56-бап. Аяқталмаған қылмыс үшiн жаза тағайындау ҚР ҚК, Қылмыстық кодексi Қазақстан Республикасының
1. Аяқталмаған қылмыс үшiн жаза тағайындау кезiнде мән-жайлардың себебiнен қылмыс ақырына дейiн жетпеген сол мән-жайлар ескерiледi.
2. Қылмысқа дайындалғаны үшiн жазаның мерзiмiн немесе мөлшерiн осы Кодекстiң Ерекше бөлiгiнің тиiстi бабында аяқталған қылмыс үшiн көзделген жазаның негізгі түрiнiң ең жоғары мерзiмiнiң немесе мөлшерiнiң жартысынан асыруға болмайды.
3. Қылмысқа оқталғаны үшiн жазаның мерзiмiн немесе мөлшерiн осы Кодекстiң Ерекше бөлiгiнің тиiстi бабында аяқталған қылмыс үшiн көзделген жазаның негізгі түрiнің ең жоғары мерзiмiнiң немесе мөлшерiнiң төрттен үшінен асыруға болмайды.
4. Қылмысқа дайындалғаны үшiн және қылмысқа оқталғаны үшiн өмір бойына бас бостандығынан айыру тағайындалмайды.
Осы Кодекстің Ерекше бөлігі бабының санкциясында өмір бойына бас бостандығынан айырудан басқа, жазаның өзге түрі көзделмеген жағдайларда жиырма бес жыл мерзімге бас бостандығынан айыру түріндегі жаза тағайындалады.
Егер осы Кодекстің Ерекше бөлігі бабының санкциясында өмір бойына бас бостандығынан айырудан басқа, жазаның өзге түрі көзделмесе:
1) он сегіз жасқа дейін қылмыс жасаған адамдарға аяқталмаған қылмысы үшін жазаның мерзімін немесе мөлшерін есептеу осы Кодекстің 81-бабы жетінші бөлігінің ерекшеліктері ескеріле отырып, осы баптың екінші немесе үшінші бөліктерінде көзделген қағидалар бойынша айқындалады;
2) әйелдерге, бірінші немесе екінші топтағы мүгедектігі бар адамдарға, алпыс үш жастағы және ол жастан асқан еркектерге аяқталмаған қылмысы үшін жазаның мерзімін немесе мөлшерін есептеу осы Кодекстің 46-бабы 4-1-бөлігінің ерекшеліктері ескеріле отырып, осы баптың екінші немесе үшінші бөліктерінде көзделген қағидалар бойынша айқындалады.
Қазақстан Республикасының
Президенті
© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК
Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
