Түсініктеме 637-бапқа алқабилерінің қатысуымен сот отырысын тағайындау кезінде алдын ала тыңдау тәртібімен шығарылатын шешімдердің ерекшеліктері Қазақстан Республикасы қылмыстық процессуалдық кодексінің
Алдын ала тыңдау қорытындысы бойынша судья осы Кодекстің 322-327 – баптарында көзделген шешімдердің бірін қабылдайды.
Егер сотталушы алқабилердің қатысуымен істі қарау туралы өтінішхатты мәлімдесе немесе ол туралы бұрын мәлімделген өтінішхатты растаса сот отырысын тағайындау туралы қаулыда судья істі алқабилердің қатысуымен сот қарайтынын көрсетеді және осы сот отырысына шақырылуға жататын алқабилерге кандидаттардың санын айқындайды, олардың саны кемінде жиырма бес болуы тиіс.
Алдын ала тыңдау нәтижелері бойынша судья осы Кодекстің 112-бабына сәйкес іс материалдарынан дәлелдемелер ретінде жол берілмейтін деп танылған нақты деректерді алып тастайды.
1.Алқабилердің қатысуымен сот отырысын тағайындау кезінде алдын ала тыңдау тәртібімен шығарылатын шешімдер алқабилерсіз әдеттегі тәртіппен қарау болжанатын іс бойынша бас сот талқылауын тағайындау кезіндегі шешімдерге ұқсас. Олардың қатарында іс бойынша іс жүргізуді тоқтата тұру туралы (ҚІЖК-нің 324-бабы), қылмыстық істі соттылығы бойынша жіберу туралы (ҚІЖК-нің 326-бабы), қылмыстық істі тоқтату туралы (ҚІЖК-нің 327-бабы) шешімдер болуы мүмкін.
2.Алдын ала тыңдау сатысында іс материалдарының дәлел ретінде жіберілмеуі туралы өтінішхаттар қаралуы мүмкін. Істі алдын ала тыңдау нәтижелері бойынша қылмыстық істен жол берілмейтін дәлелдемелерді алып тастау қажеттілігі туралы мәселе алқабилердің объективтілігі мен бейтараптығына әсер етуі мүмкін кез келген сыртқы факторларды істен алып тастау қажеттілігінен туындады. Сондықтан бұл рәсімді судья тараптардың қатысуымен, бірақ алқабилер болмаған жағдайда жүргізеді. Соттың мұндай шешімі тараптар үшін алқабилердің қатысуымен істі қарау кезінде міндетті болып табылады, олар рұқсат етілген дәлелдемелер қатарынан шығарылған іс материалдарына сілтеме жасап қана қоймай, олар туралы алқабилердің қатысуымен де айтуға құқылы емес.
ҚІЖК-нің 637-бабының 3-бөлігінде дәлелдемелер ретінде жол берілмейтін деп танылған нақты деректер сот оларды зерттеуді жоққа шығаратыны көрсетілген.
ҚІЖК-нің 662-бабы 2-бөлігінің 1) тармағына сәйкес істің нәтижесі үшін елеулі маңызы болуы мүмкін жол берілетін дәлелдемелерді талқылаудан негізсіз алып тастау алқабилердің қатысуымен шығарылған үкімнің күшін жоюдың немесе өзгертудің дербес негізі болып табылады.
ҚІЖК-нің 99-бабының 3-бөлігіне сәйкес істі алдын ала тыңдауда өтінішхатты қабылдамау оның қылмыстық сот ісін жүргізудің келесі кезеңдерінде қайта өтініш беруіне кедергі келтірмейді, яғни Тараптың осы мәселені бас сот талқылауында қарау құқығын шектемейді.
3.Бас сот талқылауын тағайындау туралы қаулыда ҚІЖК-нің 322-бабында келтірілген мәселелермен қатар судья істі алқабилердің қатысуымен соттың қарауы туралы көрсетеді және алқабилерге кандидаттардың, сот отырысына шақырылуға жататын кемінде жиырма бес адамның санын белгілейді. Алқабилерге кандидаттардың мұндай саны істі мәні бойынша қарау үшін алқабилер алқасының заңды және негізделген құрамын қалыптастыруға ықпал етеді.
Қазақстан Республикасы Жоғарғы Сотының Қазақстан Республикасының қылмыстық іс жүргізу кодексіне түсініктемесі
Қылмыстық іс жүргізу кодексі, Қылмыстық кодекс, қылмыстық іс жүргізу кодексіне түсініктемелер, Жоғарғы Соттың нормативтік қаулысы, қылмыстық заңнама, Қазақстан Республикасының нормативтік құқықтық актілері
Конституция Закон Кодекс Норматив Указ Приказ Решение Постановление Адвокат Алматы Юрист Юридическая услуга Юридическая консультация Гражданские Уголовные Административные дела споры Защита Арбитражные Юридическая компания Казахстан Адвокатская контора Судебные дела Декларация Указ Приказ Постановление Решение Доклад Заключение Заявление Заключение Конвенция Контракт Меморандум Методика Нормы Нота Правила Программа Устав Хартия Статья Комментарий Резолюция Регламент Протокол Проект Программа Правила Послания
