Сот актісін бөліп орындау немесе кейінге қалдыру
Борышкердің дәлелді себептері бойынша сот орындаушымен атқарушылық әрекеттерді орындауды қиындататын немесе берешек сомасын өндіріп алу мүмкін болмайтын мән-жайлар туындаған жағдайда, борышкер iстi қараған сотқа не атқару орны бойынша сот шешімін орындау әдісі мен тәртібін өзгерту туралы өтініш арызымен сотқа жүгінуге құқылы. «Қазақстан Республикасының Азаматтық іс жүргізу кодексінің» 238-бабында, сондай-ақ «Атқарушылық iс жүргізу және сот орындаушыларының мәртебесі туралы» Заңның 40-бабында борышкерлердің сот шешімінің орындауын кейінге қалдыру және бөліп төлеу құқықтары көзделген. Сот шешімінің орындалуын кейінге қалдыру - жеке сот орындаушысының (бұдан әрі – ЖСО) сот актісі немесе атқарушылық іс жүргізу бойынша міндеттемелерді тараптардың келісімі бойынша белгілі бір мерзімге/уақытқа шегеріп біржолғы орындауға қалдыруды білдіреді. Берешекті өндіру бойынша келісілген күнге дейін өндіріп алушы мен ЖСО қарыздарды мәжбүрлеп өндіріп алу бойынша ешқандай іс әрекеттер жасамай алмайды. Сот шешімін орындау бойынша бөліп төлеу дегеніміз – атқару парағын, арбитраж шешімді немесе сот шешімін толық орындалғанға дейін ай сайын бөліп төлеу арқылы міндеттемелерді орындау болып табылады. Бөліп төлеу мерзімі мен жоспары атқарушылық іс жүргізу тараптары арасында борышкердің, өндіріп алушыға және ЖСО-на дәлелді өтініш хатымен жүгінуі арқылы келісіледі. Өндіріп алушымен сот актісінің орындалуын кейінге қалдыру немесе бөліп орындау жоспарын шешу мүмкін болмаған жағдайда, атқарушылық iс жүргізу шеңберінде борышкер сол шешім шығарған сотқа, судьяға, кейінге қалдыру/бөліп төлеу туралы өтінішпен жүгінуге құқылы. Сот арызды, кейінге қалдыруды, бөліп төлеуді немесе сот шешімін орындау тәсілі мен тәртібін өзгерту туралы өтінішхаты, сотқа арыз түскен күннен бастап он жұмыс күні ішінде қарап шешуге міндетті. Істі қарап, шешім шығарған Сот, іске қатысушы адамдардың өтініші бойынша тараптардың мүліктік жағдайын немесе өзге де дәлелді себептерді негізге ала отырып, шешімнің орындалуын кейінге қалдыруға немесе ұзартуға құқылы. Борышкердің арызы тараптардың қатысуымен сот отырысында қаралатынына назар аудару қажет. Іске қатысушы адамдарға отырыстың уақыты мен орны туралы сот хатшысымен хабарланады. Аталған адамдардың келмеуі сотқа қойылған мәселені шешуге кедергі болып табылмайды. Шешемнің орындалуын кейінге қалдыру немесе бөлу, оны орындау тәсілі мен тәртібін өзгерту туралы мәселе бойынша сот ұйғарымымен келіспеген жағдайда апелляциялық сатыдағы сотқа жеке шағым берілуі мүмкін.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
