.-thumb.webp)
Апелляциялық сатыдағы соттардың шағымды, прокурордың өтінішхатын қайтару практикасы (АПК-нің 409-бабы).
№342-V1 Заңымен АПК-нің 409-бабы 3-1-бөлігімен толықтырылды, оған сәйкес апелляциялық сатыдағы сот (судья) осы Кодекстің 407-бабы бірінші бөлігінің 2), 3) және 4) тармақшаларында көзделген негіздер болған кезде (шағым берген адамның, өтінішхат келтірген прокурордың өтініші; егер қайта қарау мерзімі өтіп кетсе және шағымда, прокурордың өтінішхатында оны қалпына келтіру туралы арыз болмаса немесе оны қалпына келтіруден бас тартылған кезде;егер шағымды, прокурордың өтінішхатын оларды беруге немесе оларға қол қоюға құқығы жоқ адам берсе) шағымды, прокурордың өтінішхатын қайтару туралы ұйғарым шығарады.
Бұл ұйғарым шағым жасалуға жатпайды, бірақ бірінші сатыдағы сотқа апелляциялық шағыммен, прокурордың апелляциялық өтінішхатымен қайта жүгінуге кедергі келтірмейді.
Бұрынғы редакцияда апелляциялық шағымды, прокурордың өтінішхатын қайтаруды бірінші сатыдағы сот жүзеге асырады деп көзделген.
Бұл ретте апелляциялық сатыдағы соттың апелляциялық шағымды қайтару мүмкіндігі туралы мәселе туындады.
АПК-ге апелляциялық шағымды және прокурордың өтінішхаттарын апелляциялық сатыдағы соттың қайтару бөлігінде толықтыру оларды қайтару практикасында біркелкілікке ықпал ететін болады.
Мәселен, аталған өзгерістер қабылданғанға дейін АПК-нің 409-бабына сәйкес апелляциялық сатыдағы сот шағымды қайтару туралы апелляциялық шағым берген тараптың арызы бойынша шағымдарды қайтарған, бірақ шағымды қайтару жөніндегі іс-әрекеттерді бірінші сатыдағы сот жүргізуге тиіс болған.
Мысалы, «Еуразиялық банк» АҚ-ның ісі бойынша жауапкер банктік заем шартын ішінара жарамсыз деп тану туралы Р.Медетовтің талабын қанағаттандыру туралы Ақтөбе қаласы сотының 2019 жылғы 22 қаңтардағы шешіміне апелляциялық шағым берді. Апелляциялық сатыдағы сотта жауапкер апелляциялық шағымды қараусыз қалдыру туралы арыз берді. Облыстық соттың сот алқасының 2019 жылғы 18 сәуірдегі ұйғарымымен апелляциялық шағым АПК-нің 409-бабына сәйкес жауапкерге қайтарылды, ол 2019 жылғы кезеңде апелляциялық сатыдағы соттың шағымды қайтаруын көздемеді.
Осылайша, АПК-нің 409-бабына енгізілген толықтыру заңнамадағы олқылықтарды жояды және апелляциялық сатының өкілеттіктерін нақты айқындайды.
Назар аударыңыз!
«Заң және Құқық» адвокаттық кеңсесі, Бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық кеңесті, құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
