363-бапқа түсініктеме. Қазақстан Республикасы қылмыстық іс жүргізу Кодексінің іске қатысушы тұлғаларының біреуі болмаған жағдайда істі тыңдау мүмкіндігі туралы мәселені шешу

Сот талқылауына қатысушылардың біреуі, сол сияқты куә, сарапшы немесе маман келмеген кезде сот істі қарау мүмкіндігі туралы тараптардың пікірін тыңдайды және іс қарауды кейінге қалдыру немесе оны жалғастыру және келмеген адамдарды келесі сот отырысына шақыру немесе оларды әкелу туралы қаулы шығарады.

1.Сот отырысы хатшысының баяндамасынан сотқа шақырылған адамдардың жоқтығы туралы анықтаған төрағалық етуші судья сот отырысын жалғастыру мүмкіндігі не оны кейінге қалдыру қажеттілігі туралы тараптардың пікірін сұрайды.

2.Жалпы ереже бойынша сотталушының, мемлекеттік айыптаушының, қорғаушының сот отырысына қатысуы міндетті болып табылады.

Заң шығарушы істі қарауға сотталушы болмаған кезде жол берілетін жағдайларды көздейді:

1) егер істі ол болмаған кезде қарау туралы сотталушы өтініш білдірсе, қылмыстық теріс қылық туралы не ауырлығы аз және орташа қылмыстар туралы істер бойынша;

2) сотталушы Қазақстан Республикасының шегінен тыс жерде болғанда және Сотқа келуден жалтарғанда;

3) қамауда отырған сотталушының келуден және сот отырысына қатысудан бас тартуы.

3.Жәбірленушінің өтініші бойынша сот айғақтар беру үшін белгілі бір уақытта келуге міндеттей отырып, оны сот отырысына қатысудан босата алады. Жеке айыптау істері бойынша жәбірленушінің сот отырысына дәлелсіз себептермен келмеуі істің тоқтатылуына әкеп соғады, алайда сотталушының өтініші бойынша іс жәбірленуші болмаған кезде мәні бойынша қаралуы мүмкін.

4.Жеке айыптау істерін қоспағанда, прокурордың мемлекеттік айыптаушы ретіндегі басты сот талқылауына қатысу міндетті.

Сотқа шақырылған адамдардың келмеуіне байланысты сот талқылауын кейінге қалдыру не жалғастыру туралы мәселені шешкен кезде сот процеске қатысушылардың сот отырысына қатысуын реттейтін келтірілген процестік ережелерді назарға алады.

Қазақстан Республикасы Жоғарғы Сотының Қазақстан Республикасының қылмыстық іс жүргізу кодексіне түсініктемесі

 Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы