Жол жүрісі мен көлiк құралдарын пайдалану қағидаларын бұзып, абайсызда адамның денсаулығына ауырлығы орташа зиян келтiруге әкеп соққан
Алматы облысы Талғар аудандық сотының 2018 жылғы 4 қыркүйектегі үкімімен: Т. бұрын сотталмаған, Қазақстан Республикасы Қылмыстық кодексінің (бұдан әрі – ҚК) 345-бабының екінші бөлігімен кінәлі деп танылып, көлік жүргізумен байланысты белгілі бір лауазымдарды атқару немесе белгілі бір қызметпен айналысу құқығынан 2 жылға айыра отырып, 2 жылға бас бостандығын шектеуге сотталған. ҚК-нің 44-бабына сәйкес Т.-ға мінез-құлқын бақылауды жүзеге асыратын уәкілетті мемлекеттік органға хабарламай, тұрақты тұрғылықты жерін, жұмысын ауыстырмау, белгілі бір орындарға бармау, отбасын материалдық қолдау мiндеттерi жүктелген. Сот үкімімен Т. автомобильдi басқарып, жол жүрісі мен көлiк құралдарын пайдалану қағидаларын бұзып, абайсызда адамның денсаулығына ауырлығы орташа зиян келтiруге әкеп соққан әрекеттер жасағаны үшін кінәлі деп танылған. Қылмыстық іс апелляциялық тәртіппен қаралмаған. Бас Прокурор наразылығында сотталғанның қылмыстық әрекеттерінің саралануын дауламай, сот үкімінің жаза тағайындау бөлігімен келіспеушілігін білдіріп, ҚК-нің 55-бабы екінші бөлігінің негізінде Т.-ға тағайындалған жазаны 1 жылға дейін төмендетуді сұраған. Т. үкімде көрсетілген жағдайда қылмыс жасағаны сотталғанның басты сот талқылауында кінәсін толық мойындаған жауабымен қатар, жәбірленуші С.-ның жауаптарымен, сот-медициналық сараптама қорытындысымен, басқа да іс құжаттарымен бекітілген.
Сотталғанның іс-әрекеттері ҚК-нің 345-бабының екінші бөлігімен дұрыс сараланған. Алайда Бас Прокурордың сотталғанға қатысты сот үкімінің жаза тағайындау бөлігімен келіспеу жөніндегі уәждері негізді болып табылады. Үкімге сәйкес бірінші сатыдағы сот Т.-ға жаза тағайындағанда сотталғанның қылмыстық жауаптылығы мен жазасын жеңілдететін мән-жайлар ретінде қылмыстың сипаты мен қоғамдық қауіптілік дәрежесін, сотталғанның өкінуін, сондай-ақ қылмыстық жауаптылығы мен жазасын ауырлататын мән-жайлар жоқ деп таныған. ҚК-нің 55-бабы екінші бөлігінің 1) тармағына сәйкес жасалған қылмыс белгісі ретінде көзделмеген жеңiлдететiн мән-жай болған және ауырлататын мән-жайлар болмаған кезде, жазаның негізгі түрінің мерзімін немесе мөлшерін ҚК-нiң Ерекше бөлiгiнiң тиiстi бабында көзделген ең жоғары мерзімнің немесе мөлшердің онша ауыр емес қылмыс жасаған кезде жартысынан асыруға болмайтындығы көзделген. ҚК-нің 345-бабының екінші бөлігімен көзделген бас бостандығын шектеу жазасының ең жоғары мерзімі 2 жылды құрайды. Сол себепті Т.-ға ҚК-нің 345-бабының екінші бөлігімен тағайындалған бас бостандығын шектеу жазасының мөлшері 1 жылдан аспауы тиіс. Қазақстан Республикасы Қылмыстық-процестік кодексінің 485-бабы бірінші бөлігінің 5) тармағына сәйкес жазаның дұрыс тағайындалмауы заңды күшіне енген сот үкімдері мен қаулыларын кассациялық тәртіппен қайта қарауға негіз болып табылады. Қазақстан Республикасы Жоғарғы Сотының қылмыстық істер жөніндегі сот алқасы сотталған Т.-ға қатысты бірінші сатыдағы сот үкімін өзгертіп, Т.-ға ҚК-нің 345-бабының екінші бөлігімен бас бостандығын шектеу түрінде тағайындалған жазаның мерзімін ҚК-нің 55-бабының екінші бөлігі 1) тармағының негізінде 1 жылға дейін төмендетті. Сот үкімінің қалған бөлігі өзгеріссіз қалдырылып, Қазақстан Республикасы Бас Прокурорының наразылығы қанағаттандырылды.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
