Мемлекетаралық стандарттау жөніндегі құжаттарды тарату туралы келісімді ратификациялау туралы 

Қазақстан Республикасының Заңы 2021 жылғы 19 сәуірде № 31-VII ҚРЗ. 

       2018 жылғы 1 маусымда Душанбеде жасалған Мемлекетаралық стандарттау жөніндегі құжаттарды тарату туралы келісім ратификациялансын. 

 Мемлекетаралық стандарттау жөніндегі құжаттарды тарату туралы келісім 

      Бұдан әрі Тараптар деп аталатын осы Келісімге қатысушы мемлекеттердің үкіметтері 

      1992 жылғы 13 наурыздағы Стандарттау, метрология және сертификаттау саласында келісілген саясат жүргізу туралы келісімнің ережелерін орындау. кезінде өзара іс-қимылды жүзеге асыра отырып, 

      мемлекетаралық стандарттау бойынша қолданылатын құжаттардың анықтығы мен оларды тарату қағидаттарының бірлігін қамтамасыз ету жөніндегі ынтымақтастықтың экономикалық орындылығын ескере отырып, 

      стандарттау жөніндегі ұлттық органдардың тиімді қызметіне мүдделі бола отырып, 

      мемлекетаралық стандарттауды одан әрі дамыту, мемлекетаралық стандарттау жөніндегі құжаттарды тарату мен пайдалануды кеңейту қажеттігін негізге ала отырып, 

      төмендегілер туралы келісті: 

 1-бап 

      Осы Келісімнің мақсаты Стандарттау, метрология және сертификаттау жөніндегі мемлекетаралық кеңес (бұдан әрі - МАК) қабылдайтын мемлекетаралық стандарттау жөніндегі құжаттарды таратудың бірыңғай қағидаттарын қалыптастыру болып табылады. 

 2-бап 

      Осы Келісімнің мақсаттары үшін келтірілген терминдер мынадай мағынаға ие болады: 

      мемлекетаралық стандарттау жөніндегі құжаттар - МАК қабылдайтын мемлекетаралық стандарттар, мемлекетаралық стандарттау жөніндегі қағидалар мен ұсынымдар, мемлекетаралық техникалық-экономикалық және әлеуметтік ақпарат сыныптауыштары және оларға өзгерістер, сондай-ақ олардың аудармалары мен жобалары; 

      мемлекетаралық стандарттау жөніндегі құжаттарды тарату - оларды сату немесе өзге де тәсілмен, баспа немесе электрондық нысанда ұсыну, оның ішінде жинақтар, дерекқорлар мен деректер банктері, интернетте орналастырылатын ақпараттық ресурстарды қоса алғанда, өзге де ақпараттық ресурстар құрамында ұсыну мақсатында мемлекетаралық стандарттау жөніндегі құжаттарды басып шығару, көшіру, аудару; 

      стандарттау жөніндегі ұлттық орган - ұлттық деңгейде танылган, тиісті халықаралық немесе өңірлік стандарттау жөніндегі ұйымда стандарттау саласында мемлекеттің мүдделерін білдіру құқыгына ие стандарттау жөніндегі орган. 

 3-бап 

      Мемлекетаралық стандарттау жөніндегі құжаттарды таратуға арналған айрықша құқық стандарттау жөніндегі ұлттық органдарға немесе олар уәкілеттік берген ұйымдарға бекітіп беріледі, олар туралы стандарттау жөніндегі ұлттық органдар бір-бірін және МАК-тың Стандарттар жөніндегі бюросын хабардар етеді. 

      Осы Келісімге қатысушы әрбір мемлекетте мемлекетаралық стандарттау жөніндегі құжаттарды таратуға жауапты бір ғана стандарттау жөніндегі ұлттық орган немесе ол уәкілеттік берген ұйым болуы мүмкін. 

      Осы Келісімге қатысушы мемлекеттердің стандарттау жөніндегі ұлттық органдары немесе олар уәкілеттік берген ұйымдары мемлекетаралық стандарттау жөніндегі құжаттардың санкцияланбаған таратылу фактілері туралы бір-бірін және МАК-тың Стандарттар жөніндегі бюросын хабардар етеді. 

 4-бап 

      Тараптар өз мемлекеттерінің заңнамасына сәйкес мемлекетаралық стандарттау жөніндегі құжаттарды санкцияланбаған таратудан қорғауды қамтамасыз етеді. 

 5-бап 

      Мемлекетаралық стандарттау жөніндегі құжаттарды тарату, оларды санкцияланбаған таратудан қорғау шарттары МАК әзірлейтін және Тәуелсіз Мемлекеттер Достастығы (бұдан әрі - ТМД) Экономикалық кеңесінің шешімімен бекітілетін мемлекетаралық стандарттау жөніндегі құжаттарды тарату тәртібімен айқындалады. 

 6-бап 

      Осы Келісімді іске асыру жөніндегі қызметті үйлестіруді осы Келісімге қатысушы мемлекеттердің стандарттау жөніндегі ұлттық органдарымен өзара іс-қимыл жасай отырып, МАК-тың Стандарттар жөніндегі бюросы жүзеге асырады. 

 7-бап 

       Осы Келісімге Тараптардың келісімі бойынша оның ажырамас бөлігі болып табылатын өзгерістер енгізілуі мүмкін, олар тиісті хаттамамен ресімделеді және осы Келісімнің 9-бабында көзделген тәртіппен күшіне енеді. 

 8-бап 

      Осы Келісімді қолдану және түсіндіру кезінде туындайтын Тараптар арасындағы даулы мәселелер мүдделі Тараптардың консультациялары және келіссөздері арқылы шешіледі. 

 9-бап 

      Осы Келісім оған қол қойған Тараптардың оның күшіне енуі үшін қажетті мемлекетішілік рәсімдерді орындағаны туралы үшінші хабарламаны депозитарий алған күннен бастап күшіне енеді. 

      Мемлекетішілік рәсімдерді кешірек орындаған Тараптар үшін осы Келісім тиісті құжаттарды депозитарий алған күннен бастап күшіне енеді. 

 10-бап 

      Осы Келісім күшіне енгеннен кейін депозитарийге қосылу туралы құжатты беру арқылы кез келген мемлекеттің қосылуы үшін ашық болады. 

      ТМД-ға қатысушы мемлекет үшін осы Келісім қосылу туралы құжатты депозитарий алған күннен бастап 30 күн өткен соң күшіне енеді. 

      ТМД-ға қатысушы болып табылмайтын мемлекет үшін осы Келісім оған қол қойған немесе оған қосылған мемлекеттердің осындай қосылуға келіскейі туралы соңғы хабарламаны депозитарий алған күннен бастап 30 күн өткен соң күшіне енеді. 

 11-бап 

      Осы Келісім белгіленбеген мерзімге жасалады. Тараптардың әрқайсысы осы Келісімнен шығардан кемінде алты ай бұрын өзінің осындай ниеті туралы жазбаша хабарламаны депозитарийге жіберіп және оның қолданылу кезеңінде туындаған Тараптың осы Келісім бойынша міндеттемелерін реттеп, одан шығуға құқылы. 

      2018 жылғы 1 маусымда Душанбе қаласында орыс тілінде бір төлнұсқа данада жасалды. Төлнұсқа дана Тәуелсіз Мемлекеттер Достастығының Атқарушы комитетінде сақталады, ол осы Келісімге қол қойған әрбір мемлекетке оның расталған көшірмесін жібереді. 

       Осымен қоса беріліп отырған мәтін 2018 жылғы 1 маусымда Душанбе қаласында өткен Тәуелсіз Мемлекеттер Достастығы үкімет басшылары кеңесінің отырысында қол қойылған мемлекетаралық стандарттау жөніндегі құжаттарды тарату туралы келісімнің теңтүпнұсқалы көшірмесі болып табылатынын куәландырамын. Жоғарыда аталған Келісімнің түпнұсқа данасы; Тәуелсіз Мемлекеттер Достастығының Атқарушы комитетінде сақталады. 

      Осымен қоса беріліп, отырған мәтін мемлекетаралық стандарттау жөніндегі құжаттарды мемлекеттік тілде тарату туралы Келісімнің теңтүпнұсқалы көшірмесі болып табылатынын куәландырамын. 

Қазақстан Республикасының  

Президенті   

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК  

      Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы