Қазақстан Республикасының Қылмыстық-процестік кодексінің 162-бабына түсініктеме. Мүлікке тыйым салу тәртібі

• 1. Мүлікке тыйым салу қажеттілігі туындаған кезде сотқа күдіктінің немесе олардың әрекеттері үшін заң бойынша материалдық жауаптылықта болатын адамдардың мүлкіне тыйым салу туралы өтінішхат енгізу жөнінде сот алдында өтінішхат қозғау туралы қаулы шығарады.
• 2. Қаулыға өтінішхаттың негізділігін растайтын қылмыстық істің куәландырылған көшірмелері қоса беріледі.
• 3. Қаулыда қылмыстық құқық бұзушылықтың қысқаша фабуласы, оның саралануы, күдікті, айыпталушы немесе қылмыстық құқық бұзушылықпен не Қазақстан Республикасының Қылмыстық кодексінде тыйым салынған есі дұрыс емес адамның әрекетімен келтірілген зиян үшін жауапты тұлға туралы мәліметтер, егер талап қойылған болса, талаптың болуы, тыйым салу ұсынылып отырған мүліктің құны, оның орналасқан жері және мүлікке тыйым салу қажеттілігі туралы қорытындылар көрсетілуге тиіс.
• 4. Сотқа дейінгі тергеп-тексеруді жүзеге асыратын адамның мүлікке тыйым салу туралы өтінішхат қозғау жөніндегі қаулысы және оған қоса берілген материалдар тыйым салынуға жататын мүлік анықталған кезден бастап қырық сегіз сағаттан кешіктірілмей тергеу судьясына ұсынылуға тиіс. Қаулының көшірмесі бір мезгілде прокурорға жіберіледі.
• 5. 2017 жылғы 21 желтоқсандағы № 118-VI ҚР Заңымен алып тасталды (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
• 6. 2017 жылғы 21 желтоқсандағы № 118-VI ҚР Заңымен алып тасталды (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
• 7. 2017 жылғы 21 желтоқсандағы № 118-VI ҚР Заңымен алып тасталды (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
•  
• Ескерту. 162-бапқа 2017 жылғы 21 желтоқсандағы № 118-VI ҚР Заңымен өзгерістер енгізілді (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
•  
• ҚПК-нің 162-бабының нормалары сотқа дейінгі тергеп-тексеруді жүзеге асыратын адамның мүлікке тыйым салу туралы өтінішхатпен тергеу судьясына жүгінгенге дейін тергеу судьясының алдында мүлікке тыйым салу туралы өтінішхат қозғау жөніндегі қаулыны әзірлеу мен оның қозғалысының процестік нысанын реттейді.
• Жалпы алғанда, бұл реттегі процестік әрекеттердің құрылымы мыналарды қамтиды: қылмыстық істің болуы; іс бойынша азаматтық талап қоюдың берілгенін көрсететін материалдардың болуы; тыйым салынуы мүмкін мүліктің меншік иесін немесе иеленушісін анықтау; мүліктің орналасқан жерін анықтау; заңда көзделген нысан бойынша қаулы шығару; қаулыға мүлікке тыйым салудың негізділігін растайтын дәлелдемелері бар іс материалдарының көшірмелерін қоса беру (ҚПК-нің 162-бабының 1-бөлігі).
• Заңның маңызды талабы — қаулы шығарылған кезде заң бойынша тыйым салынуы мүмкін мүліктің орналасқан жерін міндетті түрде анықтау. Осы талап сақталған жағдайда, мүліктің нақты қай жерде орналасқаны анық белгілі болған кезден бастап қырық сегіз сағат ішінде қаулы тергеу судьясына ұсынылады (ҚПК-нің 162-бабының 2-бөлігі).
• Қаулыда осы процестік шешімге тән барлық деректемелер көрсетілуге тиіс, олардың белгілері ҚПК-нің 162-бабы 1-бөлігінің үшінші абзацында келтірілген. Заңның осы талаптарын орындау аталған құжатты заңды әрі негізді құжат ретінде қарастыруға мүмкіндік береді.
• Заңның бұлжымас талабы — тергеу бөлімінің бастығы тергеушінің шешімімен бірге істің материалдарын тергеу судьясына жібергенге дейін мұқият зерделеуге, ұсынылған өтінішхаттың заңдылығы мен негізділігін тексеруге, орындалуға жататын тиісті нұсқаулар беруге не ҚПК-нің 59-бабы 2-бөлігінің 8) тармағында көзделген өз өкілеттіктерін іске асыруға міндетті (сондай-ақ ҚПК-нің 59-бабының 4-бөлігін қараңыз).
• Тергеушінің сотқа дейінгі тергеп-тексеруді жүргізетін адамның өтінішхатын қолдаудан бас тарту туралы тергеу бөлімінің бастығы берген нұсқауына шағым жасау тәртібі ҚПК-нің 59-бабының 4-бөлігімен реттеледі және өтінішхатты орындаушының тергеу бөлімінің жоғары тұрған бастығына немесе прокурорға жүгінуін, ал қылмыстық процеске қатысушылардың өзге де тұлғаларының прокуратура органының басшысына немесе тергеу судьясына жүгінуін көздейді.
•  
•  
•  
•  
• Қазақстан Республикасының Қылмыстық-процестік кодексіне 2020 жылғы түсініктеме. Авторы — Қоғамов Марат Чекишевич, заң ғылымдарының докторы, Қазақстанның құрметті заңгері, профессор, Қазақстан Ұлттық жаратылыстану ғылымдары академиясының академигі, Қазақстан Республикасы ІІМ-нің еңбек сіңірген қызметкері.
•  
• Конституция Заң Кодекс Нормативтік акт Указ Бұйрық Шешім Қаулы Адвокат Алматы заңгері Заңгерлік қызмет Заңгерлік консультация Азаматтық Қылмыстық Әкімшілік істер даулары Қорғау Арбитраждық Қазақстан заң компаниясы Адвокаттық кеңсе Сот істері Декларация Жарлық Бұйрық Қаулы Шешім Баяндама Қорытынды Өтініш Қорытынды Конвенция Шарт Меморандум Әдістеме Нормалар Нота Қағидалар Бағдарлама Жарғы Хартия Бап Түсініктеме Резолюция Регламент Хаттама Жоба Бағдарлама Қағидалар Жолдаулар