Қазақстан Республикасы Қылмыстық-процестік кодексінің 164-бабына түсініктеме. Мүлікке тыйым салуға санкция беру немесе санкция беруден бас тарту туралы тергеу судьясының қаулысын прокурордың өтінішхаты бойынша қайта қарау және оған шағым жасау

Ескерту. 164-баптың тақырыбы Қазақстан Республикасының 2017 жылғы 11 шілдедегі № 91-VI Заңымен редакцияда жазылды (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

1. Күдіктінің, айыпталушының, оның әрекеттері үшін заң бойынша материалдық жауаптылықта болатын адамның мүлкіне тыйым салуға санкция беру туралы немесе санкция беруден бас тарту туралы тергеу судьясының қаулысына осы Кодекстің 107-бабында көзделген тәртіппен шағым жасалуы, сондай-ақ прокурордың өтінішхаты бойынша қайта қаралуы мүмкін.

2. Мүлікке тыйым салуға санкция беруден бас тарту туралы тергеу судьясының қаулысының күші жойылған жағдайда, облыстық немесе оған теңестірілген соттың мүлікке тыйым салуға санкция беру мәселесін қарауы осы Кодекстің 107-бабында көзделген тәртіппен жүзеге асырылады.

Ескерту. 164-бапқа Қазақстан Республикасының 2017 жылғы 11 шілдедегі № 91-VI Заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 2018 жылғы 12 шілдедегі № 180-VI Заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі) өзгерістер енгізілді.

1\. Мүлікке тыйым салу институтының нормалары меншікке қол сұғылмаушылық конституциялық қағидатының қолданылу аясына жататындықтан, осы мәселе бойынша тергеу судьясының қаулысына ҚПК-нің 107-бабында көзделген тәртіппен облыстық және оған теңестірілген сотқа шағым жасалуы, сондай-ақ прокурордың өтінішхаты бойынша қайта қаралуы мүмкін (ҚПК-нің 163-бабы алтыншы бөлігі).

2\. Облыстық немесе оған теңестірілген сот судьясының шағымды, прокурордың өтінішхатын ҚПК-нің 107-бабында көзделген тәртіппен қарауының процестік нысаны аталған баптың нормаларына берілген түсініктемеде егжей-тегжейлі баяндалған. Тек облыстық сот судьясының осы мәселе бойынша шығарған қаулысы түпкілікті болып табылатынын, оған кассациялық тәртіппен шағым жасауға және наразылық білдіруге болмайтынын атап өтемін (ҚПК-нің 107-бабы төртінші бөлігі, 484-бабы екінші бөлігінің 3) тармағы).

Қазақстан Республикасының Қылмыстық-процестік кодексіне 2020 жылғы түсініктеме. Авторы: Қоғамов Марат Чекішұлы, заң ғылымдарының докторы, Қазақстанның құрметті заңгері, профессор, Қазақстан Ұлттық жаратылыстану ғылымдары академиясының академигі, Қазақстан Республикасы ІІМ-нің еңбек сіңірген қызметкері.

Конституция Заң Кодекс Нормативтік акт Указ Бұйрық Шешім Қаулы Адвокат Алматы заңгері Заңгерлік қызмет Заңгерлік кеңес Азаматтық Қылмыстық Әкімшілік істер мен даулар Қорғау Төрелік Қазақстан заң компаниясы Адвокаттық кеңсе Сот істері Декларация Жарлық Бұйрық Қаулы Шешім Баяндама Қорытынды Өтініш Қорытынды Конвенция Шарт Меморандум Әдістеме Нормалар Нота Ережелер Бағдарлама Жарғы Хартия Бап Түсініктеме Резолюция Регламент Хаттама Жоба Бағдарлама Ережелер Жолдаулар