Ірі мөлшердегі «каннабис шайыры» есірткі затын өткізу мақсатынсыз заңсыз сақтап, тасымалдап мемлекеттік шекарасы арқылы алып өтпек болған
Түркістан облысы Сарыағаш аудандық сотының 2019 жылғы 21 мамырдағы үкімімен: К. Өзбекстан Республикасының азаматы, бұрын сотталмаған, Қазақстан Республикасы Қылмыстық кодексінің (бұдан әрі – ҚК) 24-бабының үшінші бөлігімен, 286-бабының екінші бөлігінің 5) тармағымен 6 жылға бас бостандығынан айыруға, ҚК-нің 296-бабының үшінші бөлігімен елу айлық есептік көрсеткіш - 120 250 теңге мөлшерінде айыппұл салуға сотталған. ҚК-нің 58-бабының үшінші бөлігіне сәйкес қатаңдығы жеңілірек жазаны неғұрлым қатаң жазаға сіңіру жолымен К.-ге түпкілікті 6 жылға бас бостандығынан айыру тағайындалған. Жазаны қылмыстық-атқару жүйесінің орташа қауіпсіз мекемесінде өтеу белгіленген. К.-ге жазасын өтеу мекемесінде 12 ай мерзімге наркоманиядан және алкоголизмнен еріксіз емдеу тағайындалған. К.-дан жәбірленушілерге өтемақы қорына жиырма айлық есептік көрсеткіш - 48 100 теңге мөлшерінде мәжбүрлі төлем, мемлекет пайдасына сот шығындары 45 813 теңге өндірілген. Іс бойынша айғақ заттардың тағдыры шешілген. Сот үкімімен К. 2018 жылғы 26 қазанда жалпы салмағы 2,6396 грамм ірі мөлшердегі «каннабис шайыры» есірткі затын өткізу мақсатынсыз заңсыз сақтап, тасымалдап, Қазақстан Республикасының мемлекеттік шекарасы арқылы алып өтпек болғанда, өзіне байланысты емес мән-жайлар бойынша қылмысын соңына дейін жеткізе алмай, есірткі затын Қазақстан Республикасының Мемлекеттiк шекарасы арқылы заңсыз өткізуге оқталғаны үшін кінәлі деп танылған.
Ірі мөлшердегі «каннабис шайыры» есірткі затын өткізу мақсатынсыз заңсыз сақтап, тасымалдап мемлекеттік шекарасы арқылы алып өтпек болған
Түркістан облыстық сотының қылмыстық істер жөніндегі сот алқасының 2019 жылғы 6 тамыздағы қаулысымен сот үкімі өзгеріссіз қалдырылған. Сотталған К. өтінішхатында жасаған қылмысын толығымен мойындайтынын, оған шын жүректен өкінетіндігін, асырауында кәмелетке толмаған балаларының бар екенін, денсаулығы нашарлап, екі көзі «катаракт» ауруына шалдыққанын, тұрмыстық жағдайының төмен екенін, отбасын тек өзі асырап отырғанын, жасаған қылмысы үшін ешқандай зардап келмегенін, есірткіні тарату ниеті болмағанын, тағайындалған бас бостандығынан айыру жазасы тым ауыр екенін көрсетіп, сот актілерін өзгертіп, ҚК-нің 63-бабын қолданып шартты жаза тағайындауды сұраған. Іс материалдарынан анықталғандай, сотталушы К. өзіне тағылған айыпты тергеу кезінде және сот отырысында толығымен мойындаған. Ол Ресей Федерациясынан үйіне Өзбекстан Республикасына қайтатын жолда Қазақстан Республикасының мемлекеттік шекарасынан өтіп бара жатқанда, 2018 жылы 26 қазанда Сарыағаш ауданы, Жібек-жолы ауылында орналасқан «Жібек-жолы» кеден бекетінде есірткі затын шалбарының белбауының аумағына жасырып өтіп бара жатқан кезде, жүргінші терминалының шекаралық бақылау аумағында полиция қызметкерлерімен ұсталып, өзінде есірткі заты бар екенін мойындаған. Сот сараптамасына сәйкес одан есірткі құралы салмағы 2,6396 грамм каннабис шайыры алынған. Сотталған К.-нің сот актілерінде көрсетілген жағдайда қылмыс жасағаны үшін кінәлі екендігі іс материалдарымен және жан-жақты зерттелген дәлелдемелермен толық бекітілген. Атап айтқанда, 2018 жылғы 26 қазандағы оқиға орнын қарап-тексеру жайлы хаттамасымен, яғни Сарыағаш ауданында орналасқан «Жібек жолы» кеден бекетінде К.-ны қарап-тексеріп, айғақты зат ретінде жасыл түсті зат алынғаны анықталған. 2018 жылғы 26 қазандағы Есірткі құралдарын зерттеу сотсарапшысының № 170 қорытындысына сәйкес Зерттеуге ұсынылған № 1 пакеттегі зат есірткі құралы каннабис шайыры болып табылған. Каннабис шайырының массасы 2,6396 грамм ірі мөлшерде екені көрсетілген. 2018 жылғы 26 қарашадағы сот-наркологиялық сарапшысының № 11059/1069 қорытындысында К. каннабиноид тобы (марихуана) наркоманиямен және алкоголизмнің ІІ сатысымен ауратыны, наркоманиядан және алкоголизмнен 12 (он екі) ай мерзімге еріксіз емдеуді қажет ететіні көрсетілген. 2018 жылғы 13 қарашадағы сот-психиатриялық сарапшының № 11068/2150 қорытындысына сәйкес К. созылмалы психикалық аурумен ауырмайды, ақыл-есі дұрыс, оған айып тағылған іс кезеңінде уақытша психикалық ауытқулар болмаған, ол өзінің іс-әрекеттерінің іс жүзіндегі сипаты мен қоғамдық қауіптілігін ұғына алған, психикалық жағдайына байланысты еріксіз емдеуді қажет етпейді. Бірінші және апелляциялық сот сатылары жоғарыда көрсетілген дәлелдемелер жиынтығы негізді деген дұрыс тұжырымға келген. Сондықтан сот К.-ні ҚК-нің 24-бабының үшінші бөлігімен, 286-бабының екінші бөлігінің 5-тармағымен, 296-бабының үшінші бөлігімен кінәлі деп дұрыс тапқан. Жаза тағайындағанда К. жауаптылығын жеңілдететін мән-жайлар ретінде оның бірінші рет сотты болуын, жасаған құқық бұзушылық әрекеттерін мойындап, шын жүректен өкінгендігін, отбасы және денсаулық жағдайын, жағымды мінездемесін, ал жауаптылығын ауырлататын мән-жай іс бойынша анықталмағанын төмендегі сот сатылары ескерген. Сотталғанның қылмыстық құқық бұзушылық жасаудағы кінәсінің дәлелденгендігі туралы сот тұжырымдары апелляциялық сатыдағы сот отырысында объективті түрде зерделеніп, тиісті баға берілген дәлелдемелерге дұрыс негізделген. Жаза жасалған қылмыстық құқық бұзушылықтың сипаты мен қоғамға қауіптілік дәрежесі, сотталушы К.-нің жеке басына байланысты деректер, оның қылмыстық жауаптылығы мен жазасын жеңілдететін мән-жайлар, ҚК-нің 55-бабының талаптары ескеріліп тағайындалған. Қазақстан Республикасы Жоғарғы Сотының қылмыстық істер жөніндегі сот алқасы сотталған Қ.-ға қатысты жергілікті соттардың сот актілерін өзгеріссіз, сотталған К.-нің өтінішхаты қанағаттандырусыз қалдырды.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
