1993 жылғы 24 желтоқсандағы Әртүрлі мемлекеттердің шаруашылық жүргізуші субъектілері арасындағы шаруашылық дауларды қарау кезіндегі мемлекеттік баждың мөлшері мен оны өндіріп алу тәртібі туралы келісімге өзгерістер енгізу туралы хаттаманы ратификациялау туралы
Қазақстан Республикасының 2013 жылғы 3 сәуірдегі № 87-V Заңы
2010 жылғы 10 желтоқсанда Мәскеу қаласында жасалған 1993 жылғы 24 желтоқсандағы Әртүрлi мемлекеттердiң шаруашылық жүргiзуші субъектiлерi арасындағы шаруашылық дауларды қарау кезiндегі мемлекеттiк баждың мөлшерi мен оны өндiрiп алу тәртiбi туралы келiсiмге өзгерiстер енгiзу туралы хаттама ратификациялансын.
Қазақстан Республикасының Президенті Н.НАЗАРБАЕВ
1993 жылғы 24 желтоқсандағы Әртүрлi мемлекеттердiң шаруашылық жүргiзуші субъектiлерi арасындағы шаруашылық дауларды қарау кезiндегі мемлекеттiк баждың мөлшерi мен оны өндiрiп алу тәртiбi туралы келiсiмге өзгерістер енгізу туралы ХАТТАМА
1993 жылғы 24 желтоқсандағы Әртүрлi мемлекеттердiң шаруашылық жүргiзуші субъектiлерi арасындағы шаруашылық дауларды қарау кезiндегі мемлекеттiк баждың мөлшерi мен оны өндiрiп алу тәртiбi туралы келiсiмге (бұдан әрі – Келісім) қатысушы мемлекеттер көрсетілген Келiсiмнiң 2 және 3-баптарына өзгерістер енгізіп, оларды мынадай редакцияда жазуға уағдаласты:
«2-бап
Дауларды шешу кезінде әртүрлі мемлекеттердің аумағында орналасқан шаруашылық жүргізуші субъектілерінің құқықтары мен заңды мүдделерін сот арқылы қорғау үшін тең мүмкіндікті қамтамасыз ету мақсатында мына бағада (Ресей Федерациясының рублiнде) талаппен басқа мемлекеттің сотына жүгінген кезде мемлекеттік баждың мынадай мөлшерлемелері белгiленсiн: 10 мың рубльге дейiн – талап-арыз бағасынан 3 %; 10 мың рубльден астам 50 мың рубльге дейiн – 300 рубль + 10 мың рубльден асатын сомадан 2,5 %; 50 мың рубльден астам 100 мың рубльге дейiн – 1 мың 300 рубль + 50 мың рубльден асатын сомадан 2 %; 100 мың рубльден астам 500 мың рубльге дейiн – 2 мың 300 рубль + 100 мың рубльден асатын сомадан 1,5 %; 500 мың рубльден астам 1 млн. рубльге дейiн – 8 мың 300 рубль + 500 мың рубльден асатын сомадан 1 %; 1 млн. рубльден астам – 13 мың 300 рубль + 1 млн. рубльден асатын сомадан 0,5 %. Егер талап қойылған мемлекеттің заңнамасында мемлекеттік баждың аз мөлшері белгіленбесе, мүліктік емес сипаттағы талап арыздан мемлекеттік баж 500 рубльге балама мөлшерде өндіріп алынады. Сот шешімдерін (қаулыларын) қайта қарау туралы өтініштерден мемлекеттік баж: мүліктік сипаттағы даулар бойынша – өтініш беруші даулап отырған соманың негізінде есептелген мемлекеттік баж сомасының 50 %-ы мөлшерінде, бірақ 250 рубльден кем емес; мүліктік емес сипаттағы даулар бойынша – мүліктік емес сипаттағы талап арыз берген кезде төленуі тиіс мемлекеттік баж сомасының 50 % мөлшерінде алынады.
3-бап
Тәуелсiз Мемлекеттер Достастығына қатысушы мемлекеттердің сот-төрелік органдарына мемлекеттік баж төлеу кезінде Ресей Федерациясының рублі (бұдан әрі – рубль) бірыңғай ақша баламасы ретінде белгіленсін. Ұлттық валюталардың рубльге қатысты бағамдарын Тәуелсiз Мемлекеттер Достастығына қатысушы мемлекеттердің ұлттық банктері айқындайды. Егер талап арыздар Келісімге қатыспайтын мемлекеттің валютасында көрсетілген болса, онда талап қоюдың рубльмен көрсетілген бағасы Ресей Федерациясының Орталық банкі мемлекеттік баж төлеу күніне белгілеген бағам бойынша қайта есептеле отырып айқындалады. Тәуелсiз Мемлекеттер Достастығына қатысушы мемлекеттердің сот-төрелік органдарына мемлекеттік баж төлеу сот орналасқан мемлекеттің ұлттық валютасында не Тәуелсiз Мемлекеттер Достастығына қатысушы мемлекеттердің ұлттық банктері мемлекеттік баж төлеу күніне айқындайтын ұлттық валюталардың бағамдары бойынша қайта есептеле отырып, Ресей Федерациясының рублінде жүргізіледі. Мемлекеттік бажды өзге валютада төлеу сот орналасқан мемлекеттің заңнамасында белгіленген жағдайларда және тәртіппен жүргізіледі.».
Осы Хаттама оның күшіне енуі үшін қажетті мемлекетішілік рәсімдерді оған қол қойған Келісімге қатысушы мемлекеттердің орындағаны туралы үшінші хабарламаны депозитарий алған күнінен бастап күшіне енеді. Мемлекетішілік рәсімдерді кешірек орындаған Келісімге қатысушы мемлекеттер үшін осы Хаттама депозитарий тиісті хабарламаны алған күнінен бастап күшіне енеді.
2010 жылғы 10 желтоқсанда Мәскеу қаласында орыс тiлiнде бiр түпнұсқа данада жасалды. Түпнұсқа данасы осы Хаттамаға қол қойған әрбiр мемлекетке оның куәландырылған көшiрмесiн жіберетін Тәуелсiз Мемлекеттер Достастығының Атқарушы комитетiнде сақталады.
Әзербайжан Республикасы үшін Ресей Федерациясы үшін Армения Республикасы үшін Тәжікстан Республикасы үшін Беларусь Республикасы үшін Түркіменстан үшін Қазақстан Республикасы үшін Өзбекстан Республикасы үшін Қырғыз Республикасы үшін Украина үшін Молдова Республикасы үшін
Осымен қоса беріліп отырған мәтін 2010 жылғы 10 желтоқсанда Мәскеу қаласында өткен Тәуелсіз Мемлекеттер Достастығының Мемлекет басшылары кеңесінің отырысында қабылданған 1993 жылғы 24 желтоқсандағы Әртүрлі мемлекеттердің шаруашылық жүргізуші субъектілері арасындағы шаруашылық дауларды қарау кезіндегі мемлекеттік баждың мөлшері мен оны өндіріп алу тәртібі келісімге өзгерістер енгізу туралы хаттаманың дәлме-дәл көшірмесі болып табылатынын растаймын.
ТМД Атқарушы комитеті төрағасының Атқарушы хатшысының бірінші орынбасары - В. Гаркун
2010 жылы 10 желтоқсанда Мәскеу қаласында қол қойылған 1993 жылғы 24 желтоқсандағы Әртүрлі мемлекеттердің шаруашылық жүргізуші субъектілері арасындағы шаруашылық дауларды қарау кезіндегі мемлекеттік баждың мөлшері мен оны өндіріп алу тәртібі туралы келісімге өзгерістер енгізу туралы хаттаманың қазақ тіліне аудармасы дұрыс екендігін растаймын.
Қазақстан Республикасы Қаржы министрлігінің Кадрлық жұмысты үйлестіру және бақылау департаменті Мемлекеттік тілді дамыту және редакциялау басқармасының бастығы Б. Ахметжанова
Қазақстан Республикасының
Президенті
© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК
Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
