Қазақстан Республикасының Қылмыстық-процестік кодексінің 175-бабына түсініктеме. Аудармашының, маманның, сарапшының өздері орындаған жұмысы үшін сыйақы алуы
1. Қылмыстық іс бойынша іс жүргізу кезінде тиісті жұмысты орындайтын аудармашы, маман, сарапшы:
1) егер жұмысты қызметтік тапсырма тәртібімен орындаса, негізгі жұмыс орны бойынша жалақы алады;
2) егер орындалған жұмыс олардың лауазымдық міндеттеріне кірмесе және жұмыстан тыс уақытта орындалса, Қазақстан Республикасының Үкіметі белгілеген мөлшерлемелер шегінде бюджет қаражаты есебінен сыйақы алады;
3) егер жұмысты тараппен жасалған келісім бойынша орындаса, сол тараппен жасалған шартта айқындалған мөлшерде сыйақы алады.
2. Осы баптың бірінші бөлігінің 2) тармағында көзделген жағдайда сыйақы аудармашы, маман, сарапшы шот ұсынғаннан кейін қылмыстық процесті жүргізетін орган шығарған қаулы негізінде төленеді.
ҚІЖК-нің 175-бабының 1-бөлігінде келтірілген, қылмыстық процеске қатысуына байланысты сыйақы төленуі мүмкін адамдардың тізбесі толық болып табылады.
Осы баптың 1-бөлігінің нормаларының мәні бойынша аудармашының, маманның, сарапшының сыйақысы мынадай қаражат көздері есебінен өтеледі:
олар штатында болуы мүмкін қылмыстық процесті жүргізетін органның қаржы қаражаты есебінен, ал сарапшы үшін — Қазақстан Республикасы Әділет министрлігінің Сот сараптамалары орталығының қаражаты есебінен (ҚІЖК-нің 175-бабы 1-бөлігінің 1) тармағы);
жоғарыда аталған адамдардың шоттары бойынша қылмыстық процесті жүргізетін органның қаулысы негізінде республикалық бюджет қаражаты есебінен (ҚІЖК-нің 175-бабы 1-бөлігінің 2) тармағы, 175-бабының 2-бөлігі);
оларды іс бойынша іс жүргізуге шарттық негізде қатысуға тартқан тараптың қаражаты есебінен (ҚІЖК-нің 175-бабы 1-бөлігінің 3) тармағы, 70-бабы 3-бөлігінің 5) тармағы, ҚІЖК-нің 122-бабы 3-бөлігінің 2–4) тармақшалары, ҚР АК-нің 152-бабының 3-тармағы);
жекелеген жағдайларда — тіпті ұйымның, жұмыс берушінің есебінен.
Республикалық бюджет қаражаты есебінен сыйақы төлеу тәртібі (ҚІЖК-нің 175-бабы 1-бөлігінің 2) тармағы) Қазақстан Республикасы Үкіметінің 2014 жылғы 9 қазандағы № 1070 «Қылмыстық іс бойынша іс жүргізу кезінде адамдарға келтірілген шығыстарды өтеудің кейбір мәселелері туралы» қаулысымен реттеледі. Жоғарыда аталған қаулымен бекітілген Қылмыстық іс бойынша іс жүргізу кезінде адамдарға келтірілген шығыстарды төлеу қағидаларының, сондай-ақ қылмыстық іс бойынша іс жүргізу кезінде тиісті жұмысты орындайтын аудармашыларға, мамандарға, сарапшыларға төленетін сыйақы мөлшерлемелерінің толық мәтіні ҚІЖК-нің 71-бабының нормаларына берілген түсініктемеде келтірілген.
Қазақстан Республикасының Қылмыстық-процестік кодексіне 2020 жылғы түсініктеме. Авторы: Марат Чекишевич Қоғамов, заң ғылымдарының докторы, Қазақстанның құрметті заңгері, профессор, Қазақстан Ұлттық жаратылыстану ғылымдары академиясының академигі, Қазақстан Республикасы Ішкі істер министрлігінің еңбек сіңірген қызметкері.
Конституция Заң Кодекс Нормативтік акт Указ Бұйрық Шешім Қаулы Адвокат Алматы заңгері Заң қызметі Заңгерлік кеңес Азаматтық Қылмыстық Әкімшілік істер мен даулар Қорғау Төрелік Қазақстанның заң компаниясы Адвокаттық кеңсе Сот істері Декларация Жарлық Бұйрық Қаулы Шешім Баяндама Қорытынды Өтініш Қорытынды Конвенция Шарт Меморандум Әдістеме Нормалар Нота Қағидалар Бағдарлама Жарғы Хартия Бап Түсініктеме Резолюция Регламент Хаттама Жоба Бағдарлама Қағидалар Жолдаулар
