Мемлекеттік сатып алу туралы Заңның 47-бабының талаптарын бұзылғаны үшін Сотпен жеке ұйғарым шығарылды «тапсырыс берушінің, мемлекеттік сатып алуды ұйымдастырушының, мемлекеттік сатып алуды бірыңғай ұйымдастырушының, комиссиялардың, сарапшының, мемлекеттік сатып алу саласындағы бірыңғай оператордың әрекеттеріне (әрекетсіздігіне), шешімдеріне шағымдану»
ЖШС «Ішкі мемлекеттік аудит департаменті» РММ-ге дау айту туралы қойған талабымен жүгінді.
Сот шешімімен талап ішінара қанағаттандырылды. Департаменттің тапсырыс берушілерге шарттар жасасуды тоқтата тұру туралы хабарламалар жіберу жөнінде шаралар қолданбау бөлігіндегі әрекетсіздігі заңсыз деп танылды. Талап қоюдың қалған бөлігін қанағаттандырудан бас тартылды.
Сот Серіктестіктің азық-түлік (сиыр еті) сатып алу бойынша конкурстарға қатысқанын анықтады. Жоғарыда аталған конкурстар бойынша қорытындылардың хаттамаларына сәйкес басқа әлеуетті өнім берушілер жеңімпаз болып танылды. Конкурстардың қорытындыларымен келіспеген Серіктестік Департаментке шарттар жасасуды тоқтата тұру және жоғарыда көрсетілген сатып алулар бойынша қорытындылар хаттамаларының күшін жою талаптарымен жүгінді. Серіктестік жоғарыда көрсетілген конкурстар бойынша белгіленген тәртіппен шағымдар бергеніне қарамастан, Департамент тапсырыс берушілерге шарттар жасасуды тоқтата тұру туралы хабарлама жіберген жоқ. Департамент сотқа кері дәлелдер келтірген жоқ.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды.
Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
