Сот шешіміне шағым жасау мерзімі
ӘРПК-нің (Әкімшілік рәсімдік-процестік кодекстің) 168-бабының 4-бөлігіне сәйкес, сот орындаушыларының әрекеттеріне (әрекетсіздігіне) дау айту жөніндегі әкімшілік істер бойынша апелляциялық шағым, прокурордың өтінішхаты шешім шығарылған күннен бастап он жұмыс күні ішінде берілуі мүмкін.
Шешім шығарылған күн деп сот актісі жарияланған күн есептеледі.
Соттар шешімді түсіндіру кезінде тараптарға шағым беру мерзімдерінің ерекшеліктерін көрсетуге тиіс.
Дауларды жедел қарау кепілдіктерін қамтамасыз ету және борышкерлер тарапынан құқықты теріс пайдалануды болдырмау мақсатында сот шешімінің апелляциялық саты қаулысы жарияланған күннен бастап заңды күшіне енуі көзделген.
Қазақстан Республикасы Конституциясының 76-бабының 3-тармағына сәйкес заңды күшіне енген сот актілері барлық мемлекеттік органдар, жергілікті өзін-өзі басқару органдары, заңды тұлғалар, лауазымды адамдар және азаматтар үшін міндетті болып табылады әрі Қазақстан Республикасының бүкіл аумағында орындалуға тиіс.
Атқарушылық іс жүргізудің мақсаты – бұзылған немесе даулы құқықтарды не заңмен қорғалатын мүдделерді нақты қалпына келтіруді қамтамасыз ету.
Сот орындаушысының әрекеттеріне (әрекетсіздігіне) шағым жасау атқарушылық іс жүргізудегі сот бақылауының бір нысаны болып табылады, оның мақсаты – атқарушылық іс жүргізу тараптарының құқықтары мен мүдделерін қорғау.
Атқарушылық іс жүргізу мәселелерін реттейтін негізгі нормативтік құқықтық актілер:
- Қазақстан Республикасының Конституциясы;
- ӘРПК;
- ҚР Азаматтық кодексі (АК);
- ҚР Азаматтық процестік кодексі (АПК);
- «Атқарушылық іс жүргізу және сот орындаушыларының мәртебесі туралы» Қазақстан Республикасының Заңы;
- «Қазақстан Республикасындағы бағалау қызметі туралы» Қазақстан Республикасының Заңы;
- Қазақстан Республикасы Жоғарғы Сотының 2017 жылғы 31 наурыздағы №1 «Атқарушылық іс жүргізу туралы заңнаманың кейбір нормаларын соттардың қолдануы туралы» нормативтік қаулысы;
- Қазақстан Республикасы Жоғарғы Сотының 2003 жылғы 19 желтоқсандағы №12 «Сот актілерін орындамағаны үшін жауаптылық туралы» нормативтік қаулысы;
- Қазақстан Республикасы Әділет министрінің 2015 жылғы 20 ақпандағы №100 бұйрығымен бекітілген Қағидалар;
- Қазақстан Республикасы Үкіметінің 2014 жылғы 4 мамырдағы №437 «Жеке сот орындаушысының қызметіне ақы төлеу мөлшерлерін бекіту туралы» қаулысы.
Қолданылған қысқартулар:
- ӘРПК– Қазақстан Республикасының Әкімшілік рәсімдік-процестік кодексі;
- АПК – Қазақстан Республикасының Азаматтық процестік кодексі;
- АК – Қазақстан Республикасының Азаматтық кодексі;
- «Атқарушылық іс жүргізу және сот орындаушыларының мәртебесі туралы» Заң – Атқарушылық іс жүргізу туралы заң;
- НҚ ВС – Қазақстан Республикасы Жоғарғы Сотының нормативтік қаулысы;
- Қағидалар – Тыйым салынған мүлікті, оның ішінде электрондық аукцион нысанындағы сауда-саттықта өткізудің қағидалары;
- АИАЖ – Қазақстан Республикасы сот органдарының «Төрелік» автоматтандырылған ақпараттық-талдамалық жүйесі;
- ЖС ӘІСК – Қазақстан Республикасы Жоғарғы Сотының әкімшілік істер жөніндегі сот алқасы;
- ӘІСК немесе алқа – әкімшілік істер жөніндегі сот алқасы;
- МАС – мамандандырылған ауданаралық әкімшілік сот;
- ӘД – Әділет департаменті (-тері);
- МСО – мемлекеттік сот орындаушысы (-лары);
- ЖСО – жеке сот орындаушысы (-лары).
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
