Камералдық бақылау нәтижелері бойынша анықталған бұзушылықтарды жою туралы хабарламаны (бұдан әрі - хабарлама) заңсыз деп танып, күшін жою туралы
2025 жылғы 13 мамырдағы № 6001-24-00-6ап/3352
Талап қоюшы: «Ӛ» ЖШС (бұдан әрі – ЖШС)
Жауапкер: «Мемлекеттік кірістер басқармасы» республикалық мемлекеттік мекемесі (бұдан әрі - Басқарма)
Даудың нысанасы: камералдық бақылау нәтижелері бойынша анықталған бұзушылықтарды жою туралы хабарламаны (бұдан әрі - хабарлама) заңсыз деп танып, күшін жою туралы
Жауапкердің кассациялық шағымы бойынша қайта қарау ІСТІҢ МӘНІ:
ЖК «А» тіркеуі жарамсыз деп танылып, қызметі тоқтатылған.
Соттың шешімі 2023 жылғы 29 қыркүйекте заңды күшіне енген.
Мамандандырылған ауданаралық экономикалық сотымен 2023 жылдың 29 қыркүйегіндегі шығыс №5265-23-5-21/13267 хатымен ЖК
«А» қатысты соттың шешімі орындау үшін қала бойынша Мемлекеттік кірістер департаментінің ауданы бойынша Мемлекеттік кірістер басқармасына жолданған.
Мамандандырылған ауданаралық экономикалық сотының 2023 жылғы 27 қазандағы шешімімен қала бойынша Мемлекеттік кірістер департаментінің ауданы бойынша Мемлекеттік кірістер басқармасының талабы қанағаттандырылып, «А» ЖШС-нің мемлекеттік тіркеуін жарамсыз деп тану жолымен таратылған.
Соттың шешімі 2023 жылғы 11 желтоқсанда заңды күшіне енген. Мамандандырылған ауданаралық экономикалық сотымен
2023 жылдың 12 желтоқсандағы шығыс №5265-23-5-21/17514 хатымен «А» ЖШС-не қатысты соттың шешімі орындау үшін қала бойынша Мемлекеттік кірістер департаментінің ауданы бойынша Мемлекеттік кірістер басқармасына жолданған.
Осы сот шешімдерінің негізінде Басқарма 2024 жылғы 07 ақпанда камералдық бақылау нәтижелері бойынша мемлекеттік кірістер органдары анықтаған тәуекел дәрежесі орташа бұзушылықтарды жою туралы №001 хабарлама рәсімдеп, ЖШС-ға берілген.
Хабарламаның 1-қосымшасына сәйкес камералдық бақылаумен қамтылған кезең 01.01.2021-31.12.2023 жылдар. Салық кодексінің 400-бабы 1-тармағының 1) тармақшасына және 403-бабы 4-тармағына сәйкес тіркелуі жарамсыз деп танылған салық тӛлеушімен ӛзара есеп айырысу бойынша қосылған құн салығының (ҚҚС) соммасын заңсыз есепке жатқызу. Бұзушылық соммасы 12 378 804 теңге.
Хабарламаның 2-қосымшасына сәйкес бұзушылықтар жеткізуші ЖК «А» ESF-743, ESF-141, ESF-982, электрондық шот-фактуралары (әрі қарай - ЖК «А»-мен жазылған ЭСФ) бойынша анықталған.
Хабарламаның 2-қосымшасына сәйкес бұзушылықтар жеткізуші
«А» ЖШС-нің ESF-451, ESF-261, ESF-693, ESF-623, ESF-063, ESF-473,
ESF-872, ESF-351 электрондық шот-фактуралары (әрі қарай - «А» ЖШС жазылған ЭСФ) бойынша анықталған.
Талап қоюшы сотқа жүгініп, 2020-2021 жылдары мемлекеттік сатып алу туралы шарты бойынша қаласы аумағында Р-33 ирригациялық каналының құрылысын жүргізгенін, осы нысан бойынша бірқатар контрагенттермен қаржылық қарым-қатынас жасағанын, соның ішінде ЖК
«А»-мен шарт түзілгенін, ҚҚС қоса аударылғанын, салықтық
декларациялар тапсырылғанын, ЭСФ-ға сәйкес ЖК «А» ҚҚС бойынша тіркеуде болғанын, барлық құжаттар талаптарға сәйкес рәсімделгенін. Сонымен қатар жеткізуші «А» ЖШС-мен 2021 жылы бірнеше шарт түзілгенін, салықтық декларациялар тапсырылғанын, ЭСФ-ға сәйкес «А» ЖШС ҚҚС бойынша тіркеуде болғанын, барлық құжаттар талаптарға сәйкес рәсімделгенін. Мемлекеттік сатып алу келісім шарттар бойынша нысандар тапсырыс берушіге толық тапсырылған, сот шешімімен жалған ЭСФ жазу деректері анықталмағанын, Басқарманың ережесінде хабарлама жіберу, оған басшысының қол қою құзыреті кӛрсетілмегенін, хабарлама бұзушылықтар анықталған күннен бастап он жұмыс күнінен кешіктірілмей жолданбағанын кӛрсетіп, хабарламаны заңсыз деп танып, күшін жоюды сұраған.
Сот актілері:
1-ші саты:
Мамандандырылған ауданаралық әкімшілік соттың 2024 жылғы
6 маусымдағы шешімен талап қоюшы ЖШС-ның талап қою қанағаттандырылған.
Жауапкердің 2024 жылғы 07 ақпандағы №001 камералдық бақылау нәтижелері бойынша анықталған бұзушылықтарды жою туралы хабарламасы заңсыз деп танылып, күші жойылған.
Апелляция: бірінші сатыдағы соттың шешімі күшінде қалдырылған.
Кассация: сот актілері күшінде қалдырылған.
Қорытындылар: жергілікті соттар талап қоюды қанағаттандыра отырып, Салық кодексінің 94, 96-баптарын және 114-бабының 2-тармағы 10) тармақшасын, ӘРПК-нің 79-бабын, 84-бабының 1 және 2- бӛліктерін басшылыққа алып, салық органымен белгіленген мерзімді елеулі бұзып хабарламаның қабылдануы оның заңсыз деп танылуға жатады деген дұрыс қорытындыға келген.
ӘРПК-нің 129-бабының екінші бӛлігінің 1) тармақшасы және үшінші бӛлігі негізінде дәлелдеу ауыртпалығын дау айту жӛніндегі талап қою бойынша ауыртпалық түсіретін әкімшілік актіні қабылдаған жауапкер кӛтереді.
Басқарма сот шешімдерін тиісті мерзімде ала тұра хабарламаның кеш қабылдануына уәждері мен дәлелдемелерін сотқа ұсынбаған, сондықтан соттардың хабарлама қабылдану мерзімін МАӘС шешімдерін заңды күшіне енген күннен бастап негізді есептеген.
Салық кодексінің 48-бабына сілтеме жасап, осы бапта кӛзделген мерзім ішінде салық органы хабарламаны қабылдау құқығы бар деген кассациялық шағым мен ӛтішінхаттың уәждері негізсіз, ӛйткені «талап қою мерзімі» және «хабарламаны жіберу мерзімі» тектес мерзімдер болып табылмайды, Салық кодексінің әртүрлі нормаларымен реттеледі.
Расымен хабарлама талап қою мерзім шегінде қабылдану мүмкін, алайда Салық кодексінің 114-бабында кӛзделген мерзімдер сақталуы тиіс.
Жоғарыда баяндалған және соттар анықтаған мән-жайлары аясында сот алқасы жергілікті соттардың талап қоюды қанағаттандыру туралы
тұжырымымен келіскен, ӛйткені сотқа шағымданылған әкімшілік актінің заңсыздығы істі қарау барысында расталған.
Бұл ретте апелляциялық сатының талап қоюшы мен осы контрагенттер арасындағы ӛзара есеп айырысулардың нақты жүзеге асырылуының дәлелденуі туралы қорытындылары Cалық кодексінің 145-бабымен салық органдарына бекітілген тексеру жүргізу құқығы, салықтық әкімшілендіру шаралары, оның ішінде салықтық тексерулердің нәтижелерін алдын ала анықтауға жол бермеуіне байланысты қаулының дәлелді бӛлігінен алып тастауға жатады.
Сот актілері материалдық және процестік құқық нормаларына негізделіп шығарылған, заң нормалары дұрыс қолданылған, іс бойынша дәлелдемелерге заң тұрғысынан дұрыс баға берілген.
Сот алқасы дауланып отырған сот актілерінің күшін жоюға не ӛзгертуге дәлелді негіздер жоқ деп санаған.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
