Жер учаскесін игермеу оны алып қою үшін негіз болып табылады
"Аумақтық жер инспекциясы" ММ "ПЗ" ЖШС-не ауданы 2,9290 га жер учаскесін алып қою туралы талап қойды, талап қою Көкшетау қаласы әкімдігінің 2007 жылғы 27 тамыздағы қаулысымен серіктестікке көпфункционалды тұрғын үй кешенін салу үшін жеке меншікке жер учаскесі берілгендігімен негізделген, алайда оны игеру жүзеге асырылмайды. Ақмола облысының мамандандырылған ауданаралық экономикалық сотының 2013 жылғы 18 қаңтардағы шешімімен серіктестікке берілген жер учаскесі мәжбүрлеп алып қойылды. Ақмола облыстық сотының азаматтық және әкімшілік істер жөніндегі апелляциялық сот алқасы бірінші сатыдағы соттың шешімінің күшін жойып, талап қоюдан бас тарту туралы жаңа шешім шығарды. Сол соттың кассациялық сот алқасының қаулысымен апелляциялық сатыдағы соттың қаулысы өзгеріссіз қалдырылды.Қазақстан Республикасы Жоғарғы Сотының азаматтық және әкімшілік істер жөніндегі қадағалау сот алқасы апелляциялық және кассациялық сатылардағы соттардың қаулыларының күшін жойып, бірінші сатыдағы соттың шешімін мынадай негіздер бойынша күшінде қалдырды.
Іс материалдарынан серіктестікке 2007 жылы тұрғын үй құрылысы үшін жер учаскесі берілгені көрінеді. Алайда, серіктестік оны игеруге және тұрғын үй кешенін салуға алты жылдан астам уақыт бойы кіріспеді, жобалау алдындағы және (немесе) жобалау-сметалық құжаттаманы әзірлеуге тиісті шарт жасалмады, объектіні инженерлік және коммуналдық қамтамасыз ету жөніндегі қызметтерді жеткізушілермен мәселе шешілмеді. Ауданы 0,6980 га жер учаскесі металл гараждардан босатылмаған, оларды орналастыру үшін Қазақстан Республикасының Жер кодексінде белгіленген тәртіппен жер учаскелері берілмеген. Серіктестікке 2011 жылғы 16 ақпанда берілген жер учаскесін игеру қажеттілігі туралы хабарлама орындалмады. Бірінші сатыдағы соттың заңды және негізделген шешімінің күшін жоя отырып, апелляциялық сатыдағы сот жер учаскесі үшінші тұлғалардың (металл гараждардың иелері) жер учаскесінде металл гараждардың болуы жер учаскесін игеру мүмкіндігін болдырмайды деген талаптарынан босатылған жоқ деген серіктестіктің расталмаған дәлелдерін назарға алды. Апелляциялық сатыдағы соттың көрсетілген дәлелдерімен кассациялық сатыдағы сот келісті. Көрсетілген дәлелдер Қазақстан Республикасы Жер кодексінің нормаларына қайшы келеді. Қазақстан Республикасы Жер кодексінің 92-бабының 1-тармағына және 94-бабының 2-тармағына сәйкес меншік иесіне тұрғын үй құрылысы үшін берілген жер учаскесі, егер меншік иесі екі жыл ішінде жер учаскесін нысаналы мақсаты бойынша пайдаланбаса, мәжбүрлеп алып қоюға жатады. Егер жер учаскесін нысаналы мақсаты бойынша пайдалану қажеттілігі туралы жазбаша ескерту тапсырылған күннен кейін бір жыл өткен соң меншік иесі жер учаскесін игеруге шаралар қолданбаса, сотқа талап қойылады. 2007 жылғы тамызда тұрғын үй құрылысы үшін жер учаскесін меншікке бергеннен кейін серіктестік оны нысаналы мақсаты бойынша пайдаланудың ешқандай шараларын қолданған жоқ. 2011 жылғы 16 ақпанда жер учаскесін игеру туралы жазбаша ескерту берілгеннен кейін де ешқандай шара қолданылған жоқ. Апелляциялық және кассациялық сатыдағы соттар жер учаскесіндегі металл гараждарды олардың иелері тиісті рұқсат құжаттарынсыз орналастырғанын ескермеген. "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасы Заңының 1-бабының 32) тармақшасына сәйкес жер учаскесіндегі құрылыстарды бұзу құрылыс-монтаждау жұмыстарының кезеңдерінің бірі болып табылады. Мұндай құрылыстарды бұзу тұрғын үй құрылысына арналған жер учаскесінің меншік иесіне жүктеледі. Апелляциялық және кассациялық соттар материалдық заңның тиісті нормаларын дұрыс қолданбағандықтан, бұл сот актілерінің күші жойылды. Бірінші сатыдағы соттың шешімі күшінде қалды.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
