Қызметтер үшін төлем тек компанияның шотына төленеді. Сізге ыңғайлы болу үшін біз Kaspi RED / CREDIT /БӨЛІП ТӨЛЕУДІ іске қостық 😎

Басты бет / Кодекстер / Қазақстан Республикасы Қылмыстық кодексінің 280-бабына түсініктеме. Сараптама жұмыстарын немесе инжинирингтік қызметтерді тиісінше орындамау

Қазақстан Республикасы Қылмыстық кодексінің 280-бабына түсініктеме. Сараптама жұмыстарын немесе инжинирингтік қызметтерді тиісінше орындамау

АMANAT партиясы және Заң және Құқық адвокаттық кеңсесінің серіктестігі аясында елге тегін заң көмегі көрсетілді

Қазақстан Республикасы Қылмыстық кодексінің 280-бабына түсініктеме. Сараптама жұмыстарын немесе инжинирингтік қызметтерді тиісінше орындамау

1. Сараптама жұмыстарын немесе инжинирингтік қызметтерді тиісінше орындамау, абайсызда адамның өліміне немесе өзге де ауыр зардаптарға әкеп соқса, —

белгілі бір лауазымдарды атқару немесе белгілі бір қызметпен айналысу құқығынан үш жылға дейінгі мерзімге айыра отырып немесе онсыз, алты жылға дейінгі мерзімге бас бостандығынан айыруға жазаланады.

2. Осы баптың бірінші бөлігінде көзделген іс-әрекет абайсызда екі немесе одан да көп адамның өліміне әкеп соқса, —

белгілі бір лауазымдарды атқару немесе белгілі бір қызметпен айналысу құқығынан үш жылға дейінгі мерзімге айыра отырып немесе онсыз, үш жылдан сегіз жылға дейінгі мерзімге бас бостандығынан айыруға жазаланады.

3. Жобаларға сараптама жасау жобаларды әзірлеу кезеңдерінің бірі болып табылады және құжаттамаға талдау жүргізуді, инвестициялардың тиімділігін, жобаларда көзделген жұмыстар көлемі мен қаржылық шығындардың дұрыстығы мен негізділігін анықтауды, сондай-ақ жобалардың сапасын олардың қала құрылысы және техникалық регламенттерге, адамның тіршілік әрекетінің қолайлы әрі қауіпсіз жағдайларын, жобаланатын объектілердің орнықты жұмыс істеуін қамтамасыз етуге бағытталған мемлекеттік нормативтердің шарттары мен талаптарына сәйкестігін немесе сәйкес еместігін анықтау арқылы бағалауды қамтиды.

Сараптама жұмыстарын немесе инжинирингтік қызметтерді тиісінше орындамаудың қоғамдық қауіптілігі адамның денсаулығы мен өміріне зиян келтіре отырып, орны толмас залал келтірумен, сараптама объектісін салу (реконструкциялау) немесе пайдалануға беру кезінде басқа объектілердің орнықты жұмыс істеуінің бұзылуымен қатар жүретін техногендік және (немесе) экологиялық апаттардың (авариялардың) туындау мүмкіндігінде көрініс табады.

Құрылыс — бұл жаңа объектілерді салу, реконструкциялау, қайта жабдықтау және өзге де жолдармен жасау немесе қолданыстағы объектілерді жөндеу. Ол сараптаманың оң қорытындысы бар бекітілген жобалар бойынша және қолданыстағы құрылыс, санитариялық, табиғат қорғау және өзге де нормалар мен қағидаларды сақтай отырып жүзеге асырылады.

Сараптаманың оң қорытындылары құрылысқа арналған жобалық (жобалау-сметалық) құжаттаманы бекітуге негіз болып табылатындықтан, қарастырылып отырған қылмыстың объектісі құрылыс объектілерінің орнықты жұмыс істеуі немесе пайдаланылуы саласындағы қоғамдық қауіпсіздік болып табылады.

Қосымша объект — адамның өмірі немесе денсаулығы, қоршаған орта, меншік қатынастары.

Қылмыстың нысанасы сараптамалық қорытынды болып табылады.

Жергілікті сараптамалық қорытынды — сараптамалық сүйемелдеудің әрбір кезеңінде жобаның тиісті бөлімдері (бөліктері) бойынша ресімделетін және тапсырыс берушіге берілетін, сараптаманы аяқтайтын кезеңді қоспағанда, жобалар сараптамасының қорытындысы.

Осы қылмыстың объективтік жағы адамның өліміне немесе өзге де ауыр зардаптарға абайсызда әкеп соққан сараптама жұмыстарын немесе инжинирингтік қызметтерді тиісінше орындамауымен сипатталады.

Сараптама жұмыстарын немесе инжинирингтік қызметтерді тиісінше орындамау сарапшы өз міндеттерін толық көлемде орындамаған, ұқыпсыз немесе жосықсыз орындаған, яғни өзінің кәсіби қызметінің мүдделері талап ететіндей орындамаған жағдайда орын алады. Жауаптылыққа тарту үшін сараптама жұмыстарын немесе инжинирингтік қызметтерді тиісінше орындамау мен көрсетілген ауыр зардаптар арасындағы себептік байланысты анықтау қажет.

Жұмыстарды немесе міндеттемелерді тиісінше орындамау жұмыстарды уақтылы орындамауды, кемшіліктермен орындауды не міндеттеме мазмұнымен айқындалған талаптарды бұза отырып орындауды құрайды (АК-нің 349-бабының 1-тармағы).

Сараптама жұмыстары деп жобаларға сараптама жүргізу және ғимараттар мен құрылыстардың сенімділігі мен орнықтылығына техникалық тексеру жүргізу жөніндегі жұмыстар түсініледі (2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» ҚР Заңының 1-бабының 51-1) тармақшасы).

Жобаларға сараптама жасау — бұл ҚР заңнамасында көзделген жобалауға арналған бастапқы құжаттардың (материалдардың, деректердің) шарттарына жобалық шешімдердің сәйкестігін (сәйкес еместігін) анықтау, сондай-ақ жобалық шешімдер мен есептеулерде қала құрылысы және техникалық регламенттердің, мемлекеттік және мемлекетаралық нормативтік құжаттардың нормалары мен ережелерінің талаптарының сақталуын тексеру арқылы жобалардың сапасын талдау мен бағалаудан тұратын сараптамалық қызмет (Заңның 1-бабының 16) тармақшасы).

Ғимараттар мен құрылыстардың сенімділігі мен орнықтылығына техникалық тексеру жүргізу — бұл оның нәтижесінде ғимараттар мен құрылыстардың, олардың элементтерінің нақты жай-күйі, сенімділігі мен орнықтылығы, ғимараттар мен құрылыстарды одан әрі пайдалану мүмкіндігі, уақыт өте келе болатын өзгерістерді ескере отырып, конструкция сапасының нақты көрсеткіштеріне сандық баға алу, объектіде күрделі жөндеу, жаңғырту немесе реконструкциялау жұмыстарының құрамы мен көлемін, сондай-ақ нысаналы мақсатын өзгертуді белгілеу жүзеге асырылатын сараптама жұмыстарының түрі (Заңның 1-бабының 61-1) тармақшасы).

Жобаларға сараптама жүргізуге қойылатын белгілі бір талаптар Заңның 64-1 және 64-2-баптарында қамтылған, ал сәулет, қала құрылысы және құрылыс салаларындағы сараптама жұмыстарын орындау тәртібі қаржыландыру көздеріне қарамастан, жаңа ғимараттар мен құрылыстарды, сондай-ақ қолданыстағы ғимараттар мен құрылыстарды, олардың кешендерін, инженерлік және көлік коммуникацияларын салуға арналған техникалық-экономикалық негіздемелер мен жобалау-сметалық құжаттаманы, сондай-ақ оларды өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған құжаттаманы кешенді ведомстводан тыс сараптамадан өткізу қағидаларымен реттеледі. Аталған қағидалар ҚР Ұлттық экономика министрінің 2015 жылғы 1 сәуірдегі № 299 бұйрығымен бекітілген.

ҚР ҚК-нің 280-бабының 1-бөлігіне сәйкес қылмыстық жауаптылық көзделген келесі әрекет инжинирингтік қызметтер көрсету болып табылады.

Сәулет, қала құрылысы және құрылыс қызметі саласындағы инжинирингтік қызметтер деп құрылысты оңтайлы жобалық көрсеткіштерге қол жеткізу мақсатында дайындау мен жүзеге асыруды қамтамасыз ететін қызметтер кешені (техникалық және авторлық қадағалау және жобаны басқару) түсініледі (Заңның 1-бабының 50) тармақшасы):

техникалық қадағалау — жобаны іске асырудың барлық кезеңдерінде құрылысты, оның ішінде сапаны, мерзімдерді, құнын, орындалған жұмыстарды қабылдауды және объектілерді пайдалануға беруді қадағалау (Заңның 1-бабының 59) тармақшасы);

авторлық қадағалау — құрылыс жобасын (құрылыс құжаттамасын) әзірлеуге, оны сәулет және қала құрылысы туындысының авторы (авторлары) жүзеге асыратын бақылауды, сондай-ақ құрылыс жобасын іске асыруға, оны әзірлеушілердің, оның ішінде сәулет немесе қала құрылысы туындысы авторының (авторларының) жүзеге асыратын бақылауын жүргізу жөніндегі автордың өкілеттіктері (Заңның 1-бабының 1) тармақшасы);

жобаны басқару — тапсырыс берушімен не инвестормен жасалған шарттарға сәйкес, белгіленген бюджет пен мерзімдер шеңберінде инвестициялық жобаның мақсаттарына қол жеткізу үшін объектілерді жобалауды, салуды және пайдалануға беруді ұйымдастыру, жоспарлау, үйлестіру және бақылау жөніндегі қызмет (Заңның 1-бабының 16-3) тармақшасы).

Инжинирингтік қызметтер көрсету тәртібі ҚР Ұлттық экономика министрінің 2015 жылғы 3 ақпандағы № 71 бұйрығымен бекітілген Сәулет, қала құрылысы және құрылыс қызметі саласындағы инжинирингтік қызметтер көрсету қағидаларымен реттеледі.

Осылайша, сараптама жұмыстарын немесе инжинирингтік қызметтерді тиісінше орындамау фактісін анықтау үшін тұлғаның оларды уақтылы орындамауы немесе кемшіліктермен орындауы, не Заңның 64-1 және 64-2-баптарында, сондай-ақ ҚР Ұлттық экономика министрінің 2015 жылғы 1 сәуірдегі № 299 немесе 2015 жылғы 3 ақпандағы № 71 бұйрықтарында көрсетілген талаптарды бұза отырып орындауы қажет.

Сараптама жүргізу кезінде жобаны әзірлеушінің іздестіру қызметінің және (немесе) жобалау қызметінің тиісті түрлеріне лицензиясының бар-жоғы да анықталады.

Сарапшылар жұмысының негізгі мақсаты — жобалық (жобалау-сметалық) құжаттаманың заңнама талаптарына, қала құрылысы және техникалық регламенттерге және мемлекеттік нормативтерге сәйкестігін анықтау.

Жобаларға сараптама оларды бекіткенге дейін жүргізіледі және тиісті аттестаты бар сарапшылар жүзеге асырады.

Жобаларға (жобалау алдындағы және жобалау-сметалық құжаттамаға) мемлекеттік сараптама жүргізу жөніндегі қызмет мемлекеттік монополияға жатады және ҚР Үкіметінің шешімімен құрылған, шаруашылық жүргізу құқығындағы республикалық мемлекеттік кәсіпорын жүзеге асырады.

Мемлекеттік сараптаманың айрықша құзыретіне жатпайтын жобаларға сараптаманы сараптама жұмыстары нарығының субъектілері жүзеге асырады.

Түсіндіріліп отырған баптың 1-бөлігі бойынша қылмыстық жауаптылықтың міндетті шарты адамның өлімі немесе өзге де ауыр зардаптар түріндегі салдардың туындауы болып табылады. Өлімнің туындау белгілерін практикада анықтау қиындық туғызбайды, алайда өзге де ауыр зардаптардың туындауын анықтау жөнінде бұлай айтуға болмайды. Өзге де ауыр зардаптарды анықтау кезінде ҚК-нің 3-бабының 4) тармақшасында көрсетілген өлшемшарттарды басшылыққа алу қажет.

ҚР ҚК-де көзделген қылмыстық құқық бұзушылық құрамының белгісі ретінде көрсетілмеген жағдайларда ауыр зардаптарға мынадай салдарлар жатады:

денсаулыққа ауыр зиян келтіру; екі немесе одан да көп адамның денсаулығына ауыр зиян келтіру; адамдардың жаппай ауруға шалдығуы, жұқтыруы, сәулеленуі немесе улануы; халықтың денсаулығы мен қоршаған ортаның жай-күйінің нашарлауы; техногендік немесе экологиялық апаттың, төтенше экологиялық жағдайдың туындауы; ірі немесе аса ірі мөлшерде залал келтіру; жоғары қолбасшылық қойған міндеттердің орындалмауы; мемлекет қауіпсіздігіне қатер төндіру; апаттар мен авариялар; әскери бөлімдер мен бөлімшелердің жауынгерлік әзірлігі мен жауынгерлік қабілетінің ұзақ уақытқа төмендеуі; жауынгерлік тапсырманың орындалмауы; әскери техниканың істен шығуы; келтірілген зиянның ауырлығын куәландыратын өзге де салдарлар;

ірі және аса ірі мөлшердегі залалдың мәні ҚК-нің 3-бабының 38) және 3) тармақтарында айқындалған.

Келтірілген зиянның ауырлығын куәландыратын өзге де салдарларды анықтау кезінде, менің ойымша, бұл салдарлар ҚК-нің 3-бабының 4-тармағында көрсетілген салдарлармен бірдей деңгейде болуы және ең алдымен қоғамдық қауіпсіздікке қол сұғуы тиіс.

Жоғарыда аталғандармен қатар, мұндай салдарға ғимараттар мен құрылыстардың қирауын немесе олардың қирау қаупін және т.б. жатқызуға болады.

Сараптама жұмыстарын немесе инжинирингтік қызметтерді тиісінше орындамау мен адамның өлімі немесе өзге де ауыр зардаптар түрінде туындаған салдарлар арасында себептік байланыстың болуы қажет.

Сотқа дейінгі тергеп-тексеру барысында сарапшының көрінеу жалған қорытынды бергені үшін ҚК-нің 420-бабында қылмыстық жауаптылық көзделген.

Қылмыс құрамы құрылымы бойынша материалдық құрамға жатады. Қылмыс көрсетілген салдарлар: адамның өлімі немесе өзге де ауыр зардаптар туындаған сәттен бастап аяқталған деп есептеледі.

Түсіндіріліп отырған бапқа қатысты ауыр зардаптарға мыналар жатуы мүмкін: денсаулыққа ауыр зиян келтіру; екі немесе одан да көп адамның денсаулығына ауыр зиян келтіру; халықтың денсаулығы мен қоршаған ортаның жай-күйінің нашарлауы; техногендік немесе экологиялық апаттың, төтенше экологиялық жағдайдың туындауы; ірі немесе аса ірі мөлшердегі залал; апат немесе авария, ғимараттар мен құрылыстардың қирауы.

Абайсызда екі немесе одан да көп адамның өліміне әкеп соққан ауыр зардап ауырлататын белгі ретінде көзделген (ҚР ҚК-нің 280-бабының 2-бөлігі).

Осы қылмыстың субъективтік жағы абайсыздықпен (менмендікпен немесе немқұрайлылықпен) айқындалады. Менмендік кінәлінің сараптама жұмыстарын немесе инжинирингтік қызметтерді орындау жөніндегі өз міндеттерін тиісінше орындамай отырғанын сезінуінен, ауыр зардаптардың туындау мүмкіндігін алдын ала болжауынан, алайда бұған жеткілікті негіздер болмаса да, олардың алдын алуға өзіне сеніп үміттенуінен көрінеді.

Немқұрайлылық кезінде кінәлі қоғамдық қауіпті зардаптардың туындау мүмкіндігін алдын ала болжамайды, алайда қажетті мұқияттылық пен сақтық танытқан жағдайда мұндай зардаптарды алдын ала болжауға тиіс және болжай алатын болады.

Субъект — арнаулы, сарапшы — сәулет, қала құрылысы және құрылыс қызметі саласында сараптама жұмыстары мен инжинирингтік қызметтердің белгілі бір түрлерін жүзеге асыратын жеке тұлға. Жауаптылық он алты жасқа толғаннан кейін туындайды.

Жобалау саласындағы сарапшы — тиісті мамандық бойынша жоғары білімі бар, объектілер құрылысын салуға арналған техникалық-экономикалық негіздемелердің немесе жобалау-сметалық құжаттаманың тиісті бөлімі (бөліктері) бойынша жобалау саласында кемінде бес жыл жұмыс өтілі бар, заңнамада белгіленген тәртіппен аттестатталған және сараптама ұйымдарының бірінің штатында тұратын жеке тұлға (Заңның 1-бабының 16-2) тармақшасы).

Авторлық және техникалық қадағалау бойынша инжинирингтік қызметтер көрсететін тұлға — сәулет, қала құрылысы және құрылыс қызметі саласында инжинирингтік қызметтерді жүзеге асыру құқығына тиісті аттестаты бар сарапшы (Заңның 34 және 34-1-баптары).

ҚР ҚК-нің 280-бабының 1, 2-бөліктерінде көзделген әрекеттер ауырлығы орташа қылмыстарға жатады.

 

 

 

 

Қазақстан Республикасының Қылмыстық кодексіне 2021 жылғы түсініктеме, Қазақстанның еңбек сіңірген қайраткері, заң ғылымдарының докторы, профессор, Қазақстан Ұлттық жаратылыстану ғылымдары академиясының академигі, ҚР Конституциялық Кеңесі және ҚР Жоғарғы Соты жанындағы Ғылыми-консультативтік кеңестердің мүшесі, ҚР Қауіпсіздік Кеңесі жанындағы құқық қорғау жүйесін реформалау жөніндегі жұмыс тобының мүшесі, Қазақстан Республикасы ІІМ-нің еңбек сіңірген қызметкері Исидор Шамилұлы Борчашвилиден.

 

Конституция Заң Кодекс Нормативтік акт Указ Бұйрық Шешім Қаулы Адвокат Алматы заңгері Заңгерлік қызмет Заңгерлік консультация Азаматтық Қылмыстық Әкімшілік істер даулары Қорғау Арбитраждық Қазақстан заң компаниясы Адвокаттық кеңсе Сот істері Декларация Жарлық Бұйрық Қаулы Шешім Баяндама Қорытынды Өтініш Қорытынды Конвенция Шарт Меморандум Әдістеме Нормалар Нота Қағидалар Бағдарлама Жарғы Хартия Бап Түсініктеме Резолюция Регламент Хаттама Жоба Бағдарлама Қағидалар Жолдаулар

317-бап. Медицина немесе фармацевтика қызметкерінің кәсіптік міндеттерін тиісінше орындамауы ҚР ҚК, Қылмыстық кодексi Қазақстан Республикасының

317-бап. Медицина немесе фармацевтика қызметкерінің кәсіптік міндеттерін тиісінше орындамауы ҚР ҚК, Қылмыстық кодексi Қазақстан Республикасының      1. Медицина немесе фармаце...

Толық оқу »

280-бап. Сараптамалық жұмыстарды немесе инжинирингтiк қызметтер көрсетуді тиісінше орындамау  ҚР ҚК, Қылмыстық кодексi Қазақстан Республикасының

280-бап. Сараптамалық жұмыстарды немесе инжинирингтiк қызметтер көрсетуді тиісінше орындамау ҚР ҚК, Қылмыстық кодексi Қазақстан Республикасының1 Сараптамалық жұмыстарды немесе...

Толық оқу »

114-бапқа түсініктеме. Қазақстан Республикасы Қылмыстық кодексінің ҚР ҚК медицина және фармацевтика қызметкерлерінің кәсіби міндеттерін тиісінше орындамауы

114-бапқа түсініктеме. Қазақстан Республикасы Қылмыстық кодексінің ҚР ҚК медицина және фармацевтика қызметкерлерінің кәсіби міндеттерін тиісінше орындамауы 1. Медициналық жән...

Толық оқу »

Медициналық қызметкердің адам денсаулығына немқұрайлы немесе адал емес көзқарасы салдарынан міндеттерін тиісінше орындамауы

Медициналық қызметкердің адам денсаулығына немқұрайлы немесе адал емес көзқарасы салдарынан міндеттерін тиісінше орындамауыАлматы қаласы Алмалы ауданы ПБ АТБ өндірісінде А.Т....

Толық оқу »

Қазақстан Республикасы Қылмыстық кодексінің 317-бабына түсініктеме. Медицина немесе фармацевтика қызметкерінің кәсіптік міндеттерін тиісінше орындамауы

Қазақстан Республикасы Қылмыстық кодексінің 317-бабына түсініктеме. Медицина немесе фармацевтика қызметкерінің кәсіптік міндеттерін тиісінше орындамауы1. Медицина немесе фарма...

Толық оқу »

Сәулет, қала құрылысы және құрылыс қызметінде инжинирингтік қызметтер көрсету қағидаларын бекіту туралы

Сәулет, қала құрылысы және құрылыс қызметінде инжинирингтік қызметтер көрсету қағидаларын бекіту туралыҚазақстан Республикасы Өнеркәсіп және құрылыс министрінің м.а. 2026 жылғ...

Толық оқу »

317-бапқа түсініктеме. Қазақстан Республикасының Әкімшілік құқық бұзушылық туралы Кодексінің сараптамалық жұмыстар мен инжинирингтік қызметтерді жүзеге асыру кезінде Қазақстан Республикасының заңнамасын бұзу

317-бапқа түсініктеме. Қазақстан Республикасының Әкімшілік құқық бұзушылық туралы Кодексінің сараптамалық жұмыстар мен инжинирингтік қызметтерді жүзеге асыру кезінде Қазақстан...

Толық оқу »

317-1-бап. Аккредиттелген заңды тұлғалардың инжинирингтiк қызмет көрсетулерді (техникалық қадағалау және жобаны басқару) және сараптамалық жұмыстарды (жобаларға сараптама жүргізу және ғимараттар мен құрылыстардың сенiмдiлiгiн және орнықтылығын техникалық зерттеп-қарау) жүзеге асыру кезінде Қазақстан Республикасының заңнамасын бұзуы Әкімшілік құқық бұзушылық туралы Қазақстан Республикасының Кодексі

317-1-бап. Аккредиттелген заңды тұлғалардың инжинирингтiк қызмет көрсетулерді (техникалық қадағалау және жобаны басқару) және сараптамалық жұмыстарды (жобаларға сараптама жүрг...

Толық оқу »

317-1-бапқа түсініктеме. Қазақстан Республикасы Әкімшілік құқық бұзушылық туралы Кодексінің аккредиттелген заңды тұлғаларының инжинирингтік қызметтерді (жобаны техникалық қадағалау және басқару) және сараптамалық жұмыстарды (жобаларды сараптау және ғимараттар мен құрылыстардың сенімділігі мен тұрақтылығын техникалық тексеру) жүзеге асыруы кезінде Қазақстан Республикасының заңнамасын бұзуы

317-1-бапқа түсініктеме. Қазақстан Республикасы Әкімшілік құқық бұзушылық туралы Кодексінің аккредиттелген заңды тұлғаларының инжинирингтік қызметтерді (жобаны техникалық қада...

Толық оқу »

21-бап. Тұрғын үй құрылысына үлестік қатысу саласындағы инжинирингтік компаниялар қызметінің ерекшеліктері Тұрғын үй құрылысына үлестік қатысу туралы Заңы

21-бап. Тұрғын үй құрылысына үлестік қатысу саласындағы инжинирингтік компаниялар қызметінің ерекшеліктеріТұрғын үй құрылысына үлестік қатысу туралы Заңы 1. Тұрғын үй құрылыс...

Толық оқу »

280-бап. Сараптамалық жұмыстарды немесе инжинирингтiк қызметтер көрсетуді тиісінше орындамау  ҚР ҚК, Қылмыстық кодексi Қазақстан Республикасының

280-бап. Сараптамалық жұмыстарды немесе инжинирингтiк қызметтер көрсетуді тиісінше орындамау ҚР ҚК, Қылмыстық кодексi Қазақстан Республикасының1 Сараптамалық жұмыстарды немесе...

Толық оқу »

317-бап. Сараптама жұмыстарын және инжинирингтік қызметтер көрсетуді жүзеге асыру кезінде Қазақстан Республикасының заңнамасын бұзу Әкімшілік құқық бұзушылық туралы Қазақстан Республикасының Кодексі

317-бап. Сараптама жұмыстарын және инжинирингтік қызметтер көрсетуді жүзеге асыру кезінде Қазақстан Республикасының заңнамасын бұзу Әкімшілік құқық бұзушылық туралы Қазақстан...

Толық оқу »