Егер кеден заңнамасында белгіленген дауды реттеудің сотқа дейінгі тәртібі сақталмаса және осы тәртіпті қолдану мүмкіндігі жойылмаса, декларанттың хабарламаға дау айту туралы өтініші қараусыз қалдырылуға тиіс
Серіктестік 2016 жылғы 12 желтоқсандағы тексеру нәтижелері туралы хабарламаға сот тәртібімен шағымданды. Апелляциялық сатыдағы сот қолдаған Астана қаласының экономикалық сотының 2017 жылғы 2 наурыздағы ұйғарымымен талапкер істердің осы санаты үшін заңда белгіленген дауды реттеу тәртібін сақтамағандықтан және мұндай тәртіпті қолдану мүмкіндігі жоғалмағандықтан, серіктестіктің өтініші АІЖК-нің 279-бабы 1) тармақшасының негізінде қараусыз қалдырылды. Сот актілері хабарламаларға шағымдану тәртібін реттейтін Қазақстан Республикасының кеден заңнамасына сәйкес шығарылды. "Қазақстан Республикасындағы кеден деле туралы" Кодекстің (бұдан әрі – ҚР Кодексі) 173-бабына сәйкес тексеру нәтижелері туралы хабарламаға және бұзушылықтарды жою туралы хабарламаға шағымдану ҚР Кодексінің 19-тарауында көзделген ерекшеліктерді ескере отырып, Қазақстан Республикасының заңнамасында белгіленген тәртіппен жүзеге асырылады. ҚР Кодексінде көзделген ережелерге сәйкес хабарламаға шағымды қарауды жоғары тұрған кеден органы жүргізеді (ҚР Кодексінің 174-бабының 1-тармағы). Өзіне қатысты хабарлама қойылған Декларант не оның өкілі ҚР Кодексінің 174-бабының 1-тармағында (ҚР Кодексінің 174-бабының 2-тармағы) көзделген талаптар сақталғаннан кейін хабарламаға сот тәртібімен шағымдануға құқылы. Кеден заңнамасының келтірілген талаптарын серіктестік сақтамады, ол хабарламаға алдымен жоғары тұрған кеден органына шағымданбай, сот тәртібімен дау айтты.
Егер кеден заңнамасында белгіленген дауды реттеудің сотқа дейінгі тәртібі сақталмаса және осы тәртіпті қолдану мүмкіндігі жойылмаса, декларанттың хабарламаға дау айту туралы өтініші қараусыз қалдырылуға тиіс
Апелляциялық сатыдағы сот Жоғары тұрған кеден органына хабарламаға шағымдану мерзімінің өтуі туралы серіктестіктің дәлелдерін дұрыс қабылдамады, өйткені ҚР Кодексінің 175-бабының 2-тармағына сәйкес белгіленген мерзімнің дәлелді себебі бойынша өткізіп алған жағдайда, бұл мерзімді шағым беруші адамның өтініші бойынша жоғары тұрған кеден органы қалпына келтіруі мүмкін. Жоғары тұрған кеден органы өткізіп алған мерзімді қалпына келтіруден бас тартқан жағдайда, серіктестік қайтадан сотқа жүгінуге құқылы. Сонымен қатар, соттар хабарламаларға шағым жасау кезінде дауды реттеудің міндетті сотқа дейінгі тәртібін көздейтін ҚР Кодексінің 174-бабының 2017 жылғы 1 шілдеден бастап күші жойылғанына ерекше назар аударуы керек, өйткені ол 2016 жылғы 30 қарашадағы № 26-VI ҚР Заңына сәйкес алынып тасталды. Сондықтан 2017 жылғы 1 шілдеден бастап тексеру нәтижелері туралы хабарламаға және (немесе) бұзушылықтарды жою туралы хабарламаға жоғары тұрған кеден органына шағымданғанына қарамастан, сот тәртібімен шағым жасалуы мүмкін.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
