Оңалту немесе банкроттық туралы Істерді қозғау және сот талқылауына дайындау Іске қатысатын адамдар
Заңның 38-бабының 3-тармағында оңалту немесе банкроттық туралы іс бойынша іс жүргізу сот ісін жүргізуге оңалту рәсімін қолдану туралы немесе борышкерді банкрот деп тану туралы өтінішті қабылдау туралы ұйғарым шығарған күннен бастап қозғалған болып есептеледі.
Істерді ерекше іс жүргізудегі сот талқылауына дайындау АПК-нің 165, 303-баптары тәртібімен, өтініш сот ісін жүргізуге қабылданған күннен бастап 10 жұмыс күні ішінде жүргізіледі. Бұл мерзімді ұзартуға жол берілмейді.
Бұл ретте Заңда борышкерге қатысты берешекті қайта құрылымдау рәсімін қолдану туралы істер бойынша даярлау көзделмеген.
Ерекше іс жүргізу істерін соттар АПК-нің 31-49-тарауларында белгіленген ерекшеліктермен талап қою ісін жүргізу қағидалары бойынша өтініш беруші мен мүдделі тұлғалардың қатысуымен қарайды.
Тиісінше, кредитор немесе борышкер сотқа шағыммен емес, өтінішпен жүгінеді. Процеске қатысушылар талапкер және жауапкер емес, өтініш беруші, кредитор, борышкер, уәкілетті орган, әкімші немесе өзге де мүдделі тұлғалар деп аталады (АПК-нің 43-бабы, Заңның 66, 85-баптары).
Сонымен қатар сот процестік құжаттарда «өтініш» орнына «талап қою, талап қою арызы», «өтініш беруші» орнына «талапкер», «мүдделі тұлға» орнына «үшінші тұлға» деп көрсететін істер кездеседі.
Заңның 1-бабының 3) тармақшасына сәйкес әкімші деп өкілеттіктерді жүзеге асыратын уақытша әкімші, оңалтуды, уақытша және банкроттықты басқарушылар түсініледі.
Заңның 1-бабының 20) тармақшасында лауазымды адам ұғымы айқындалған, атап айтқанда: «лауазымды адам – акционерлік қоғамның директорлар кеңесінің мүшесі, борышкер – заңды тұлғаның басшысы (басшының орынбасары), сондай-ақ заңды тұлғаның алқалы атқарушы органына кіретін, заңды тұлғаны басқару бойынша тұрақты немесе уақытша өкілеттіктер берілген өзге тұлға, борышкер – заңды тұлғаның бас бухгалтері, сол сияқты оның міндеттерін уақытша атқаратын өзге тұлға».
Заңның 52-бабына сәйкес, сот оңалту немесе банкроттық туралы iсті сот талқылауына дайындау кезiнде Қазақстан Республикасының азаматтық сот ісін жүргізу заңнамасында көзделген әрекеттерден басқа iстiң сот отырысында қаралатын уақыты мен орны туралы уәкілетті органға, борышкерге, кредиторларға, прокурорға және iске қатысатын өзге де адамдарға хабарлайды.
Практикада соттар бұл талаптарды әрдайым орындай бермейді. Жекелеген істерде барлық кредиторларға хабарлама жіберу туралы мәліметтер жоқ (олардың саны көп болған жағдайда), сотқа ең көп қарыз берген кредиторлар ғана шақырылады.
Заңның 54-бабына сәйкес алдын ала дайындау аяқталғаннан кейiн оңалту немесе банкроттық туралы iс сот талқылауына тағайындалуға тиiс, бұл жөнінде сот ұйғарым шығарады. Бұл ретте қолданыстағы АПК сот отырысын тағайындау туралы ұйғарым шығару көзделмеген. Яғни Заңның 54-бабының 1-тармағы АПК-нің 173-бабының талаптарына қайшы келеді.
Қазақстан Республикасы Жоғарғы Сотының 2020-2021 жылдар кезеңінде және 2022 жылғы 1-жартыжылдықта соттар қараған істер бойынша оңалту және банкроттық туралы заңнаманы қолданудың сот практикасына қорыту
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды.
Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
