Сотқа дейінгі тергеп-тексеру шеңберінде салық істерімен хабарлама қылмыстық істі қарау аяқталғаннан кейін шығарылады.
Салықтық тексерулерді тағайындау рәсімін, жүргізу және аяқтау тәртібін сақтау салық органдары әрекеттері заңдылығының кепілі болып табылады, олардың орындалмауы салықтық тексеру нәтижелері туралы хабарламаның күшін жою үшін сөзсіз негіз болады.
«АдиНур НС» ЖШС-да 2014 жылғы 1 қаңтар – 2018 жылғы 31 желтоқсан аралығы кезеңіне тақырыптық салықтық тексеру жүргізілді.
Салықтық тексеру нәтижелері бойынша келесі салық сомалары қоса есептелген: КТС - 352 812 666 теңге және өсімпұл 109 213 589 теңге; ҚҚС - 194 940 278 теңге және өсімпұл 21 415 792 теңге.
Тексеру СК-нің 145-бабы 3-тармағының 3) тармақшасындағы тәртіппен қылмыстық қудалау органдары қаулыларының негізінде жүргізілді.
СК-нің 159-бабының 4-тармағына сәйкес сотқа дейінгі тергеп-тексеру шеңберінде салықтық тексеру жүргізілген жағдайда, өзіне қатысты сотқа дейінгі тергеп-тексеру жүргізіліп жатқан салық төлеушіні тексеру нәтижелері туралы хабарлама қылмыстық істі қарау аяқталғаннан кейін шығарылады.
Қазақстан Республикасы Қаржы министрлігі Қаржы мониторингі комитеті мен Қазақстан Республикасы Ұлттық қауіпсіздік комитетінің деректері бойынша дау қаралған кезеңде сотқа дейінгі тергеп-тексеру шеңберінде дау айтылып отырған салықтық тексеру жүргізілген сотқа дейінгі тергеп-тексеру бойынша қорытынды шешім жоқ.
Көрсетілген мән-жайлар кезінде бірінші сатыдағы сот СК-нің 159-бабының 4-тармағына сілтеме жасай отырып, сотқа дейінгі тергеп-тексеру шеңберінде жүргізілген салықтық тексерудің нәтижелері туралы дауланып отырған хабарламаның күшін негізді түрде жойды, өйткені ол қылмыстық іс бойынша іс жүргізу аяқталғаннан кейін ғана шығарылады, ал бұл жағдайда қылмыстық іс бойынша іс жүргізуді тоқтату туралы заңды күшіне енген үкім немесе қаулы жоқ.
Нормативтік-құқықтық база
«Салық және бюджетке төленетін басқа да міндетті төлемдер туралы (Салық Кодексі)» 2017 жылғы 25 желтоқсандағы Қазақстан Республикасы кодексінің 2-бабына сәйкес Қазақстан Республикасының салық заңнамасы Қазақстан Республикасының Конституциясына негізделеді, осы Кодекстен, сондай-ақ қабылдануы осы Кодексте көзделген нормативтік құқықтық актілерден тұрады.
Егер Қазақстан Республикасы ратификациялаған халықаралық шартта Салық кодексіндегі ережелерден өзгеше ережелер белгіленсе, көрсетілген шарттың ережелері қолданылады.
Соттар салық заңнамасын қолдануға байланысты істерді қарау кезінде басшылыққа алуы тиіс негізгі нормативтік құқықтық актілер:
1.Қазақстан Республикасының 1995 жылғы 30 тамыздағы Конституциясы;
- «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасының кодексі (бұдан әрі – СК);
3.1994 жылғы 27 желтоқсандағы Қазақстан Республикасының Азаматтық кодексі (бұдан әрі – АК) (Жалпы бөлім), 1999 жылғы 1 шілдедегі (Ерекше бөлім);
- 2015 жылғы 31 қазандағы Қазақстан Республикасының Азаматтық процестік кодексі (бұдан әрі – АПК);
- 2015 жылғы 29 қазандағы Қазақстан Республикасының Кәсіпкерлік кодексі (бұдан әрі – Кәсіпкерлік кодекс) ;
- «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңы;
- «Бухгалтерлік есеп және қаржылық есептілік туралы» 2007 жылғы 28 ақпандағы Қазақстан Республикасының Заңы;
- «Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» 1995 жылғы 17 сәуірдегі Қазақстан Республикасының Заңы;
9.Қазақстан Республикасы Жоғарғы Сотының нормативтік қаулылары (бұдан әрі – НҚ):
- «Салық заңнамасын қолданудың сот практикасы туралы» 2017 жылғы 29 маусымдағы № 4;
- «Соттардың азаматтық іс жүргізу заңнамасының кейбір нормаларын қолдануы туралы» 2003 жылғы 20 наурыздағы № 2;
- «Мәмілелер жарамсыздығының және соттардың олардың жарамсыздығының салдарларын қолдануының кейбір мәселелері туралы» 2016 жылғы 7 шілдедегі № 6;
- «Соттардың АПК 29-тарауының нормаларын қолдануының кейбір мәселелері туралы» 2010 жылғы 24 желтоқсандағы № 20;
- Қазақстан Республикасы Үкіметінің қаулылары, мемлекеттік кірістер органдары жүйесіндегі уәкілетті органның нормативтік құқықтық бұйрықтары.
ҚР ЖС 2020 жылы және 2021 жылғы 3 айда салық заңнамасын қолданудың сот практикасын қорыту 2021 жылғы 9 шілдегі
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды.
Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
