Атқарып отырған лауазымынан босату» және «жұмыстан шығару» сияқты жазалардың түрлерін ажырату керек
Атқарып отырған лауазымынан босату сияқты осындай жазаны қолдану үшін тәртіптік теріс қылық жасау фактісін анықтау жеткілікті. Ал жұмыстан шығару тәртіптік теріс қылық жасағаны үшін жаза сияқты «Құқыққорғау қызметі туралы» Заңның 80-бабында кӛзделген негіздер бойынша ғана қолданылуы мүмкін.
Тәртіптік жаза ретінде атқарып отырған лауазымынан босату қызметкерді құқық қорғау органының қарамағына қабылдауға негіз болып табылады. Ӛз кезегінде, ұсынылған лауазымға орналасудан бас тартуы және құқық қорғау органының қарамағында болу мерзімінің ӛтуі «Құқық қорғау қызметі туралы» Заңның 80-бабы 1-тармағының 17) тармақшасына сәйкес қызметкерді жұмыстан шығару үшін дербес негіз болып табылады.
Ж. «Қазақстан Республикасы Ішкі істер министрлігінің Кӛліктегі полиция департаменті» ММ-де Орал станциясындағы ішкі істер желілік бӛлімінің бастығы қызметінде болған. 2020 жылғы 01 қазанда Департаменттің ӛзіндік қауіпсіздік басқармасына Департамент қызметкерлерінің заңсыз әрекеттері фактісі бойынша материал келіп түсті, Ж-тың Жедел жұмыс жӛніндегі департамент бастығының орынбасарымен Департамент аппаратының жедел бӛлімшелерінің бірінде басшы лауазымға тағайындау үшін ақшалай қаражаттың ықтимал сомасы туралы жабық әңгімелескен фактісі анықталды.
2021 жылғы 18 қаңтардағы бұйрықпен Ж. Департаменттің қарамағында қалдырыла отырып, атқарып отырған лауазымынан босатылады. Ж-тың бұйрықтың күшін жою және жұмысқа қайта алу туралы талабын қанағаттандыра отырып, Нұр-сұлтан қаласының Сарыарқа аудандық соты (2021 жылғы 19 мамырдағы шешім) Ж-тың № 246 Қағиданың 14-тармағындағы қызметтік тәртіпті ӛрескел бұзушылықтар тізбесінде қамтылған тәртіптік теріс қылықтардың ешқайсысын жасамағанын негізге алды.
Алайда, бұл ретте сот аталған Қағидаларда құқық қорғау органдарында қызметін тоқтатқан қызметкерлерді кадрлардан шығару тәртібі туралы сӛз болып отырғанын ескермеген. Ал 2021 жылғы 18 қаңтардағы бұйрықтан Ж.Департаменттің қарамағында қалдырылып, атқарып отырған қызметінен босатылғаны туындайды.
Нұр-Сұлтан қаласы сотының азаматтық істер жӛніндегі сот алқасының 2021 жылғы 25 тамыздағы қаулысымен сот шешімінің күші жойылды, іс бойынша Ж-тың талап қоюын қанағаттандырудан бас тартылған жаңа шешім шығарылды.
Жоғарғы Сот судьясының 2022 жылғы 14 ақпандағы қаулысымен апелляциялық сатының қаулысын кассациялық тәртіппен қайта қарау туралы ӛтінішхатты кассациялық сатыға беруден бас тартылды.
Назар аударыңыз!
«Заң және Құқық» адвокаттық кеңсесі, Бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкендігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық кеңесті, құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
