299-1-бап. Сотқа дейінгі тергеп-тексеруді жүзеге асыратын адамдар жасайтын айыптау актісінің мазмұны Қазақстан Республикасының Қылмыстық-процестік кодексi

      1. Айыптау актісі кіріспе, сипаттау-уәждеу және қарар бөліктерінен тұрады.

      2. Кіріспе бөлікте:

      1) айыптау актісі жасалған күн мен орын;

      2) айыптау актісін жасаған адамның лауазымы, тегі мен аты-жөні;

      3) күдіктінің тегі, аты және әкесінің аты (егер ол жеке басын куәландыратын құжатта көрсетілсе), туған күні, айы, жылы және туған жері көрсетіледі.

      3. Сипаттау-уәждеу бөлігінде:

      1) жасалған қылмыстық құқық бұзушылық оқиғасы, уақыты, орны, оның тәсілі, себебі, салдары, саралануы және өзге де мән-жайлар;

      2) жәбірленуші туралы, оған келтірілген зиянның сипаты мен мөлшері туралы мәліметтер;

      3) қылмыстық құқық бұзушылық жасау арқылы алынған мүлік туралы мәліметтер;

      4) күдіктінің жауаптылығын ауырлататын және жеңілдететін мән-жайлар;

      5) күдікті туралы мәліметтер (азаматтығы, отбасылық жағдайы, айналысатын кәсібі, білімі, тұрғылықты жері, сотталғандығының бар-жоғы), оны сипаттайтын өзге де деректер, оған қатысты таңдалған бұлтартпау шарасы;

      6) адамды айыптауға негіз болатын мән-жайларды растайтын дәлелдемелердің тізбесі;

      7) алкогольге, есірткіге немесе басқа да тәуелділіктен емдеуді қолданудың алғышарттары болып табылатын мән-жайлар туралы мәліметтер баяндалады.

      4. Айыптау актісінің қарар бөлігінде күдіктінің тегі, аты және әкесінің аты (егер ол жеке басын куәландыратын құжатта көрсетілсе), оған жасады деп айып тағылып отырған іс-әрекет сараланатын қылмыстық заңның нақты бабы, бабының бөлігі мен тармағы және сотқа дейінгі тергеп-тексеруді жүзеге асыратын адамның айыптау актісін бекіту туралы мәселені шешу үшін қылмыстық істі прокурорға жолдағаны және қылмыстық істі мәні бойынша қарау үшін сотқа жолдағаны туралы көрсетіледі.

      5. Айыптау актісіне оны жасаған адам қол қояды.

      6. Адам қылмыстық заңның әртүрлі баптарында, баптарының бөліктерінде немесе тармақтарында көзделген бірнеше қылмыстық құқық бұзушылық жасады деп айыпталған кезде айыптау актісінде осы қылмыстық құқық бұзушылықтардың әрқайсысы жеке сараланып көрсетілуге тиіс.

      Бір қылмыстық құқық бұзушылық жасады деп бірнеше адам айыпталған кезде айыптау актісінде қылмыстық құқық бұзушылықтың саралануы әрбір күдіктіге қатысты көрсетіледі.

      7. Айыптау актісіне осы Кодекстің 299-бабының үшінші бөлігінде көзделген құжаттар қоса беріледі.

Бапқа өзгерістер мен толықтырулар енгізілген Қазақстан Республикасының Заңымен 2026 жылғы 1 шiлдедегi № 331-VIII ҚРЗ 

Қазақстан Республикасының  

Президенті  

 Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер орғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы Декларация Жарлық Бұйрық Қаулы Шешім Баяндама Қорытынды Өтініш Конвенция Келісімшарт Меморандум Әдістеме Нормалар Нота Ережелер Бағдарлама Жарғы Мақала Түсініктеме Қарар Регламент Хаттама Жоба Жолдау