Банкроттық рәсімді жүргізудегі Татуластыру рәсімдері
Заңның 6-1-тарауында банкроттық рәсімді жүргізудің кез келген сатысында (оның ішінде кредиторлардың бірі мемлекеттік орган болса) кредитор (кредиторлар) мен борышкер арасында бітімгершілік келісім жасасу көзделген.
Бітімгершілік келісімді жасасу туралы шешімді қабылдау банкроттық рәсімінде кредиторлар жиналысының құзыретіне жатқызылды (Заңның 93-бабы 3-тармағының 9) тармақшасы, 112-1-бабының 2-тармағы).
Банкрот тарапынан бітімгершілік келісім жасасу туралы шешімді дара кәсіпкер, мүліктің меншік иесі (ол уәкілеттік берген орган), заңды тұлға – банкроттың құрылтайшысы (қатысушысы) және банкроттықты басқарушы қабылдайды.
Бітімгершілік келісімге өздеріне бітімгершілік келісімде көзделген құқықтар мен міндеттерді қабылдайтын үшінші тұлғалардың қатысуына жол беріледі.
Бітімгершілік келісімді бекіту кезінде сот тиісті ұйғарым шығарады, онда банкроттық рәсімі тоқтатылатынын және борышкерді банкрот деп тану және банкроттық рәсімді қозғау туралы шешім орындалуға жатпайтынын көрсетеді.
Сотта банкроттық туралы істерді қарау сатысында, сондай-ақ оңалту рәсімі сатысында татуластыру рәсімдерін жүргізу көзделмегенін атап өткен жөн.
Қазақстан Республикасы Жоғарғы Сотының 2020-2021 жылдар кезеңінде және 2022 жылғы 1-жартыжылдықта соттар қараған істер бойынша оңалту және банкроттық туралы заңнаманы қолданудың сот практикасына қорыту
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды.
Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
