Мемлекеттік қызметшіні жұмыстан босату үшін негіздердің бірі сыбайлас жемқорлық қылмыс жасағаны
«Мемлекеттік қызмет туралы» Заңның 61-бабы 1-тармағының 15) тармақшасына сәйкес мемлекеттік қызметшіні жұмыстан босату үшін негіздердің бірі сыбайлас жемқорлық қылмыс жасағаны үшін қылмыстық істің Қазақстан Республикасы Қылмыстық-процестік кодексі (бұдан әрі -ҚПК) 35-бабы бірінші бөлігі 3), 4), 9), 10) және 12) тармақтарының немесе 36-бабының негізінде тоқтатылуы, сондай-ақ қылмыстық топ құрамында жасалған қылмыс туралы қылмыстық істі қылмыстық қудалау органының немесе соттың Қазақстан Республикасы Қылмыстық кодексі (бұдан әрі - ҚК) Ерекше бөлігінің тиісті бабында көзделген бас бостандығынан айыру түріндегі жазаның төменгі шегінің мерзімі аяқталғанға дейін ҚПК-нің 35-бабы бірінші бөлігі 3), 4), 9), 10) және 12) тармақтарының немесе 36-бабының негізінде тоқтатуы болып табылады.
«Мемлекеттік қызмет туралы» Заңның 61-бабы 1-тармағының 15) тармақшасымен жұмыстан шығарылған талап қоюшы У-тың ӛкімді заңсыз деп тану туралы Семей қаласының әкіміне қойған талабы Семей қалалық сотының 2021 жылғы 16 шілдедегі шешімімен қанағаттандырылған.
Сот У-қа қатысты қылмыстық іс ҚК-нің 3-бабының 29) тармағына сәйкес сыбайлас жемқорлық қылмыстарына жатпайтын қылмыстық құқық бұзушылық үшін жауапкершілікті кӛздейтін ҚК-нің 371-бабының 2-бӛлігімен қозғалғанын негізге алған.Сот шешіміне шағым жасалған жоқ, наразылық келтірілген жоқ.
Қызылорда облысының сот актілерімен Е. жұмысқа қайта алу туралы қойған талабын қанағаттандырудан бас тартылды (Қызылорда қалалық сотының 2022 жылғы 06 маусымдағы шешімі, апелляциялық сатының 2022 жылғы 07 қыркүйектегі қаулысы). Сот актілерін күшінде қалдыра отырып, кассациялық сатыдағы сот Е. «Мемлекеттік қызмет туралы» Заңның 61-бабы 1-тармағының 15) тармақшасымен жұмыстан шығару туралы бұйрық шығарылған кезде қылмыстық қудалау органының 2015 жылғы 18 қазандағы қаулысының заңды күші болғанын негізге алды, оған сәйкес талап қоюшыға қатысты 1997 жылғы ҚК-нің 307-бабының 2-бӛлігі бойынша қылмыстық іс (сыбайлас жемқорлық қылмысы) кінәсін мойындауына және зиянды толық ӛтеуіне байланысты тоқтатылған (2022 жылғы 06 желтоқсандағы 3гп-462).
Мемлекеттік қызметші «Мемлекеттік қызмет туралы» Заңда кӛзделген ерекшеліктерді ескере отырып, Еңбек кодексінде кӛзделген негіздер бойынша да жұмыстан шығарылуы мүмкін.
Атап айтқанда, қызметкерлер санының немесе штатының қысқаруына байланысты жұмыстан шығару Еңбек кодексінде де, «Мемлекеттік қызмет туралы» Заңның 56-бабында да қамтылған талаптарды сақтай отырып жүргізіледі.Мәселен, егер Еңбек кодексінде лауазымы қысқарған қызметкерлерді жұмыс берушінің жұмысқа орналастыру міндеті кӛзделмесе, онда «Мемлекеттік қызмет туралы» Заңның 56-бабының 6 және 7-тармақтарында санамаланған жағдайларда мұндай міндет «Мемлекеттік қызмет туралы»Заңның 56-бабында кӛзделген. Сонымен бірге кемінде үш жыл мемлекеттік қызмет ӛтілі болған кезде тӛрт орташа айлық жалақысы мӛлшерінде (Еңбеккодексі бойынша - бір айдағы орташа жалақысы мӛлшерінде) жұмыстан шығу жәрдемақысын тӛлеу сияқты мемлекеттік қызметшілерді әлеуметтік қорғаудың қосымша шарасы кӛзделген.
Келіп түскен істерді талдау барысы соттарда мемлекеттік қызметшілерлерді штаттың қысқаруы бойынша жұмыстан шығаруға байланысты дауларды шешу кезінде проблемалар жоқ екенін кӛрсетті.
Назар аударыңыз!
«Заң және Құқық» адвокаттық кеңсесі, Бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық кеңесті, құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
