WhatsApp» топтық чатының өзге қатысушылары сотта айыптау және қорғау тараптары ұсынған сот сараптамалары зерттеліп, олардың нәтижелері бойынша тағайындалған қайталама комиссиялық сараптаманың қорытындысы негізінде мемлекеттік айыптаушының айыптаудан бас тартуына байланысты қылмыстық жауаптылықтан босатылған.

Қазіргі уақытта Эа Ш.Ч.-ның әрекеттерінде Қазақстан Республикасы ҚК-нің 174-бабының 1-бөлігінде көзделген қылмыс құрамының белгілері бар екендігіне күмән келтіруге негіздерім бар.

Эа Ша Чамшедовичтің құқықтары мен заңды мүдделерін қорғау мақсатында төмендегі файлдарда ұсынылған діни мазмұндағы мәтіндік хабарламалар мен бейнежазбаларға мамандандырылған дінтанулық зерттеу жүргізуді сұраймын:

1. Screenshot_20250313_115239_WhatsApp

2. Screenshot_20250313_133530_WhatsApp

3. Screenshot_20250313_133534_WhatsApp

4. VID-20250201-WA0068

5. VID-20250217-WA0070

Screenshot_20250313_133530_WhatsApp, Screenshot_20250313_133534_WhatsApp файлдарында ұсынылған мәтіндік хабарламалар біртұтас мәтіндік хабарлама болып табылады.

Зерттеуге ұсынылатын аталған объектілер Түркістан облысының Мақтаарал аудандық сотында Б. М., Е. А., Ф. Г., С. Т., М. Т.-ға қатысты қылмыстық іс материалдарынан алынған.

Сараптаманы Қазақстан Республикасы Сот сарапшылары республикалық палатасының сот сарапшысы, сот дінтану сараптамасын жүргізуге лицензиясы бар Мусина Динара Райханқызына тапсыруды сұраймын.

Зерттеуге мынадай сұрақтар қойылсын:

1) Зерттеуге ұсынылған материалдарда қамтылған идеялар қандай діни ағымға, бағытқа жатады?

2) Зерттеуге ұсынылған материалдарда бір діни топтың басқа діни топқа қатысты діни өшпенділіктің, діни араздықтың белгілері бар ма?

Зерттеу жүргізу үшін мынадай файлдарды ұсынамын:

Screenshot_20250313_115239_WhatsApp JPG форматында

Screenshot_20250313_133530_WhatsApp JPG форматында

Screenshot_20250313_133534_WhatsApp JPG форматында

VID-20250201-WA0068 MP4 форматында

VID-20250217-WA0070 MP4 форматында

флеш-картада.

Қосымша: күміс түсті металл жиек түріндегі әшекейі және «еЭЦП Электронно-цифровая подпись» деген жазуы, қорғау туралы хабарламасы бар көк түсті флеш-карта.

Құрметпен,

Адвокат: Ғалымжан Тұрлыбекұлы Саржанов

23.04.2026 жыл

Қазақстан Республикасы Қылмыстық-процестік кодексінің 272-1-бабының талаптарына сәйкес, сот дінтану сараптамасын жүргізу алдында сарапшы Мусина Д.Р.-ға Қазақстан Республикасы ҚПК-нің 79-бабында көзделген құқықтары мен міндеттері түсіндіріледі:

79-бап. Сарапшы

1. Сарапшы ретінде іске мүдделі емес, арнайы ғылыми білімі бар адам шақырылуы мүмкін. Сараптама жүргізу тапсырылуы мүмкін адамға қойылатын өзге де талаптар осы Кодекстің 273-бабының бірінші бөлігінде белгіленеді.

2. Сарапшыны шақыру, сараптаманы тағайындау және жүргізу 35-тарауда, сондай-ақ осы Кодекстің 373-бабында көзделген тәртіппен жүзеге асырылады.

3. Сарапшының:

1) сараптамаға қатысты материалдармен (іс материалдарымен) танысуға;

2) қорытынды беру үшін қажетті қосымша материалдарды ұсыну туралы, сондай-ақ қауіпсіздік шараларын қабылдау туралы өтінішхаттар беруге;

3) қылмыстық процесті жүргізуші органның рұқсатымен процестік әрекеттерді жүргізуге және сот отырысына қатысуға және оларға қатысатын адамдарға сараптама нысанасына қатысты сұрақтар қоюға;

4) өзі қатысқан процестік әрекеттің хаттамасымен, сондай-ақ сот отырысы хаттамасының тиісті бөлігімен танысуға және өзінің әрекеттері мен жауаптарының толықтығы мен дұрыс көрсетілуіне қатысты хаттамаға енгізілуге тиіс ескертулер жасауға;

5) сараптаманы тағайындаған органмен келісу бойынша өзінің құзыреті шегінде сот-сараптамалық зерттеу барысында анықталған, іс үшін маңызы бар, сот сараптамасын тағайындау туралы қаулыда көрсетілген сұрақтар шегінен шығатын мән-жайлар бойынша қорытынды беруге;

6) қорытындыны ұсынуға және жүргізілген зерттеуге байланысты мәселелер бойынша өзі ана тілінде немесе өзі меңгерген тілде айғақтар беруге; аудармашының тегін көмегін пайдалануға; аудармашыға қарсылық білдіруге;

7) қылмыстық процесті жүргізуші органның және іске қатысушы өзге де адамдардың сараптама жүргізу кезінде оның құқықтарына қысым жасайтын шешімдері мен әрекеттеріне шағым жасауға;

8) сараптаманы жүргізуге байланысты жұмсалған шығыстардың өтелуіне және егер сот сараптамасын жүргізу оның лауазымдық міндеттерінің аясына кірмейтін болса, атқарған жұмысы үшін сыйақы алуға құқығы бар.

4. Сарапшының:

1) қылмыстық процесті жүргізуші органның хабарынсыз сараптама жүргізуге байланысты мәселелер бойынша процеске қатысушылармен келіссөздер жүргізуге;

2) зерттеу үшін материалдарды өз бетінше жинауға;

3) объектілерді толық немесе ішінара жоюға не олардың сыртқы түрін немесе негізгі қасиеттерін өзгертуге әкеп соғуы мүмкін зерттеулерді, егер бұған сараптаманы тағайындаған органның арнайы рұқсаты берілмесе, жүргізуге құқығы жоқ.

5. Сарапшы:

1) қылмыстық процесті жүргізуші органның шақыруы бойынша келуге;

2) өзіне ұсынылған объектілерге жан-жақты, толық және объективті зерттеу жүргізуге, қойылған сұрақтар бойынша негізделген және объективті жазбаша қорытынды беруге;

3) осы Кодекстің 284-бабында көзделген жағдайларда қорытынды беруден бас тартуға және қорытынды берудің мүмкін еместігі туралы уәжді жазбаша хабарлама жасап, оны қылмыстық процесті жүргізуші органға жіберуге;

4) жүргізілген зерттеуге және берілген қорытындыға байланысты мәселелер бойынша айғақтар беруге;

5) зерттеуге ұсынылған объектілердің сақталуын қамтамасыз етуге;

6) істің мән-жайлары және сараптама жүргізуге байланысты өзіне белгілі болған өзге де мәліметтерді жария етпеуге;

7) сараптаманы тағайындаған органға шығыстардың сметасын және сараптама жүргізуге байланысты жұмсалған шығыстар туралы есепті ұсынуға міндетті.

6. Көрінеу жалған қорытынды бергені үшін сарапшы заңда белгіленген қылмыстық жауаптылықта болады.

7. Сот сараптамасы органдарының қызметкері болып табылатын сарапшы өзінің қызметтік сипатына қарай өзінің құқықтары мен міндеттерімен таныстырылған және көрінеу жалған қорытынды бергені үшін қылмыстық жауаптылық туралы ескертілген болып есептеледі.

Құқықтары мен міндеттерім түсіндірілді, көрінеу жалған қорытынды бергені үшін қылмыстық жауаптылық туралы ескертілді.

Сарапшы __________________________ Мусина Д.Р.

Құқықтары мен міндеттерін түсіндірдім

Адвокат __________________________ Саржанов Ғ.Т.

23.04.2026 ж.

Назар аударыңыз!  

«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.  

Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.    

Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы