Аумақты дамытудың өңіраралық схемаларын әзірлеу, келісу және бекіту қағидаларын бекіту туралы

Қазақстан Республикасы Өнеркәсіп және құрылыс министрінің 2026 жылғы 30 сәуірдегі № 215 бұйрығы. Қазақстан Республикасының Әділет министрлігінде 2026 жылғы 4 мамырда № 38636 болып тіркелді

   Қазақстан Республикасы Құрылыс кодексінің 24-бабының 67) тармақшасына сәйкес БҰЙЫРАМЫН:

      1. Осы бұйрыққа 1-қосымшаға сәйкес қоса беріліп отырған Аумақты дамытудың өңіраралық схемаларын әзірлеу, келісу және бекіту қағидалары бекітілсін.

      2. Күші жойылды деп мыналар танылсын:

      1) "Аумақты дамытудың өңіраралық схемаларын әзірлеу, келісу және бекіту қағидаларын бекіту туралы" Қазақстан Республикасы Өнеркәсіп және құрылыс министрінің міндетін атқарушы 2023 жылғы 23 қазандағы № 36 бұйрығы (нормативтік құқықтық актілерді мемлекеттік тіркеу тізілімінде № 33584 болып тіркелген);

      2) "Аумақты дамытудың өңіраралық схемаларын әзірлеу, келісу және бекіту қағидаларын бекіту туралы" Қазақстан Республикасы Өнеркәсіп және құрылыс министрінің міндетін атқарушының 2023 жылғы 23 қазандағы № 36 бұйрығына өзгеріс енгізу туралы" Қазақстан Республикасы Өнеркәсіп және құрылыс министрінің 2025 жылғы 22 мамырдағы № 175 бұйрығы (нормативтік құқықтық актілерді мемлекеттік тіркеу тізілімінде № 36150 болып тіркелген).

      3. Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық ресми жарияланғаннан кейін оны Қазақстан Республикасы Өнеркәсіп және құрылыс министрлігінің интернет-ресурсында орналастырылуын қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.

      5. Осы бұйрық 2026 жылғы 1 шілдеден бастап қолданысқа енгізіледі және ресми жариялануға тиіс.

Аумақты дамытудың өңіраралық схемаларын әзірлеу, келісу және бекіту қағидалары

1-тарау. Жалпы ережелер

      1. Осы Аумақты дамытудың өңіраралық схемаларын әзірлеу, келісу және бекіту қағидалары (бұдан әрі – Қағидалар) Қазақстан Республикасы Құрылыс кодексінің (бұдан әрі – Кодекс) 24-бабы 67) тармақшасына сәйкес әзірленді және екі және одан да көп облыс (не олардың бөліктері), агломерациялар үшін аумақты дамытудың өңіраралық схемаларын әзірлеу, келісу және бекіту тәртібін белгілейді.

2-тарау. Аумақты дамытудың өңіраралық схемаларын әзірлеу, келісу және бекіту тәртібі

      2. Аумақты дамытудың өңіраралық схемалары (бұдан әрі – Өңіраралық схемалар) Қазақстан Республикасының аумағын ұйымдастырудың бас схемасына сәйкес әзірленеді, екі және одан да көп облыстың (не олардың бөліктерінің), агломерациялардың аумақтарында өзара келісілген (біріктірілген) сәулет, қала құрылысы және құрылыс қызметіне арналған және мыналарды:

      1) аумақты аймақтарға бөлуді;

      2) өңірлік және өңіраралық маңызы бар өндірістік күштерді, көліктік, инженерлік, әлеуметтік және рекреациялық инфрақұрылымдарды жайғастыру және орналастыру жүйесін кешенді дамыту жөніндегі жобалау шешімдерін;

      3) табиғи ресурстарды ұтымды пайдалану және шаруашылық қызмет, ресурстармен қамтамасыз ету, экологиялық жағдайды жақсарту жөніндегі жобалау шешімдерін;

      4) табиғи және техногендік сипаттағы төтенше жағдайлардың әсерінен аумақтарды қорғау жөніндегі жобалау шешімдерін және азаматтық қорғаныс жөніндегі іс-шараларды;

      5) оларды инфрақұрылымдық қамтамасыз ету жөніндегі іс-шараларды айқындай отырып, белсенді экономикалық даму аумақтарын қалыптастыру жөніндегі жобалау ұсыныстарын;

      6) аумақты дамытудың өңіраралық схемасын әзірлеуге арналған тапсырмада белгіленетін өзге де ережелерді айқындайды.

      3. Өңіраралық схемаларды әзірлеуді ұйымдастыруды сәулет, қала құрылысы және құрылыс істері жөніндегі уәкілетті орган (бұдан әрі – Тапсырыс беруші) жергілікті атқарушы органдармен (бұдан әрі – ЖАО) бірігіп жүзеге асырады.

      Мемлекеттік тапсырма шеңберінде өңіраралық схемаларды әзірлеу Кодекстің 69-бабының 7-тармағына сәйкес Қазақстан Республикасы Үкіметінің қаулысымен құрылған мемлекеттік қала құрылысын жоспарлау және кадастр саласындағы шаруашылық жүргізу құқығындағы республикалық мемлекеттік кәсіпорынмен жүзеге асырылады.

      4. Тапсырыс беруші осы Қағидаларға 1-қосымшаға сәйкес жобалауға арналған тапсырманы әзірлейді және бекітеді.

      5. Өңіраралық схемаларды әзірлеуге арналған бастапқы материалдарды жобалауға арналған тапсырмаға сәйкес мүдделі мемлекеттік органдар, сондай-ақ тиісті ЖАО дайындайды және сұрау салу түскен күнен бастап он жұмыс күні ішінде әзірлеушіге (бас жобалаушыға) береді.

      6. Тапсырыс беруші Өңіраралық схемалардың жобаларын кешенді қала құрылысы сараптамасынан өткеннен кейін мүдделі мемлекеттік органдарға қарауға және келісуге жібереді.

      7. Өңіраралық схеманың жобасы бекітілгенге дейін ол Кодекстің 24-бабының 12) тармақшасына сәйкес сәулет, қала құрылысы және құрылыс істері жөніндегі уәкілетті орган бекіткен Қала құрылысы жобаларына кешенді қала құрылысы сараптамасын жүргізу қағидаларына сәйкес кешенді қала құрылысы сараптамасынан өтеді.

      8. Кешенді қала құрылысы сараптамасынан өтпеген және оң қорытындыны алмаған Өңіраралық схемалар бекітуге жатпайды.

      9. Өңіраралық схемаларды Қазақстан Республикасының Yкiметi бекiтедi.

      10. Өңіраралық схеманың бекітілетін бөлігі осы Қағидаларға 2-қосымшаға сәйкес Өңіраралық схема жобасының негізгі ережелері, негізгі сызбасы және Аумақты дамытудың өңіраралық схемалары негізгі техникалық-экономикалық көрсеткіштері болып табылады.

      11. Бекітілген Өңіраралық схемаларды мемлекеттік қала құрылысы кадастрының дерекқорына енгізу үшін векторлық түрде ұсыну Кодекстің 24-бабының 47) тармақшасына сәйкес сәулет, қала құрылысы және құрылыс істері жөніндегі уәкілетті орган бекіткен Мемлекеттік қала құрылысы кадастрын жүргізу және одан ақпаратты және (немесе) мәліметтерді беру қағидаларына сәйкес жүзеге асырылады.

Жобалауға арналған тапсырма

      1. Қала құрылысы жобасының түрі

      ____________________________________________________________________________

      ____________________________________________________________________________

      2. Тапсырыс беруші

      _______________________________________________________________________________

      _______________________________________________________________________________

      (толық және қысқартылған атауы)

      ____________________________________________________________________________

      ____________________________________________________________________________

      3. Жобалау ұйымы (орындаушы)

      ____________________________________________________________________________

      ____________________________________________________________________________

      (толық және қысқартылған атауы)

      ____________________________________________________________________________

      ____________________________________________________________________________

      4. Жобалау үшін негіздеме

      ____________________________________________________________________________

      ____________________________________________________________________________

      5. Қала құрылысын жоспарлау объектісі

      ____________________________________________________________________________

      ____________________________________________________________________________

      6. Жобалау кезеңдері бойынша ұсынылатын материалдардың құрамына, мазмұнына және нысанына қойылатын негізгі талаптар, жұмыстарды орындау реті мен мерзімдері

      _____________________________________________________________________________

      _____________________________________________________________________________

      7. Жобалау үшін бастапқы ақпараттың құрамы, орындаушылары, ұсыну мерзімдері мен тәртібі

      ____________________________________________________________________________

      ____________________________________________________________________________

      8. Қала құрылысы жобасының осы түрін келісетін уәкілетті мемлекеттік органдар мен жергілікті атқарушы органдардың тізбесі

      ____________________________________________________________________________

      ____________________________________________________________________________

      9. Өзге талаптар мен шарттар: орындаушыдан

      ________________________________________________________________________________

      (лауазымы, ұйым)

      ____________________________________________________________________________

      (тегі, аты және әкесінің аты (бар болған жағдайда))

      ____________________________________________________________________________

      (күні)

      сәулет, қала құрылысы және құрылыс істері жөніндегі уәкілетті (немесе жергілікті атқарушы) органдардан

      ________________________________________________________________________________

      (лауазымы, ұйым)

      ____________________________________________________________________________

      (тегі, аты және әкесінің аты (бар болған жағдайда)), (күні)

      өзге келісуші ұйымдардан

      _______________________________________________________________________________

      (толық атауы) (лауазымы, ұйым)

      ____________________________________________________________________________

      (тегі, аты және әкесінің аты (бар болған жағдайда))

      ___________________________________________________________________________

      (күні)

      Ескертпе: Тапсырманың мазмұны қала құрылысы құжаттамасының жекелеген түрлерін және қала құрылысын жоспарлау мен құрылыс салу объектісінің ерекшелігін әзірлеуге қойылатын талаптарға сәйкес нақтыланады.

Аумақты дамытудың өңіраралық схемасы жобасының негізгі техникалық-экономикалық көрсеткіштері

Жүктеу

 Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер орғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы Декларация Жарлық Бұйрық Қаулы Шешім Баяндама Қорытынды Өтініш Конвенция Келісімшарт Меморандум Әдістеме Нормалар Нота Ережелер Бағдарлама Жарғы Мақала Түсініктеме Қарар Регламент Хаттама Жоба Жолдау