171-бапқа түсініктеме. Қазақстан Республикасы қылмыстық процестік кодексінің азаматтық талап қоюын қамтамасыз ету
Азаматтық талапкер азаматтық талап қойған кезде қылмыстық қудалау органы оны қамтамасыз ету шараларын қолдануға міндетті. Егер мұндай шаралар қабылданбаған болса, сот осы Кодекстің 325-бабына сәйкес бас сот талқылауына дайындық кезінде қылмыстық қудалау органын оларды қабылдауға міндеттейді. Сот талқылауы сатысында азаматтық талап қою кезінде сот азаматтық талап қоюды қамтамасыз ету туралы қаулы шығарады.
1.Іс бойынша сотқа дейінгі іс жүргізу барысында азаматтық талап қоюды қамтамасыз ету жөніндегі шараларды тиісінше анықтаушы, тергеуші, прокурор қабылдауға тиіс.
Сотқа келіп түскен іс бойынша судья ҚІЖК-нің 320-бабының 6-тармағына сәйкес анықтау немесе алдын ала тергеу барысында есі дұрыс емес адамның қылмыспен немесе қылмыстық заңмен тыйым салынған іс-әрекетімен келтірілген залалдың орнын толтыруды қамтамасыз ететін шаралар қабылданғанын анықтауға тиіс.
Азаматтық талап қоюды қамтамасыз ету шараларын қабылдамау басты сот талқылауын тағайындау үшін кедергі болып табылмайды, іс бойынша іс жүргізуді тоқтата тұруға әкеп соқпайды және істі прокурорға қайтару үшін негіз болып табылмайды.
2.Азаматтық талап қоюды қамтамасыз ететін шаралар қолдану қажеттігін анықтай отырып, судья осы Кодекстің 325-бабына сәйкес қылмыстық қудалау органдарын қажетті қамтамасыз ету шараларын, сондай-ақ азаматтық талап қоюды қамтамасыз ету мақсатында тыйым салынған мүлікті сақтау жөніндегі шараларды (мүлікті алып қою және оны жауапты сақтауға беру және т.б.) қабылдауға міндеттейтін қаулы шығарады.
Бас сот талқылауын тағайындау туралы қаулыда ҚІЖК-нің 322-бабында көрсетілген басқа да мәселелерден басқа, сот отырысына азаматтық талапкерлер мен жауапкерлерді шақыру туралы да көрсетуге тиіс.
Қазақстан Республикасы Жоғарғы Сотының Қазақстан Республикасының қылмыстық іс жүргізу кодексіне түсініктемесі
Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
