Соттылық Төрелік шешімнің күшін жою туралы өтініштер бойынша
Төрелік шешімнің күшін жою туралы өтініш АПК-нің 464-бабының екінші бөлігіне сәйкес Қазақстан Республикасы апелляциялық сатысының тиісті сотына:1) егер төрелік шешім Қазақстан Республикасының аумағында қабылданса, төрелік дауды қараған жер бойынша;2) егер төрелік шешім шет мемлекетте Қазақстан Республикасының заңы бойынша қабылданса, тұрақты жұмыс істейтін төреліктің орналасқан жері бойынша; 3) егер төрелік шешім шет мемлекетте Қазақстан Республикасының заңы бойынша қабылданса, Қазақстан Республикасында төреліктің құрылған жері бойынша Қазақстан Республикасының тиісті апелляциялық сатыдағы сотына беріледі.
Соттар соттылықты бұзуға жол бермеген, аталған құқық нормасын дұрыс қолданады.Мысалы, тұрақты жұмыс істейтін «Қазақстанның үлкен қазылар алқасы» төрелігінің 2017 жылғы 25 сәуірдегі шешімімен «Цеснабанк» АҚ-ның («First Heartland Jusan Bank» АҚ құқықтық мирасқоры) Казичниковтерге берешек сомасын өндіріп алу туралы талап қоюы қанағаттандырылды. «First Heartland Jusan Bank» АҚ төрелік шешімнің күшін жою туралы өтінішхатпен сотқа жүгінді.
Солтүстік Қазақстан облыстық сотының азаматтық істер жӛніндегі сот алқасының 2021 жылғы 13 қыркүйектегі ұйғарымымен өтінішхат барлық қоса берілген құжаттармен бірге қайтарылды.
Сот тұрақты жұмыс істейтін «Қазақстанның үлкен қазылар алқасы» тӛрелігінің 2017 жылғы 25 сәуірдегі шешімі Нұр-Сұлтан қаласында шығарылғанын анықтады, өйткені төреліктің орналасқан жері Нұр-Сұлтан қаласы болып табылады, төрелік шешімнің күшін жою туралы өтінішхат Нұр-Сұлтан қаласының апелляциялық сатысындағы сотқа берілуге тиіс.
«Тұрақты жұмыс істейтін Орталық Қазақстан төрелігі» ЖШС-ның жанындағы тұрақты жұмыс істейтін Төреліктің 2021 жылғы 11 қазандағы шешімімен М.О.Тунгишбаевтан 2 084 664 теңге мӛлшерінде берешек, 62 540 теңге сомасында тӛрелік алым және 800 теңге мӛлшерінде пошта шығыстары өндірілді.
М.О.Тунгишбаев төрелік шешімінің күшін жою туралы Алматы қалалық сотына жүгінді.Алматы қалалық сотының азаматтық істер жөніндегі сот алқасының 2022 жылғы 29 сәуірдегі ұйғарымымен ӛтінішхат қайтарылды. Сот өз қорытындыларында төреші шешімді Қарағанды қаласында шығарғанына, сондықтан өтінішхат соттылық ережелері бұзылып берілгеніне, өтінішхатты Қарағанды облыстық соты шешуі тиіс екеніндігіне уәж келтірген.
Павлодар облыстық сотының азаматтық істер жӛніндегі сот алқасының 2021 жылғы 6 сәуірдегі ұйғарымымен Д.Т. Әбдешованың «Тұрақты жұмыс істейтін Орталық Қазақстан тӛрелігі» ЖШС-ның жанында тұрақты жұмыс істейтін Тӛреліктің шешімінің күшін жою туралы 2021 жылғы 2 наурыздағы өтінішхатықайтарылды.
Төреліктің орналасқан жері және төрелік шешімнің шығарылатын орны Қарағанды қаласы болып табылады, тӛрелік шешімнің күшін жою туралы ӛтінішхат Павлодар облыстық сотының соттылығына жатпайды, өтінішхатты Қарағанды облыстық соты шешуі тиіс.
Назар аударыңыз!
«Заң және Құқық» адвокаттық кеңсесі, Бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық кеңесті, құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
